Click it and Unblock the Notifications
പള്സര് NS200 ന് എബിഎസ് പതിപ്പുമായി ബജാജ്; ബുക്കിങ്ങ് ആരംഭിച്ചു
ഇന്ത്യന് വിപണിയില് അതിവേഗം പ്രചാരം നേടിയ ബൈക്കുകളില് ഒന്നാണ് ബജാജ് പള്സര് NS200. മോട്ടോര്സൈക്കിളിന്റെ മികവും ശേഷിയും സംബന്ധിച്ച് ഉപഭോക്താക്കള് ഇന്ന് വരെയും പരാതി ഉന്നയിച്ചിട്ടില്ലെന്നതാണ് മോഡലിന്റെ വിജയം.
പക്ഷെ, NS200 ല് എബിഎസിനെ നല്കാന് വിസമ്മതിച്ച ബജാജിന്റെ നടപടി, ഇന്ത്യന് ഉപഭോക്താക്കളില് എന്നും നിരാശ പടര്ത്തി. പള്സര് NS200 ന്റെ രാജ്യാന്തര പതിപ്പുകളില് എബിഎസ് ഇടംപിടിച്ചിട്ടുണ്ട് എന്നതാണ് ഇന്ത്യന് ഉപഭോക്താക്കളെ ചൊടിപ്പിച്ചത്.
എന്തായാലും ആ കുറവ് പരിഹരിക്കാന് ബജാജ് ഇപ്പോള് തീരുമാനിച്ചിരിക്കുകയാണ്.
എബിഎസോട് കൂടിയ അപ്ഡേറ്റഡ് പള്സര് NS200 നെ ബജാജ് ഉടന് അവതരിപ്പിക്കും. FI ഡെക്കേലുകളോട് കൂടിയ പുതിയ പള്സര് NS200 ന്റെ ചിത്രങ്ങള് ഇന്റര്നെറ്റില് പ്രചരിക്കുന്നുണ്ടെങ്കിലും വരാനിക്കുന്ന മോട്ടോര്സൈക്കിളില് ഫ്യൂവല് ഇഞ്ചക്ഷന് ഇടംപിടിക്കില്ല.
നിലവിലുള്ള കാര്ബ്യുറേറ്ററില് തന്നെയാകും പുതിയ പള്സര് NS200 എത്തുകയെന്ന് ബജാജ് ഡീലര്ഷിപ്പുകള് വ്യക്തമാക്കി.
Recommended Video
പള്സര് RS200 ല് ഇടംപിടിക്കുന്ന സിംഗിള് ചാനല് എബിഎസ് സിസ്റ്റമാണ് പുതിയ പള്സര് NS200 ലും ഒരുങ്ങുന്നത്. മറ്റ് മോട്ടോര്സൈക്കിള് ഫീച്ചറുകളില് മാറ്റമില്ല.
നിലവിലുള്ള 199.5 സിസി ട്രിപ്പിള്-സ്പാര്ക്ക് എഞ്ചിനിലാണ് പുതിയ പള്സര് NS200 എബിഎസ് പതിപ്പും എത്തുക. 23.5 bhp കരുത്തും 18.3 Nm torque ഉം ഏകുന്ന എഞ്ചനില് 6 സ്പീഡ് ഗിയര്ബോക്സാണ് ഇടംപിടിക്കുന്നത്.
എബിഎസ് ഡെക്കേല് സാന്നിധ്യമാകും പുതിയ പള്സര് NS200 നെ നോണ്-എബിഎസ് പതിപ്പില് നിന്നും വേറിട്ട് നിര്ത്തുക.
പുതിയ പള്സര് NS200 എബിഎസിന് മേലുള്ള ബുക്കിംഗ് ഘട്ടം ഘട്ടമായി ഡീലര്ഷിപ്പുകള് ആരംഭിച്ചു കഴിഞ്ഞു.
Continue with Google