നിരത്തിൽ തിളങ്ങാനെത്തി പുതിയ സിബി ഷൈൻ...

ക്രോം ഉൾപ്പെടുത്തിയിട്ടുള്ള എക്സോസ്റ്റ് മഫ്ളർ, കാർബുറേറ്റർ തുടങ്ങിയ ചില പരിഷ്കാരങ്ങൾ വരുത്തിയിട്ടുള്ള ഈ ബൈക്ക് ബ്ലാക്ക്, മാപ്പിൾ ബ്രൗൺ മെറ്റാലിക്, ജെനി ഗ്രെ മെറ്റാലിക്, റെബൽ റെഡ്, സ്പോർട്സ് റെഡ്, പേൾ വൈറ്റ്, അത്‌ലെറ്റിക് ബ്ലൂ എന്നീ ഏഴ് വ്യത്യസ്ത നിറങ്ങളിൽ ലഭ്യമായിരിക്കും.

ബിഎസ് IV ചട്ടങ്ങൾ പാലിക്കുന്ന 10.16ബിഎച്ച്പിയും 10.30എൻഎം ടോർക്കുമുള്ള 124.73സിസി എൻജിനാണ് പുതിയ സിബി ഷൈന്റെ കരുത്ത്. 4 സ്പീഡ് ഗിയർബോക്സും എൻജിനോട് ചേർത്തിട്ടുണ്ട്.

ഷൈനിന്റെ ട്യൂബ്‌ലെസ് ടയറിൽ ഡ്രം ബ്രേക്ക് നൽകിയതിനോടൊപ്പം ഫ്രണ്ട് ഡിസ്ക് വേരിയന്റും ലഭ്യമാക്കിയിട്ടുണ്ട്. കൂട്ടത്തിൽ കംബൈൻഡ് ബ്രേക്ക് സിസ്റ്റവും നൽകിയിട്ടുണ്ട്.

മുന്നിൽ ടെലിസ്കോപിക് ഫോർക്കുകളും പിന്നിൽ 5 സ്റ്റെപ്പ് അഡ്ജസ്റ്റബിൾ ഡ്യുവൽ ഷോക്ക് സസ്പെൻഷനുമാണുള്ളത്. ഇതുകൂടാതെ 10.3ലിറ്റർ ഫ്യൂവൽ ടാങ്കും 157എംഎം ഗ്രൗണ്ട് ക്ലിയറൻസും ബൈക്കിന്റെ സവിശേഷതയാണ്.

ഹോണ്ട ഷൈനിന്റെ ഡ്രം ബ്രേക്ക് വേരിയന്റുകൾക്ക് 55,799രൂപയും ഫ്രണ്ട് ഡിസ്ക് വേരിയന്റിന് 61,047രൂപയുമാണ് ദില്ലി എക്സ്ഷോറൂം വില.