ബജാജ് സിടി 100 നും പ്ലാറ്റിനയ്ക്കും പുതിയ വേരിയന്റുകള്‍ എത്തി

42,650 രൂപയാണ് പ്ലാറ്റിന ഇഎസ് സ്‌പോക്ക് വേരിയന്റിന്റെ എക്‌സ്‌ഷോറൂം വില. അലോയ് വീലുകള്‍ക്ക് പകരം സ്‌പോക്ക് വീല്‍ ലഭിക്കുന്ന ഇഎസ് സ്‌പോക്ക് വേര്‍ഷന്‍, പ്ലാറ്റിനയുടെ എന്‍ട്രി ലെവല്‍ വേരിയന്റാണ്.

Recommended Video

Tata Nexon Review: Expert Review Of Tata Nexon | In Malayalam - DriveSpark മലയാളം

8.1 bhp കരുത്തും 8.6 Nm torque ഉം ഉത്പാദിപ്പിക്കുന്ന 102 സിസി എഞ്ചിനാണ് ബജാജ് പ്ലാറ്റിനയ്ക്ക് ലഭിക്കുന്നത്. 4 സ്പീഡ് ഗിയര്‍ബോക്‌സാണ് പ്ലാറ്റിനയില്‍ ബജാജ് നല്‍കുന്നതും.

41,997 രൂപയാണ് സിടി 100 ഇഎസ് അലോയ് വേരിയന്റിന്റെ എക്‌സ്‌ഷോറൂം വില. സിടി 100 നിരയിലെ ടോപ് വേരിയന്റാണ് ഇഎസ് സ്‌പോക്ക് അലോയ്.

ബജാജ് നിരയിലെ മറ്റ് മോഡലുകള്‍ക്ക് സമാനമായ അലോയ് വീലുകളാണ് ഇഎസ് അലോയ് വേരിയന്റിലൂടെ ബജാജിന് ലഭിച്ചിരിക്കുന്നത്. അലോയ് വീലുകള്‍ക്ക് ഒപ്പം, ഇലക്ട്രിക് സ്റ്റാര്‍ട്ടും പുതിയ വേരിയന്റില്‍ ഇടംപിടിക്കുന്നു.

99.3 സിസി എഞ്ചിനാണ് സിടി 100 ല്‍ ബജാജ് നല്‍കുന്നത്. 8.1 bhp കരുത്തും 8.05 Nm torque ഉം ഏകുന്ന എഞ്ചിനില്‍ 4 സ്പീഡ് ഗിയര്‍ബോക്‌സാണ് ബജാജ് ലഭ്യമാക്കുന്നതും. സിടി 100 നിരയില്‍ 3300 രൂപ വിലവര്‍ധനവിലാണ് പുതിയ വേരിയന്റ് ഇഎസ് അലോയ് സാന്നിധ്യമറിയിക്കുന്നത്.