ഉടനവതരിക്കുന്നു ബജാജ് പുതിയ പൾസറുമായി...

'പൾസർ 200എൻഎസ് ഉടൻ എത്തുന്നു' എന്ന ഇമേജാണ് ഫേസ്‌ബുക്കിൽ പങ്കിട്ടിരിക്കുന്നത്. ഈ മാസം തന്നെ വിപണിയിൽ അരങ്ങേറുമെന്ന് പ്രതീക്ഷിക്കാം.

പൾസർ 200 എൻഎസിന്റെ ആദ്യമോഡൽ 2012ലായിരുന്നു അവതരിച്ചത്. എന്നാൽ പ്രത്യേകിച്ചൊരു കാരണവുമില്ലാതെ ഈ നേക്കഡ് ബൈക്കിനെ വിപണിയിൽ നിന്നു പിൻവലിക്കുകയായിരുന്നു.

കുറച്ച് ദിവസങ്ങൾക്ക് മുൻപാണ് ബജാജ് പൾസർ 200എൻഎസ് എഫ്ഐ മോഡലിനെ തുർക്കിയിൽ അവതരിപ്പിച്ചത്. ഉടൻ തന്നെ ബജാജ് ഈ ബൈക്കിനെ ഇന്ത്യൻ റോഡിൽ എത്തിക്കുമെന്ന് പ്രതീക്ഷിക്കാം.

പുതിയ എൻജിനും ഫ്യുവൽ ഇൻഞ്ചെക്ഷൻ സാങ്കേതികതയും ഉൾപ്പെടുത്തിയാണ് ഈ പുതുക്കിയ പൾസർ മോഡലിനെ അവതരിപ്പിക്കുക.

24ബിഎച്ച്പിയും 18.3എൻഎം ടോർക്കുമുള്ള 194.4സിസി സിങ്കിൾ സിലിണ്ടർ ലിക്വിഡ് കൂൾഡ് എൻജിനാണ് ഈ മോഡലിന്റെ കരുത്ത്. 6 സ്പീഡ് ട്രാൻസ്മിഷനാണിതിലുള്ളത്.

പുതിയ ഡ്യുവൽ ടോൺ നിറത്തിൽ അവതരിക്കുന്ന ഈ ബൈക്കിൽ സുരക്ഷ കണക്കിലെടുത്തു കൊണ്ട് എബിഎസ് കൂടി ഉൾപ്പെടുത്തിയിട്ടുണ്ട്.

ഇക്കാരണങ്ങൾ കൊണ്ടുതന്നെ പുതുക്കിയ പൾസർ 200 എൻഎസിന് മുൻമോഡലിനേക്കാളും അല്പം വിലയും കൂടുവാനുള്ള സാധ്യതയുണ്ട്.

വിപണിയിൽ കെടിഎം ഡ്യൂക്ക് 200 ബൈക്കുകൾക്കായിരിക്കും ഈ പുത്തൻ പൾസർ വെല്ലുവിളിയാവുക.

ബജാജ് പൾസർ ആർഎസ് 200 റേസിംഗ് ബ്ലൂ എഡിഷനവതരിച്ചു

റോയൽ എൻഫീൽഡ് ബൈക്കുകൾക്ക് ഇനി എബിഎസും, ഡിസ്ക് ബ്രേക്കും