പുതിയ ഹോണ്ട ആഫ്രിക്ക ട്വിൻ അവതരിച്ചു...

ജപ്പാനിൽ അടിമുടി മാറ്റങ്ങളുമായി ഹോണ്ടയുടെ ഫ്ലാഗ്ഷിപ്പ് അ‍ഡ്വൻഞ്ചെറർ ടൂറർ പുതിയ ആഫ്രിക്ക ട്വിൻ അവതരിച്ചു.

By Praseetha

Updated: Tuesday, February 14, 2017, 13:12 [IST]

കോസ്മെറ്റിക്-മെക്കാനിക്കൽ പരിവർത്തനങ്ങളുമായി ഹോണ്ടയുടെ ഫ്ലാഗ്ഷിപ്പ് അ‍ഡ്വൻഞ്ചെറർ ടൂറർ പുതിയ ആഫ്രിക്ക ട്വിൻ അവതരിച്ചു. ജപ്പാൻ വിപണിയിൽ എത്തിച്ചേർന്നിട്ടുള്ള ആഫ്രിക്ക ട്വിൻ പുത്തൻ പതിപ്പിനെ ഈ വർഷം പകുതിയോടെ ഇന്ത്യയിലുമവതരിപ്പിക്കുമെന്നാണ് കമ്പനി നൽകിയ വിവരം.

ഇന്ത്യൻ നിരത്ത് മോഹിച്ച് ആഫ്രിക്ക ട്വിൻ...

യൂറോ ഫോർ എമിഷൻ ചട്ടങ്ങൾ പാലിക്കുന്ന വിധത്തിൽ എൻജിനിൽ മാറ്റങ്ങൾ വരുത്തിയിട്ടുണ്ട് കൂടാതെ പതിവിൽ നിന്നും 2ബിഎച്ച്പി അധികം സൃഷ്ടിക്കുന്ന എൻജിനുമായിരിക്കും ഇത്. പുത്തൻ നിറഭാവത്തിലാണ് അവതരണമെന്നതും ഏറെ വ്യത്യസ്ത പുലർത്തുന്നു.

94ബിഎച്ച്പിയും 98എൻഎം ടോർക്കും നൽകുന്ന 998സിസി ട്വിൻ സിലിണ്ടർ എൻജിനാണ് ഈ അഡ്വൻഞ്ചെർ ബൈക്കിന്റെ കരുത്ത്.

6 സ്പീഡ് മാനുവൽ ട്രാൻസ്മിഷനൊപ്പം 6 സ്പീഡ് ഡ്യുവൽ ക്ലച്ച് ട്രാൻസ്മിഷൻ (ഡിസിടി) കൂടി ഉൾപ്പെടുത്തിയിട്ടുണ്ട്. ഇന്ത്യൻ സ്പെക് മോഡലിൽ ഡിസിടി മാത്രമായിരിക്കുമുണ്ടാവുക.