CB 1300 സീരീസ് മോട്ടോർസൈക്കിളുകൾ പുറത്തിറക്കി ഹോണ്ട; വില 11.16 ലക്ഷം രൂപ

ഇപ്പോൾ, ഹോണ്ട തങ്ങളുടെ ഏറ്റവും പുതിയ CB 1300 സീരീസ് തങ്ങളുടെ പ്രാദേശിക വിപണിയിൽ അവതരിപ്പിച്ചിരിക്കുകയാണ്. ഇവയുടെ വില JYP 15,62,000 (INR 11.16 ലക്ഷം) മുതൽ ആരംഭിക്കുന്നു.

ഹോണ്ട CB 1300 സവിശേഷതകൾ

പുതിയ ഹോണ്ട CB 1300 സീരീസിൽ CB 1300 സൂപ്പർ ഫോർ, CB 1300 സൂപ്പർ ഫോർ SP, CB 1300 സൂപ്പർ ബോൾഡ്, CB 1300 സൂപ്പർ ബോൾഡ് SP എന്നിങ്ങനെ നാല് മോട്ടോർസൈക്കിളുകൾ ഉൾപ്പെടുന്നു. ഇവ ഒരേ 1284 സിസി ഇൻലൈൻ ഫോർ-സിലിണ്ടർ എഞ്ചിൻ പങ്കിടുന്നു.

DOHC സജ്ജീകരണം അവതരിപ്പിക്കുന്ന ഒരു ലിക്വിഡ്-കൂൾഡ് യൂണിറ്റാണിത്. 7750 rpm -ൽ 113 bhp പരമാവധി കരുത്ത് ഉത്പാദിപ്പിക്കാൻ ഇത് ട്യൂൺ ചെയ്തിട്ടുണ്ട്.

6250 rpm -ൽ 112 Nm torque ഉം എഞ്ചിൻ വികസിപ്പിക്കുന്നു. ആറ് സ്പീഡ് ഗിയർ‌ബോക്‌സിലേക്ക് ഇണചേരുന്ന എഞ്ചിൻ ഒരു അസിസ്റ്റും സ്ലിപ്പർ ക്ലച്ചും ഉൾക്കൊള്ളുന്നു.

ഹോണ്ട CB 1300 സവിശേഷതകൾ

ഹോണ്ടയുടെ പുതിയ CB 1300 സീരീസിൽ നിരവധി രസകരമായ സവിശേഷതകളുണ്ട്. ഉദാഹരണത്തിന്, എല്ലാ മോട്ടോർസൈക്കിളുകളിലും ഇന്റഗ്രേറ്റഡ് എൽഇഡി ഡിആർഎല്ലുകളുള്ള പൂർണ്ണ എൽഇഡി ഹെഡ്‌ലൈറ്റ് സജ്ജീകരിച്ചിരിക്കുന്നു.

എൽഇഡി ബ്ലിങ്കറുകളും എൽഇഡി ടൈൽ‌ലൈറ്റും ഇവയിലുണ്ട്. എന്നിരുന്നാലും ഹോണ്ട ഒരു ഓൾഡ് സ്കൂൾ അനലോഗ് ഇൻസ്ട്രുമെന്റ് ക്ലസ്റ്ററുമായി മുന്നോട്ട് പോവുന്നു.

ഇതിൽ രണ്ട് ഡയലുകൾ അടങ്ങിയിരിക്കുന്നു, ഒന്ന് വേഗതയ്ക്കും മറ്റൊന്ന് റെവ്വും കാണിക്കുന്നു. എന്നിരുന്നാലും, അവയ്ക്കിടയിൽ ഒരു ചെറിയ ഡിജിറ്റൽ ഡിസ്പ്ലേയുണ്ട്, അത് ബൈക്കിന്റേതായ വിവരങ്ങൾ കാണിക്കുന്നു.

