Click it and Unblock the Notifications
Just In
Don't Miss
-
ബിഗ് ബോസില് നിന്നും പുറത്തായവര് ഒത്തുകൂടിയപ്പോള്! വീഡിയോ പങ്കുവെച്ച് ദിയ സന! കാണൂ! -
ഇന്ത്യയില് സ്ഥാനമുള്ളത് ഭാരത് മാതാ കീ ജയ് വിളിക്കുന്നവര്ക്ക് മാത്രം: ഹിമാചല് മുഖ്യമന്ത്രി -
ചാമ്പ്യന്സ് ലീഗില് ചെല്സിക്ക് വമ്പന് തോല്വി; ബാഴ്സയ്ക്ക് സമനിലക്കുരുക്ക് -
ഭീം എസ്ബിഐ പേയ്മെന്റ്; രജിസ്റ്റർ ചെയ്യുന്നത് എങ്ങനെ? -
ആമസോൺ ഫാബ് ഫോൺ ഫെസ്റ്റിലൂടെ ഈ സ്മാർട്ട്ഫോണുകൾ വൻ വിലക്കിഴിവിൽ സ്വന്തമാക്കാം -
ദിവസാവസാനം ഏത് പ്രശ്നത്തിനും പരിഹാരം ഈ രാശിക്ക് -
അർഹതയുണ്ടെങ്കിൽ കുറഞ്ഞ ചിലവിൽ പോകാം... അറിഞ്ഞിരിക്കാം റെയിൽവേ നല്കുന്ന ഈ ഇളവുകൾ
ഓട്ടോ എക്‌സ്‌പോ 2020: ഒറ്റ ചാര്‍ജില്‍ 100 കിലോമീറ്റര്‍ ഓടുന്ന സ്‌കൂട്ടറുമായി വെസ്പ
നടന്നുകൊണ്ടിരിക്കുന്ന ഓട്ടോ എക്‌സ്‌പോയില്‍ പുതിയ വൈദ്യുത സ്‌കൂട്ടര്‍ ഇലട്രിക്കയെ വെസ്പ പ്രദര്‍ശിപ്പിച്ചു. 2017 EICMA മോട്ടോര്‍ ഷോയിലാണ് സ്‌കൂട്ടറിനെ കമ്പനി ആദ്യമായി പൊതുസമക്ഷം കൊണ്ടുവന്നത്. അന്നു മുതല്‍ വിവിധ രാജ്യാന്തര വാഹന മേളകളിലെ പതിവു സാന്നിധ്യമാണ് വെസ്പ ഇലട്രിക്ക.
എന്തായാലും ഇന്ത്യയിലെ ഇരുചക്ര വാഹന വിപണി വൈദ്യുത മോഡലുകളെ കുറിച്ച് ചിന്തിച്ചു തുടങ്ങിയ ഈ സാഹചര്യത്തില്‍ ഇലട്രിക്കയെ ഇങ്ങോട്ടു കൊണ്ടുവരാന്‍ ഇറ്റാലിയന്‍ കമ്പനിക്ക് ആലോചനയുണ്ട്.ഒറ്റനോട്ടത്തില്‍ ബജാജ് ചേതക് ഇലട്രിക്കിനെ ഓര്‍മ്മപ്പെടുത്തും വെസ്പ ഇലട്രിക്ക. വട്ടത്തിലുള്ള ഹെഡ്‌ലാമ്പും ഒഴുകിയിറങ്ങുന്ന മുന്നഴകും സ്‌കൂട്ടറിന് ക്ലാസിക് തനിമ കല്‍പ്പിക്കുന്നുണ്ട്.
മുന്നിലെ എയര്‍ വെന്റുകള്‍ക്ക് കോണ്‍ട്രാസ്റ്റ് നിറമാണ് കമ്പനി നല്‍കിയിരിക്കുന്നത്. ഇന്‍ഡിക്കേറ്ററുകള്‍ ഏപ്രണിലാണ്. 12 ഇഞ്ച് വലുപ്പമുള്ള അലോയ് വീലുകളും ക്രോം തിളക്കമുള്ള ഗ്രാബ് ഹാന്‍ഡിലും സ്കൂട്ടറിന്റെ വിശേഷങ്ങളില്‍പ്പെടും. 4.3 വലുപ്പമുണ്ട് വെസ്പ ഇലട്രിക്കയിലെ പൂര്‍ണ ഡിജിറ്റല്‍ ഇന്‍സ്ട്രമെന്റ് പാനലിന്. വേഗം, പിന്നിടാവുന്ന ദൂരം, ബാറ്ററി ചാര്‍ജ് തുടങ്ങിയ വിവരങ്ങള്‍ ഇന്‍സ്ട്രമെന്റ് കണ്‍സോള്‍ വെളിപ്പെടുത്തും.
സ്മാര്‍ട്ട് ഫോണ്‍ കണക്ടിവിറ്റിയുണ്ടെന്നതാണ് സ്കൂട്ടറിന്റെ മറ്റൊരു സവിശേഷത. പിറകിലേക്ക് നീങ്ങാന്‍ പ്രത്യേക റിവേഴ്‌സ് ഗിയര്‍ നല്‍കാനും കമ്പനി തയ്യാറായിട്ടുണ്ട്. 4 kW ശേഷിയുള്ള വൈദ്യുത മോട്ടോറാണ് വെസ്പ ഇലട്രിക്കയുടെ ഹൃദയം. ഒറ്റ ചാര്‍ജില്‍ നൂറു കിലോമീറ്റര്‍ ഓടാന്‍ സ്‌കൂട്ടര്‍ പ്രാപ്തമാണ്. ഇതേസമയം, നാലു മണിക്കൂര്‍ വേണം ബാറ്ററി പൂര്‍ണമായും ചാര്‍ജ് ചെയ്യാന്‍.
പവര്‍, ഇക്കോ എന്നീ രണ്ടു റൈഡിങ് മോഡുകള്‍ വെസ്പ ഇലട്രിക്കയിലുണ്ട്. ഒഴുക്കാര്‍ന്ന റൈഡിങ് അനുഭവം ഇക്കോ മോഡ് കാഴ്ച്ചവെക്കും. ഇക്കോ മോഡില്‍ മണിക്കൂറില്‍ 30 കിലോമീറ്ററാണ് മോഡലിന് കുതിക്കാന്‍ കഴിയുന്ന പരമാവധി വേഗം. എന്നാല്‍ പവര്‍ മോഡ് തിരഞ്ഞെടുത്താല്‍ സ്‌കൂട്ടര്‍ കൂടുതല്‍ ചടുലമാവും.
ഈ മോഡില്‍ വേഗ നിയന്ത്രണങ്ങളില്ല. മണിക്കൂറില്‍ 200 കിലോമീറ്ററാണ് സ്കൂട്ടറിന്റെ ഉയര്‍ന്ന വേഗം. റീജനറേറ്റീവ് ബ്രേക്കിങ് സംവിധാനം ഇലട്രിക്കയില്‍ കമ്പനി ഏര്‍പ്പെടുത്തിയിട്ടുണ്ട്. അതായത് ബ്രേക്കിങ് വേളകളില്‍ ബാറ്ററിയിലേക്ക് ചാര്‍ജ് കയറും. വിപണിയിൽ ഏഥർ സ്കൂട്ടറുകളുടെ വിപണിയിലായിരിക്കും പുതിയ വെസ്പ സ്കൂട്ടറിന്റെ നോട്ടം.
