കെടിഎം ഡ്യൂക്കിനെ വെല്ലാൻ യമഹ എഫ്‌സി 25 അവതരിച്ചു...

എയർകൂൾഡ് ഫ്യുവൽ ഇൻഞ്ചെക്ക്റ്റഡ് സിങ്കിൽ സിലിണ്ടർ എൻജിനാണ് എഫ്‌സി 25-ന്റെ കരുത്ത്. ചക്രങ്ങളിലേക്ക് വീര്യമെത്തിക്കാൻ 5 സ്പീഡ് ഗിയർബോക്സും ഈ എൻജിനോട് ചേർത്തിട്ടുണ്ട്.

21ബിഎച്ച്പിയും 20എൻഎം ടോർക്കും ഉല്പാദിപ്പിക്കുന്നതാണ് പുതിയ എഫ്‌സി ബൈക്കിലെ 249സിസി എൻജിൻ.

പുതിയ എഫ്‌സിയിൽ എബിഎസ് ഉൾപ്പെടുത്തിയിട്ടില്ല എന്നൊരു പോരായ്മയുണ്ട്. എന്നാൽ അടുത്ത വർഷത്തോടെ നിയമം കർശനമാക്കപ്പെടുന്ന അവസരത്തിലായിരിക്കും എബിഎസ് ഉൾപ്പെടുത്തികൊണ്ടുള്ള മോഡലിന്റെ അവതരണമുണ്ടാവുക എന്നും കമ്പനി വ്യക്തമാക്കി.

യമഹയുടെ എഫ്‌സി ശ്രേണിയിലുള്ള ബൈക്കുകളുമായി രൂപസാദൃശ്യമുള്ള ബൈക്കാണിത്. 14ലിറ്റർ ശേഷിയുള്ള ഫ്യുവൽ ടാങ്കാണ് ഇതിനുള്ളത്. 160മിമീ ഗ്രൗണ്ട് ക്ലിയറൻസുമുണ്ടിതിന്.

എൽഇഡി ഹെഡ്,ടെയിൽ ലാമ്പാണ് പുതിയ എഫ്‌സിയിലുള്ളത്. രണ്ടായി തിരിച്ചിരിക്കുന്ന സീറ്റിനുമൊപ്പം ഫുള്ളി ഡിജിറ്റൽ ഇൻസ്ട്രുമെന്റ് കൺസോളാണ് മറ്റൊരു പ്രത്യേകത.

ലിറ്ററിന് 43കിലോമീറ്ററാണ് ഈ ബൈക്ക് നൽകുന്ന ഇന്ധനക്ഷമത. മണിക്കൂറിൽ 100 കിലോമീറ്റർ വേഗതയിലെത്തുവാനോ വേണ്ടത് 9.7സെക്കന്റ് മാത്രം.

മുൻചക്രത്തിന് ഇരട്ട കാലിപ്പറുള്ള 282 എംഎം ഡിസ്ക് ബ്രേക്കും പിന്നിലാകട്ടെ ഒറ്റ കാലിപ്പറുള്ള 220എംഎം ഡിസ്ക് ബ്രേക്കുമാണുള്ളത്. എബിഎസ് ഇല്ലെന്നുള്ളൊരു അഭാവമുണ്ട്.

148 കിലോഗ്രാം ഭാരമുള്ള ഈ ബൈക്ക് ബ്ലാക്ക്, ബ്ലൂ, വൈറ്റ് നിറങ്ങളിലാണ് ലഭ്യമാകുന്നത്. ഇന്ത്യയിലെ മധ്യനിര യുവാക്കളെ ലക്ഷ്യമിട്ടുകൊണ്ടാണ് യമഹ ഈ ബൈക്ക് ഇറക്കിയിരിക്കുന്നത്.

ടിവിഎസ് അപ്പാച്ചി200 4വി, ബജാജ് പൾസർ എൻഎസ് 200 എന്നിവയ്ക്ക് പ്രധാന എതിരാളിയായിരിക്കും പുതിയ യമഹ എഫ്‌സി25.