നിരത്തിലെ താരമാകാൻ സ്പ്രിംഗ്ഫീൽഡ്, ഡാർക് ഹോഴ്സ് ബൈക്കുകൾ ഇന്ത്യയിൽ...

ഇന്ത്യൻ മോട്ടോർസൈക്കിളിന്റെ ജന്മനാടാണ് സ്പ്രിംഗ്ഫീൽഡ്. ആ പേരുതന്നെയാണ് ഈ ക്രൂസർ ബൈക്കിനും നൽകിയിരിക്കുന്നത്. ആധുനിക സാങ്കേതികത ഉൾപ്പെടുത്തി ക്ലാസിക് സ്റ്റൈലിൽ ആണ് ബൈക്കിന്റെ അവതരണം.

ഏത് ആങ്കിളിൽ നിന്നും ആളുകളുടെ ശ്രദ്ധ പിടിച്ചു പറ്റുന്ന തരത്തിലുള്ള രൂപവും മനോഭാവവുമാണ് ഈ ബ്ലാക്ക് ബാഗറിനുള്ളത്.

മുൻപത്തെ സ്റ്റാൻഡേർസ് ചീഫ്‌ടെയിനുമായി താരതമ്യപ്പെടുത്തുമ്പോൾ പുതിയ ബൈക്ക് മാറ്റ് ബ്ലാക്ക് ഫിനിഷിങ്ങിലാണ് അവതരിച്ചിരിക്കുന്നത്.

ക്ലാസിക് സ്റ്റൈലിലും മാറ്റ് ബ്ലാക്ക് ഫിനിഷിങ്ങിലുമുള്ള ഈ രണ്ട് ബൈക്കുകൾക്കും കരുത്തേകുന്നത് 1811സിസി വി ട്വിൻ ടണ്ടർ സ്ട്രോക്ക് 111 എൻജിനാണ്. 6 സ്പീഡ് ഗിയർബോക്സാണ് ഈ എൻജിനോട് ചേർത്തിട്ടുള്ളത്.

കാർട്രിഡ്ജ് ഫോർക്കും എയർ അഡ്ജസ്റ്റബിൾ റിയർ സസ്പെൻഷനും അടങ്ങുന്ന വേറിട്ടൊരു ചാസിയാണ് ഇന്ത്യൻ സ്പ്രിംഗ്ഫീൽഡിന്റെ പ്രത്യേകത. കസ്റ്റമൈസ് ചെയ്യാവുന്ന സീറ്റ്, വിന്റ്ഷീൽഡ്, 64.3ലിറ്റർ അക്സസറി ട്രങ്ക് എന്നിവയാണ് മറ്റു ഫീച്ചറുകൾ.

സിങ്കിൾ സീറ്റ്, എബിഎസ്, ഇലക്ട്രിക ക്രൂസ് കൺട്രോൾ, ഓഡിയോ സിസ്റ്റം, കീലെസ് ഇഗ്നീഷൻ എന്നീ സവിശേഷതകളാണ് ഇന്ത്യൻ ചീഫ്‌ടെയിൻ ഡാർക്ക് ഹോർസിലുള്ളത്.

ഹെഡ്രെസ്, ഫോർക്കുകൾ, മിറർ, ടേൺസിഗ്നലുകൾ, എയർബോക്സ് കവർ എന്നിവയെല്ലാം ബ്ലാക്ക് നിറത്തിലാണ് നൽകിയിരിക്കുന്നതെന്നും പുതിയ ചീഫ്‌ടെയിൻ പതിപ്പിന്റെ പ്രത്യേകതയാണ്.

പുതുപുത്തൻ ബൈക്കുമായി യമഹ എത്തുന്നു ജനുവരി 24ന്

സ്പോർട്സ്ബൈക്ക് പ്രേമികൾക്കായി ഒരു പുതുപുത്തൻ യമഹ ബൈക്ക്