മനംകവരും ഡിസൈനിൽ സുസുക്കി ജിക്സർ 250

ജിഎസ്എക്സ് ആർ 1000ൽ നിന്നുള്ള ഡിസൈൻ കടമെടുത്താണ് ജിക്സർ 250യ്ക്ക് രൂപംനൽകിയിരിക്കുന്നത്.

മുന്നിലെ ഫെയറിംഗും ഹെഡ്‌ലൈറ്റും ജിഎസ്എക്സ് ആർ 1000നെ അനുസ്മരിപ്പിക്കും വിധമാണ്. എന്നാൽ സൈഡ് പ്രൊഫൈൽ തികച്ചും ജിക്സർ എസ്എഫിന് സാമ്യമുണ്ട്.

14.6ബിഎച്ച്പിയും 14എൻഎം ടോർക്കും നൽകുന്ന 155സിസി സിങ്കിൾ സിലിണ്ടർ എൻജിനുള്ള ജിക്സർ, ജിക്സർ എസ്എഫ് എന്നീ മോഡലുകളാണ് നിലവിൽ വിപണിയിൽ ഉള്ളത്.

ജിക്സർ 250സിസിയിൽ ലിക്വിഡ് കൂളിംഗ് സിസ്റ്റമുള്ള താരതമ്യേന വലിയ എൻജിനാണ് നൽകിയിട്ടുള്ളത്.

24 മുതൽ 28വരെ ബിഎച്ച്പിയുള്ള എൻജിനിൽ 6സ്പീഡ് ഗിയർബോക്സാണ് ഉള്ളത്. ഇതുകൂടാതെ എബിഎസ് അടക്കമുള്ള ഡിസ്ക് ബ്രേക്കുകളാണ് ഇരുഭാഗത്തായി ഘടിപ്പിച്ചിട്ടുള്ളത്.

മുൻവശത്തെ ഫെയറിംഗും, വലിയ ടാങ്കും, ഇരട്ട എക്സോസ്റ്റും, സ്പ്ലിറ്റ് സീറ്റും ബൈക്കിന് ഒരു അഗ്രസീവ് ലുക്ക് പകരുന്നു.

സസ്പെൻഷൻ സംബന്ധിച്ച കാര്യങ്ങൾ നിർവഹിക്കുന്നത് മുൻവശത്തായി നൽകിയിട്ടുള്ള ടെലിസ്കോപിക് ഫോർക്കും പിന്നിലെ മോണോഷോക്കുമാണ്.

ഹോണ്ട സിബിആർ250ആർ, മഹീന്ദ്ര മോജോ എന്നിവരോടാണ് ജിക്സറിന് പോരാടേണ്ടി വരിക.

ആക്ടീവ-ഐ കൂടുതൽ വർണപൊലിമയോടെ

മോജോ വരുന്നു കൂടുതൽ ആകർഷകമായി