Click it and Unblock the Notifications
Just In
-
-
-
-
Don't Miss
-
ലോക്സഭ തിരഞ്ഞെടുപ്പ്; കേരളം ഇന്ന് വിധിയെഴുതും..വോട്ടെടുപ്പ് രാവിലെ 7 മുതൽ -
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
'തടിയന്‍' സ്‌കൂട്ടറുമായി സുസൂക്കി; എക്‌സ്‌പോയില്‍ തിളങ്ങിയത് ബര്‍ഗ്മാന്‍ സ്ട്രീറ്റ്!
സുസൂക്കിയുടെ പുതിയ ബര്‍ഗ്മാന്‍ സ്‌കൂട്ടറാണ് ആദ്യ ദിവസം ഓട്ടോ എക്‌സ്‌പോ കണ്ട താരങ്ങളില്‍ ഒന്ന്. പേരു കേട്ട ബര്‍ഗ്മാന്‍ നിരയില്‍ നിന്നും ബര്‍ഗ്മാന്‍ സ്ട്രീറ്റുമായുള്ള സുസൂക്കിയുടെ വരവ് വിപണി തീരെ പ്രതീക്ഷിച്ചിരുന്നില്ല.
125 സിസി ശ്രേണിയിലേക്കുള്ള സുസൂക്കിയുടെ പുതിയ സമര്‍പ്പണമാണ് ബര്‍ഗ്മാന്‍ സ്ട്രീറ്റ്. ഡിസൈനിലും, ഫീച്ചറുകളിലും ഒരുപോലെ മികവാര്‍ന്നാണ് ബര്‍ഗ്മാന്‍ സ്ട്രീറ്റിന്റെ ഒരുക്കം.
യൂറോപ്യന്‍ ഡിസൈന്‍ ശൈലിയാണ് സുസൂക്കി ബര്‍ഗ്മാന്‍ സ്ട്രീറ്റ് പിന്തുടരുന്നത്. മുമ്പിലുള്ള വലിയ ഏപ്രണ്‍ കൊണ്ട് തന്നെ 'തടിയന്‍' എന്ന വിളിപ്പേര് ബര്‍ഗ്മാന്‍ സ്ട്രീറ്റ് നേടും.
മറ്റു സ്‌കൂട്ടറുകളില്‍ നിന്നും വ്യത്യസ്തമായ ഹാന്‍ഡില്‍ബാര്‍ ഡിസൈനാണ് പുതിയ സ്‌കൂട്ടറില്‍ സുസൂക്കി പിന്തുടര്‍ന്നിരിക്കുന്നത്. രണ്ടു പേര്‍ക്കു സുഖമായി യാത്ര ചെയ്യാനുള്ള വിശാലമായ സീറ്റാണ് ബര്‍ഗ്മാന്‍ സ്ട്രീറ്റിന്റെ മറ്റൊരു വിശേഷം.
മൂര്‍ച്ചയേറിയ അഗ്രസീവ് ഡിസൈന്‍ ശൈലിയിലാണ് റിയര്‍ എന്‍ഡ്. സ്‌പോര്‍ടി ടെയില്‍ ലൈറ്റുകള്‍ ഇതേ അഗ്രസീവ് പരിവേഷത്തിന് ശക്തമായ പിന്തുണ അര്‍പ്പിക്കുന്നു.
എല്‍ഇഡി ഹെഡ്‌ലാമ്പുകള്‍, ബോഡിയില്‍ ഒരുങ്ങിയ വിന്‍ഡ്‌സ്‌ക്രീന്‍, ഡിജിറ്റല്‍ ഇന്‍സ്ട്രമെന്റ് ക്ലസ്റ്റര്‍, മുന്‍ ഡിസ്‌ക് ബ്രേക്ക് എന്നിവയാണ് സ്‌കൂട്ടറിന്റെ മറ്റു ഫീച്ചറുകള്‍.
ഈ വര്‍ഷം തന്നെ ബര്‍ഗ്മാന്‍ സ്ട്രീറ്റിനെ ഇന്ത്യയില്‍ അവതരിപ്പിക്കാനുള്ള തിടുക്കത്തിലാണ് സുസൂക്കി. അതേസമയം സ്‌കൂട്ടറിന്റെ എഞ്ചിനുമായി ബന്ധപ്പെട്ട വിവരങ്ങളില്‍ സുസൂക്കി മൗനം പാലിച്ചു നില്‍ക്കുകയാണ്.
എന്നാല്‍ ആക്‌സസ് 125 സ്‌കൂട്ടറില്‍ നിന്നുമുള്ള എഞ്ചിനില്‍ ബര്‍ഗ്മാന്‍ സ്ട്രീറ്റിനെ പ്രതീക്ഷിക്കാം. ബര്‍ഗ്മാന്‍ സ്ട്രീറ്റില്‍ പ്രീമിയം ടാഗ് ഉള്ളതിനാല്‍ കരുത്ത് ഉത്പാദനം ഒരല്‍പം കൂടാനാണ് സാധ്യത.
ബര്‍ഗ്മാന്‍ സ്ട്രീറ്റിന് പുറമെ വിവിധ നിരകളിലായി 17 വ്യത്യസ്ത മോഡലുകള്‍ക്ക് ഒപ്പമാണ് ഇത്തവണത്തെ എക്‌സ്‌പോയ്ക്ക് സുസൂക്കി എത്തിയത്. ഹയബൂസയ്ക്ക് ശേഷം മേഡ്-ഇന്‍-ഇന്ത്യ ടാഗില്‍ എത്തുന്ന സുസൂക്കി GSX-S750 മോട്ടോര്‍സൈക്കിളിനെ കാണാനും എക്‌സ്‌പോയില്‍ വന്‍ തിരക്കാണ്.
എന്തായാലും ഇന്ത്യന്‍ വരവില്‍ സുസൂക്കി ബര്‍ഗ്മാന്‍ സ്ട്രീറ്റിന് 60,000 രൂപ എക്‌സ്‌ഷോറൂം പ്രൈസ് ടാഗ് ഒരുങ്ങുമെന്നാണ് സൂചന.
