Click it and Unblock the Notifications
വീണ്ടും പുതിയ മോട്ടോര്സൈക്കിളുമായി കെടിഎം; RC250 യുടെ ചിത്രങ്ങള് പുറത്ത്
2017 ഡ്യുക്ക്, ആര്സി നിരയെ അടുത്തിടെയാണ് ഓസ്ട്രിയന് നിര്മ്മാതാക്കളായ കെടിഎം ഇന്ത്യയില് അവതരിപ്പിച്ചത്. കെടിഎം ബൈക്കുകള്ക്ക് പ്രചാരം വര്ധിക്കുന്ന പശ്ചാത്തലത്തില് കൂടുതല് മോഡലുകളെ അതിവേഗം രാജ്യത്ത് അണിനിരത്താനുള്ള ശ്രമത്തിലാണ് കമ്പനി.
ഇന്ത്യയില് റോഡ് ടെസ്റ്റ് നടത്തുന്ന പുതിയ RC250 യുടെ ചിത്രം, കെടിഎമ്മിന്റെ നീക്കം വെളിച്ചത്ത് കൊണ്ടുവന്നിരിക്കുകയാണ്. പൂനെ-മുംബൈ ഹൈവെയില് വെച്ച് XBHP യായണ് പുതിയ RC250 യെ ക്യാമറയില് പകര്ത്തിയത്.
RC390 യുമായി സാമ്യത പുലര്ത്തുന്ന പുതിയ ഫെയേര്ഡ് മോട്ടോര്സൈക്കിളില്, RC250 ഡെക്കേലുകളോടയുള്ള പുത്തന് ഗ്രാഫിക്സാണ് ഒരുങ്ങുന്നതും.
RC390 യില് നിന്നും കടമെടുത്ത ഘടകങ്ങളാണ് പുതിയ മോട്ടോര്സൈക്കിളിന് ലഭിച്ചിട്ടുള്ളത്. RC390 യ്ക്ക് സമാനമായ സൈഡ് മൗണ്ടഡ് എക്സ്ഹോസ്റ്റ് തന്നെയാണ് RC250 യില് സാന്നിധ്യമറിയിക്കുന്നതും.
Recommended Video
നിലവിലുള്ള 248.8 സിസി സിംഗിള് സിലിണ്ടര്, ലിക്വിഡ് കൂള്ഡ് എഞ്ചിനാണ് പുതിയ RC250 യുടെ പവര്ഹൗസ്. 30 bhp കരുത്തും 24 Nm torque ഉം ഉത്പാദിപ്പിക്കുന്ന എഞ്ചിനില് 6 സ്പീഡ് ഗിയര്ബോക്സാണ് കെടിഎം ഒരുക്കുന്നത്.
എബിഎസ് (ആന്റി-ലോക്ക് ബ്രേക്കിംഗ് സിസ്റ്റം), റൈഡ്-ബൈ-വയര് ത്രോട്ടില്, സ്ലിപ്പര് ക്ലച്ച് എന്നിവ RC250 യില് ഇടംപിടിച്ചിട്ടില്ല എന്നത് ശ്രദ്ധേയം.
അതേസമയം ഓപ്ഷനലായി എബിഎസ് മോട്ടോര്സൈക്കിളില് ഒരുങ്ങുമെന്ന സൂചനയുണ്ട്.
പുതിയ RC250, ഇന്ത്യയില് കെടിഎമ്മിന്റെ ആധിപത്യം വര്ധിപ്പിക്കുമെന്നതില് യാതൊരു സംശയവുമില്ല. 1.75 ലക്ഷം രൂപ പ്രൈസ് ടാഗില് ഡ്യുക്ക് 250 യിലും ഒരല്പം വിലയേറിയതാകും പുതിയ RC250.
കവാസാക്കി നിഞ്ച 300, ബെനലി 302R, വരാനിരിക്കുന്ന യമഹ YZF-R3 മോഡലുകളോടാകും പുതിയ RC250 മത്സരിക്കുക.
Continue with Google