'ഇന്ത്യൻ മോട്ടോർസൈക്കിൾ ഓഫ് ദി ഇയർ' കിരീടം ചൂടി ടിവിഎസ് അപ്പാച്ചി ആർടിആർ!!

വില, മൈലേജ്, ഡിസൈൻ, കംഫർട്, പെർഫോമൻസ്, സേഫ്റ്റി, സാങ്കേതികത, ഇന്ത്യൻ റോഡിനുതകുന്ന സാഹചര്യങ്ങൾ എന്നിവ കണക്കിലെടുത്തുകൊണ്ടാണ് അപ്പാച്ചി മികച്ച ബൈക്ക് എന്ന ബഹുമതിക്ക് അർഹമായിരിക്കുന്നത്.

ബജാജ് വി15, ഡിഎസ്‌കെ ബെനലി ടിഎൻടി 25, ഹീറോ സ്പ്ലെന്റർ ഐസ്മാർട്110, ഹീറോ അച്ചീവർ 150, ഹോണ്ട നാവി, ഹോണ്ട സിബി ഹോർനെറ്റ് 160ആർ, റോയൽ എൻഫീൽഡ് ഹിമാലയൻ, യമഹ സല്യൂട്ടോ ആർഎക്സ് തുടങ്ങിയ ബൈക്കുകളെ പിൻതള്ളിയാണ് അപ്പാച്ചി ആർടിആർ 200 4വി ഈ കിരീടം ചൂടിയത്.

2016 ജനവരിയിലായിരുന്നു ഈ ബൈക്കിന്റെ വിപണിപ്രവേശം. ടിവിഎസ് 2014 ഓട്ടോഎക്സ്പോയിൽ പ്രദർശിപ്പിച്ച ഡാർക്കൻ എക്സ്21 കൺസ്പെറ്റിനെ അടിസ്ഥാനമാക്കിയുള്ളതായിരുന്നു ഈ ബൈക്കിന്റെ ഡിസൈൻ.

20.3ബിഎച്ച്പിയും 18.1എൻഎം ടോർക്കും നൽകുന്ന 197.75സിസി ഓയിൽ കൂൾഡ് എൻജിനാണ് അപ്പാച്ചിയുടെ കരുത്ത്. വെറും 3.95സെക്കന്റിൽ പൂജ്യത്തിൽ നിന്നും 60 കിലോമീറ്റർ വേഗമാർജ്ജിക്കാൻ സാധിക്കും.

v

മികച്ച ഹാന്റലിംഗ് നൽകുന്ന ഡബിൾ ക്രാഡിൽ സ്പ്ലിറ്റ് സിൻക്രോ സ്റ്റിഫ് ഫ്രെയിമാണ് ഈ ബൈക്കിന്റെ ഏറ്റവും വലിയ സവിശേഷത.

ദില്ലി എക്സ്ഷോറൂം 88,990രൂപയാണ് അപ്പാച്ചി ആർടിആറിന്റെ വിപണിവില.

ഒരപൂർവ്വ ബൈക്കുമായി ഡുക്കാട്ടി ഇന്ത്യയിൽ

ഞെട്ടിക്കുന്ന വിലയിൽ കാവസാക്കി ഡേർട്ട് ബൈക്കുകൾ ഇന്ത്യയിൽ