Click it and Unblock the Notifications
Just In
-
-
-
-
Don't Miss
-
IPL 2024: ലോകം മുഴുവന് കണ്ടു, കണ്ണടച്ച് അംപയര്! മുംബൈക്കു മാത്രമല്ല ചെന്നൈയ്ക്കും പിന്തുണ -
ബിനുവിനെക്കൊണ്ട് അത് പറയിപ്പിച്ചത് ഞാന്; പലരും ബിനുവിനെ ഉന്നം വെക്കാന് അതും ഉപയോഗിച്ചു -
'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി -
മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട് -
ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം -
കുറയാൻ മറന്നിട്ടില്ല, സംസ്ഥാനത്ത് സ്വർണവിലയിൽ നേരിയ കുറവ്, ഇന്നത്തെ നിരക്കറിയാം
എക്‌സ്പള്‍സുമായി ഹീറോ; പുതിയ അഡ്വഞ്ചര്‍ ബൈക്കിന്റെ വിവരങ്ങള്‍ പുറത്ത്
Recommended Video
2017 മിലാന്‍ മോട്ടോര്‍സൈക്കിള്‍ ഷോയില്‍ വെച്ചാണ് പുതിയ അഡ്വഞ്ചര്‍ ബൈക്ക് എക്‌സ്പള്‍സിനെ ഹീറോ ആദ്യമായി മറയ്ക്ക് പുറത്ത് അവതരിപ്പിച്ചത്. ഇനി നടക്കാനിരിക്കുന്ന 2018 ഓട്ടോ എക്‌സ്‌പോയിലും എക്‌സ്പള്‍സ് ഹീറോ നിരയില്‍ പ്രത്യക്ഷപ്പെടും.
എക്‌സ്പള്‍സിന്റെ വരവിന് മുമ്പെ അഡ്വഞ്ചര്‍ ബൈക്കിന്റെ കൂടുതല്‍ വിവരങ്ങള്‍ ഇപ്പോള്‍ പുറത്തു വന്നിരിക്കുകയാണ്.നിലവിലുള്ള 200 സിസി സിംഗിള്‍-സിലിണ്ടര്‍, എയര്‍-കൂള്‍ഡ് എഞ്ചിനിലാണ് എക്‌സപള്‍സിന്റെ ഒരുക്കം.
18.1 bhp കരുത്തും 17.1 Nm torque ഉം ഉത്പാദിപ്പിക്കുന്ന എഞ്ചിനില്‍ 5 സ്പീഡ് ഗിയര്‍ബോക്‌സാണ് ഇടംപിടിക്കുക. കഴിഞ്ഞ ദിവസം ഹീറോ അവതരിപ്പിച്ച എക്‌സ്ട്രീം 200R നെയ്ക്കഡ് മോട്ടോര്‍സൈക്കിളിലും ഇതേ എഞ്ചിനാണ് ഇടംപിടിച്ചത്.
എക്‌സ്ട്രീം 200R ന്റെ അടിത്തറയില്‍ നിന്നുമാണ് ഹീറോ എക്‌സ്പള്‍സിന്റെയും വരവ്. എന്നാല്‍ അഡ്വഞ്ചര്‍ ബൈക്കായതിനാല്‍ വേറിട്ട എഞ്ചിന്‍ ട്യൂണിംഗാകും എക്‌സ്പള്‍സിന് ലഭിക്കുക.
ഉയര്‍ന്ന ടോര്‍ഖ് ഔട്ട്പുട്ട് ഹീറോ എക്‌സ്പള്‍സില്‍ പ്രതീക്ഷിക്കാം. 150 സിസി എഞ്ചിന്‍ കരുത്തില്‍ അണിനിരക്കുന്ന ഇംപള്‍സിന് പകരക്കാരനാണ് ഹീറോ എക്‌സ്പള്‍സ്.
ആധുനിക ബൈക്കെങ്കിലും കാഴ്ചയില്‍ ക്ലാസിക് ലുക്കാണ് എക്‌സ്പള്‍സിന്. റൗഡ് ഹെഡ്‌ലാമ്പ് സെറ്റപ്പ്, മസ്‌കുലാര്‍ ടാങ്ക്, സ്‌പോക്ക് വീലുകള്‍, നീളമേറിയ ട്രാവല്‍ സസ്‌പെന്‍ഷന്‍, പാനിയറുകള്‍ എന്നിങ്ങനെ നീളുന്നതാണ് എക്‌സ്പള്‍സിന്റെ ക്ലാസിക് മുഖം.
ഓഫ്-റോഡിംഗ് ലക്ഷ്യമിട്ടുള്ള ഉയര്‍ന്ന ഗ്രൗണ്ട് ക്ലിയറന്‍സും സീറ്റിംഗ് പൊസിഷനും എക്‌സ്പള്‍സിന്റെ വിശേഷമാണ്. എക്‌സപള്‍സിന്റെ ഇരു ടയറുകളിലും ഡിസ്‌ക് ബ്രേക്കുകളെ ഹീറോ നല്‍കും.
കുറഞ്ഞ പക്ഷം ഓപ്ഷനലായെങ്കിലും എബിഎസ് എക്‌സ്പള്‍സില്‍ ഇടംപിടിക്കും. 2018 രണ്ടാം പാദത്തോടെ എക്‌സ്പള്‍സിനെ ഹീറോ വിപണിയില്‍ ലഭ്യമാക്കുമെന്നാണ് സൂചന.
വരവില്‍ റോയല്‍ എന്‍ഫീല്‍ഡ് ഹിമാലയന്‍ മാത്രമാണ് എക്‌സ്പള്‍സിന്റെ പ്രധാന എതിരാളി. അതേസമയം ഹിമാലയനെക്കാളും കുറഞ്ഞ കരുത്ത് ഉത്പാദനം എക്‌സ്പള്‍സിന് തിരിച്ചടിയാകുമോ എന്നത് കണ്ടറിയണം.
ഏകദേശം 1.2 ലക്ഷം രൂപ പ്രൈസ് ടാഗ് ഹീറോ എക്‌സ്പള്‍സില്‍ പ്രതീക്ഷിക്കാം.
Source: CarandBike
