താരപദവിയലംങ്കരിച്ച ടിവിഎസ് ബൈക്കുകളും സ്കൂട്ടറുകളും

By Praseetha

Published: Monday, February 15, 2016, 14:26 [IST]

ഇന്ത്യൻ ഇരുചക്ര വാഹന നിർമാതാവായ ടിവിഎസ് മോട്ടോറിന്റെ നിരവധി ബൈക്കുകളും സ്കൂട്ടറുകളുമാണ് ഓട്ടോഎക്സ്പോയിൽ അവതരിച്ചത്. അതിൽ കൂടുതൽ ജനശ്രദ്ധയാകർഷിച്ച അപ്പാച്ചി ആർടിആർ 200 4വി, ആർടിആർ 450 എഫ് എക്സ് ബൈക്കുകളെ ഇവിടെ പരിചയപ്പെടുത്തുന്നു. വിദേശ ബൈക്കുകൾക്കിടയിൽ ഒരു താരപദവിയാണ് ഇവയ്ക്ക് ലഭിച്ചതെന്ന് പറയാം.

കഴിഞ്ഞ മാസമാണ് ടിവിഎസ് അപ്പാച്ചി ആർടിആർ 200 ഇന്ത്യൻ നിരത്തിലിറങ്ങിയത്. ആർടിആർ 450 എഫ് എക്സ് ഓഫ് റോഡ് സാഹസിക യാത്രയ്ക്ക് ഉപകരിക്കുന്ന ഡെർട്ട് ബൈക്ക് വിഭാഗത്തിൽപ്പെട്ട മോട്ടോർസൈക്കിളാണ്. ഇവ സംബന്ധിച്ച കൂടുതൽ വിവരങ്ങളും മറ്റ് ടിവിഎസ് മോഡലുകളുടെ ചിത്രങ്ങളും വരും താളുകളിൽ ചേർത്തിരിക്കുന്നു.

അപ്പാച്ചി ആർടിആർ 200-എൻജിൻ

ഫ്യുവൽ ഇൻഞ്ചെക്ഷൻ സിസ്റ്റം, കാർബുറേറ്റർ എന്നീ രണ്ട് എൻജിൻ വേരിയന്റുകളാണ് അപ്പാച്ചിയിൽ ഉള്ളത്. 197സിസി ഓയിൽ ആന്റ് എയർകൂൾഡ് സിങ്കിൾ സിലിണ്ടർ ഉൾക്കൊള്ളിച്ചിരിക്കുന്നത്.

അപ്പാച്ചി ആർടിആർ 200-എൻജിൻ

21ബിഎച്ച്പി കരുത്തും 18എൻഎം ടോർക്കുമാണ് ഫ്യുവൽ ഇൻഞ്ചെക്ഷൻ സിസ്റ്റമുള്ള അപ്പാച്ചിക്കുള്ളത്. 20 ബിഎച്ച്പി കരുത്തും അതേ എമൗണ്ട് ടോർക്കുമാണ് കാർബുറേറ്റർ ഉള്ള അപ്പാച്ചി നൽകുന്നത്.

അപ്പാച്ചി ആർടിആർ 200-ഗിയർബോക്സ്

5സ്പീഡ് ഗിയർബോക്സാണ് ഈ രണ്ട് എൻജിനിലും നൽകിയിരിക്കുന്നത്.

അപ്പാച്ചി ആർടിആർ 200-ഫീച്ചറുകൾ

ടെലിസ്കോപിക് ഫ്രണ്ട് ഫോർക്കുകൾ, റെയർ മോണോഷോക്ക്, മുന്നിലും പിന്നിലും ഡിസ്ക് ബ്രേക്കുകൾ, ഡിജിറ്റൽ ഇൻസ്ട്രുമെന്റ് കൺസോൾ, ഡേ ടൈം റണ്ണിംഗ് ലാമ്പുകൾ, അലോയ് വീലുകൾ, സ്പ്ളിറ്റ് സീറ്റുകൾ, ആന്റി-ലോക്ക് ബ്രേക്കിംഗ് സിസ്റ്റം, ലാപ് ടൈമർ,ഗിയർ പൊസിഷൻ ഇൻഡിക്കേറ്റർ, സർവീസ് റിമൈൻഡർ എന്നീ ഫീച്ചറുകൾ ഉൾപ്പെടുത്തിയിരിക്കുന്നു.