Click it and Unblock the Notifications
ഇഷ്ടം ബൈക്കിനോട്, എന്നാല് കിട്ടിയത് കാറും; ഇത് മാരുതി 800 കൊണ്ടൊരു ബൈക്ക്
ആര്ക്കും വേണ്ടാത്ത മാരുതി 800 നെ നോക്കി നെടുവീര്പ്പിട്ട ആ രംഗം നിലേഷ് സരോദ ഒരിക്കലും മറക്കില്ല. ഹാര്ഡ്കോര് ബൈക്ക് പ്രേമിയായ തനിക്ക്, മാരുതി 800 കിട്ടിയിട്ട് എന്ത് കാര്യം. ഈ ചിന്തയാണ് 800 സിസി മോട്ടോര്സൈക്കിളിനെ നിര്മ്മിക്കുന്നതിലേക്ക് നിലേഷ് സരോദയെ നയിച്ചത്.
കേട്ടത് സത്യമാണ്. മാരുതിയുടെ 800 സിസി എഞ്ചിനില് തീര്ത്ത ബൈക്കിനെയാണ് നിലേഷ് സരോദ ഒരുക്കിയത്.
നിലേഷ് സരോദയുടെ ബൈക്കിനെ കാഴ്ചയില് അതിഗംഭീരം എന്ന് വിശേഷിപ്പിക്കാന് സാധിക്കില്ലായിരിക്കാം. കാരണം, കസ്റ്റം ബൈക്ക് മോഡിഫിക്കേഷനിലേക്കുള്ള നിലേഷ് സരോദയുടെ ആദ്യ ചുവട് വെയ്പാണ് ഈ 800 സിസി ബൈക്ക്.
ചാസി, ഫ്യൂവല് ടാങ്ക്, സീറ്റ്, ട്രാന്സ്മിഷന് സിസ്റ്റം ഉള്പ്പെടുന്ന ബൈക്കിന്റെ എല്ലാ ഘടകങ്ങളും 800 സിസി എഞ്ചിന്റെ പശ്ചാത്തലത്തില് കസ്റ്റം നിര്മ്മിച്ചതാണ്.
കെടിഎം ഡ്യൂക്ക് 390 യില് നിന്നും കടമെടുത്തതാണ് അപ്സൈഡ് ഡൗണ് ടെലിസ്കോപിക് ഫോര്ക്കുകള്. ഡ്യൂവല് ഹെഡ്ലാമ്പുകളാണ് 800 സിസി ഭീകരന് ബൈക്കിന് നിലേഷ് സരോദ നല്കിയിരിക്കുന്നത്.
Recommended Video
മോട്ടോര്സൈക്കിളിന്റെ ഭാരം താങ്ങാന് പ്രാപ്തമാണ് ഫ്രണ്ട് സസ്പെന്ഷന് അസംബ്ലി. ഫ്ളാറ്റ് ഹാന്ഡില് ബാറാണ് മോഡലിന്റെ മറ്റൊരു വിശേഷം.
റിയര് ഫെയന്ഡറിലാണ് ഫ്യൂവല് ടാങ്ക് നിലകൊള്ളുന്നത്. അപ്പോള് പിന്നെ മുന്വശത്ത് കാണുന്ന ഫ്യൂവല് ടാങ്കോ? സംശയമുണ്ടാകാം. മുന്വശത്ത് കാണുന്നത് ഫ്യൂവല് ടാങ്ക് അല്ല.
സ്പീഡോമീറ്റര്, ഓടോമീറ്റര്, ഫ്യൂവല് ഗൊജ്, ഓയില് ടെമ്പറേച്ചര് ഗൊജ്, ഇന്ഡിക്കേറ്ററുകള് മുതലായ ഉള്പ്പെടുന്ന ഡാഷ്ബോര്ഡ് ഡിസ്പ്ലേയാണ് ഫ്യൂവല് ടാങ്കിന്റെ സ്ഥാനത്ത് ഇടംപിടിച്ചിരിക്കുന്നത്.
4 സ്പീഡ് ഗിയര്ബോക്സില് ഒരുങ്ങിയ ഈ 800 സിസി ബൈക്കിന് ഒരു റിവേഴ്സ് ഗിയറും സ്വന്തമായുണ്ട്. ഇരു ടയറുകള്ക്കും ലഭിച്ച ഡിസ്ക് ബ്രേക്കുകളാണ്, ബ്രേക്കിംഗ് ദൗത്യം നിര്വഹിക്കുന്നത്.
എന്തായാലും ആദ്യ ചുവട് വെയ്പ് തന്നെ ശ്രദ്ധ നേടിയ അടിസ്ഥാനത്തില്, കസ്റ്റം ബൈക്ക് മോഡിഫിക്കേഷനിലേക്ക് ഇറങ്ങാനുള്ള തയ്യാറെടുപ്പിലാണ് നിലേഷ് സരോദ.
'സരോദ മോട്ടോര്സ്' എന്ന ബ്രാന്ഡ് നാമവും ഇദ്ദേഹം സ്വീകരിച്ച് കഴിഞ്ഞു.
Image Source: xBhp
Continue with Google