ഹോണ്ട CB 1300 ബൈക്കുകൾ ഹീറ്റഡ് ഗ്രിപ്പുകളുമായി വരുന്നു, അത് ഓപ്ഷണലായിരിക്കുമെന്ന് ഞങ്ങൾ വിശ്വസിക്കുന്നു. ഒരു USB സോക്കറ്റും കമ്പനി നൽകുന്നു.

മോട്ടോർസൈക്കിളുകളുടെ സീറ്റുകൾ ദീർഘദൂര യാത്രയിൽ പോലും ഏറ്റവും സുഖപ്രദമായ രീതിയിൽ രൂപകൽപ്പന ചെയ്തിട്ടുണ്ടെന്ന് ബ്രാൻഡ് അവകാശപ്പെടുന്നു. ഹോണ്ട ചെറു വിശദാംശങ്ങളിൽ പ്രധാന ശ്രദ്ധ ചെലുത്തിയിട്ടുണ്ട്. ഉദാഹരണത്തിന്, അറ്റകുറ്റപ്പണികൾ എളുപ്പമാക്കുന്നതിന് 'L' ആകൃതിയിലുള്ള ടയർ പ്രഷർ വാൽവുകൾ ഇതിൽ ഉപയോഗിച്ചിരിക്കുന്നു.

ഇലക്‌ട്രോണിക്‌സിന്റെ കാര്യത്തിൽ, CB 1300 സീരീസിൽ ഒരു റൈഡ്-ബൈ-വയർ സിസ്റ്റം ഉൾപ്പെടുന്നു, അത് സ്‌പോർട്ട്, സ്റ്റാൻഡേർഡ്, റെയിൻ എന്നീ മൂന്ന് റൈഡിംഗ് മോഡുകൾ ഉൾപ്പെടുത്താൻ അനുവദിക്കുന്നു.

ഹോണ്ട സെലക്റ്റബിൾ ടോർക്ക് കൺട്രോളും ലഭിക്കുന്നു. ആവശ്യമില്ലാത്തപ്പോൾ ഇത് സ്വിച്ച് ഓഫ് ചെയ്യാം. ക്രൂയിസ് കൺട്രോളിനൊപ്പം ഹോണ്ട ഒരു ബൈ-ഡയറക്ഷണൽ ക്വിക്ക് ഷിഫ്റ്ററും ചേർത്തിരിക്കുന്നു.

ഹോണ്ട CB1300 വിലയും ലഭ്യതയും

ഞങ്ങൾ നേരത്തെ സൂചിപ്പിച്ചതുപോലെ, പുതിയ ഹോണ്ട CB 1300 സീരീസ് JPY 15,62,000 (INR 11.16 ലക്ഷം) ആരംഭ വിലയ്ക്ക് എത്തുന്നു. ഇത് JPY 20,46,000 വരെ ഉയരുന്നു, ഇത് ഇന്ത്യൻ കറൻസിയിൽ 14.62 ലക്ഷം രൂപയായി മാറുന്നു. ലഭ്യമായ നിറങ്ങളുള്ള ഒരു മോഡൽ തിരിച്ചുള്ള വില പട്ടിക ചുവടെ ചേർക്കുന്നുണ്ട്.

ജപ്പാനിൽ പുതിയ CB 1300 സീരീസിന്റെ 1,600 യൂണിറ്റുകൾ വിൽക്കാനാണ് ഹോണ്ട പദ്ധതിയിടുന്നത്. ഈ മോട്ടോർസൈക്കിളുകൾ തുടക്കത്തിൽ മാതൃ രാജ്യത്ത് മാത്രമേ ലഭ്യമാകൂ. എന്നിരുന്നാലും, അടുത്തഘട്ടത്തിൽ ഹോണ്ട മറ്റ് അന്താരാഷ്ട്ര വിപണികളിലേക്ക് ഇവ പരിചയപ്പെടുത്തിയേക്കാം, എന്നാൽ ഇന്ത്യ അതിൽ ഉൾപ്പെടാൻ സാധ്യതയില്ല.