പുതിയ ടിവിഎസ് വിക്ടർ ബാംഗ്ളൂരിൽ; വില 51.600

ആധുനിക ഡിസൈനും, ഒന്നാന്തരം എൻജിനും, മികച്ച ഡ്രൈവിംഗ് അനുഭൂതിയും ഉൾപ്പെടുത്തിയ പുതിയ അവതാരമാണ് വിക്ടർ.

ഡ്രം ബ്രേക്ക് ഉൾപ്പെടുത്തിയ ബേസ് വേരിയന്റിന് ബാംഗ്ലൂർ എക്സ്ഷോറൂം വില 51,600രൂപയാണ് നിശ്ചയിച്ചിരിക്കുന്നത്. ഡിസ്ക് ബ്രേക്ക് ഉൾപ്പടുത്തിയ വേർഷന്റെ ബാംഗ്ലൂർ എക്സ്ഷോറൂം വില 53,600രൂപയാണ്.

109.7സിസി സിങ്കിൾ സിലിണ്ടർ എക്കോത്രസ്റ്റ് എൻജിനാണ് വിക്ടറിന് കരുത്ത് പകരുന്നത്. 9.4കുതിരശക്തിയും 9.4എൻഎം ടോർക്കുമാണ് ഈ എൻജിൻ ഉല്പാദിപ്പിക്കുന്നത്. 4സ്പീഡ് ഗിയർബോക്സാണ് നൽകിയിരിക്കുന്നത്.

112 കിലോഗ്രാം ഭാരമുള്ള വിക്ടറിൽ 8 ലിറ്റർ ഫ്യുവൽ ടാങ്കാണ് ഉൾപ്പെടുത്തിയിട്ടുള്ളത്. ലിറ്ററിന് 76കിലോമീറ്റർ മൈലേജാണ് വിക്ടർ പ്രദാനം ചെയ്യുന്നത്.

1260എംഎം വീൽബേസുള്ള വാഹനത്തിന് 175എംഎം ഗ്രൗണ്ട് ക്ലിയറൻസാണുള്ളത്.

ടെലിസ്കോപിക് ഫ്രണ്ട് ഫോർക്കുകൾ, പിൻവശത്തായി രണ്ട് ഷോക്ക് അബ്സോർബറുകൾ, ഡ്രം ബ്രേക്കുകൾ, സ്റ്റാന്റേഡ് ഹസാർഡ് ലാമ്പുകൾ എന്നീ ഫീച്ചറുകൾ ഉൾപ്പെടുത്തിയിരിക്കുന്നു.

സ്റ്റാന്റേഡ് ഹസാർഡ് ലാമ്പുകൾ ഈ സെഗ്മെന്റിൽ ഇതാദ്യമായിട്ടാണ്. അലോയ് വീലുകളും ഉൾപ്പെടുത്തിയിരിക്കുന്നു.

റെസ്റ്റ്ഫുൾ റെഡ്, ജെനറസ് ഗ്രേ, ബ്ലിസ്‌ഫുൾ ബ്ലൂ, സെറീൻ സിൽവർ, ബാലൻസ്‍ഡ് ബ്ലാക് റെഡ്, ബീറ്റിഫിക് ബ്ലാക് സിൽവർ എന്നിവയാണ് പുതിയ വിക്ടറിന്റെ നിറ ഭേദങ്ങൾ.

ബാഗ്ലൂരിലെ എല്ലാ ടിവിഎസ് ഷോറൂമുകളിലും വിക്ടർ ലഭ്യമാണ്. ഹീറോ സ്‌പ്ലെന്റർ, ബജാജ് സിടി100, ഹോണ്ട ഡ്രീം യുഗ എന്നിവയാണ് വിക്ടറിന്റെ മുഖ്യ എതിരാളികൾ.

25നും 35നും ഇടതിൽ പ്രായമുള്ള ആളുകളെ ഉദ്ദേശിച്ചുകൊണ്ടാണ് ടിവിഎസ് വിക്ടർ ഇറക്കിയിരിക്കുന്നത്. മികച്ച മൈലേജ് നൽകുന്ന ഒരു നല്ല ബൈക്കാണ് ആഗ്രഹിക്കുന്നതെങ്കിൽ ടിവിഎസ് വിക്ടർ തന്നെ തിരഞ്ഞെടുക്കാം.

പുതിയ അപ്പാച്ചിയും ഡ്യൂക്കും തമ്മിലുള്ള താരതമ്യം