Click it and Unblock the Notifications
സ്കൂട്ടര് വില്പനയില് ഹീറോയെ പിന്തള്ളി ടിവിഎസ്
സ്കൂട്ടര് വില്പനയില് ഹീറോ മോട്ടോകോര്പിനെ മറികടന്ന് ടിവിഎസ് മോട്ടോര് മുന്നില്. ഹീറോ മോട്ടോകോര്പിനെക്കാളും 39,287 യൂണിറ്റുകളുടെ അധിക വില്പന നേടിയ ടിവിഎസ്, ഇന്ത്യയിലെ ഏറ്റവും വലിയ രണ്ടാമത്തെ സ്കൂട്ടര് നിര്മ്മാതാക്കളായി.
ഇന്ത്യന് ഓട്ടോമൊബൈല് നിര്മ്മാതാക്കളുടെ സംഘടനയായ സിയാമാണ് (SIAM) ഇത് സംബന്ധമായ കണക്കുകള് പുറത്ത് വിട്ടിരിക്കുന്നത്. 2017-18 സാമ്പത്തിക വര്ഷത്തിന്റെ ആദ്യപാദത്തില് 249,077 യൂണിറ്റുകളാണ് ടിവിഎസ് വിറ്റത്.
ഇതേകാലഘട്ടത്തില് 209,790 യൂണിറ്റുകളാണ് ഹീറോ മോട്ടോകോര്പ് വില്പന നടത്തിയതും.
കഴിഞ്ഞ സാമ്പത്തിക വര്ഷവുമായുള്ള താരതമ്യത്തില്, 33.51 ശതമാനം വളര്ച്ചയാണ് ടിവിഎസ് മോട്ടര് കൈവരിച്ചിരിക്കുന്നത്. 2016-2017 സാമ്പത്തിക വര്ഷത്തിന്റെ ആദ്യ പാദത്തില് 183,805 യൂണിറ്റുകളുടെ വില്പനയായിരുന്നു ടിവിഎസിന് ലഭിച്ചതും.
973,725 യൂണിറ്റുകളുടെ വില്പനയുമായി 2017-2018 സാമ്പത്തിക വര്ഷത്തില് ആധിപത്യം തുടരുന്നത് ഹോണ്ട മോട്ടോര്സൈക്കിള് ആന്ഡ് സ്കൂട്ടേഴ്സ് ലിമിറ്റഡാണ്.
22.15 ശതമാനം വളര്ച്ചാ നിരക്കാണ് ഹോണ്ട കാഴ്ചവെച്ചിരിക്കുന്നത്.
ഹോണ്ടയ്ക്ക് പുറമെ ഇന്ത്യ യമഹ മോട്ടോര്, പിയാജിയോ വെഹിക്കിള്സ്, സുസൂക്കി മോട്ടോര്സൈക്കിള്സ് എന്നിവ ആദ്യ പാദത്തില് മികച്ച വില്പന കൈവരിച്ചു.
Continue with Google