R 1250 GS മോഡലുകള്‍ അവതരിപ്പിക്കുന്ന തീയതി വെളിപ്പെടുത്തി ബിഎംഡബ്ല്യു

ജൂലൈ 8 ന് ഇന്ത്യയില്‍ പുതിയ R 1250 GS ബിഎസ് VI മോട്ടോര്‍സൈക്കിള്‍ വിപണിയിലെത്തിക്കുമെന്നാണ് ബിഎംഡബ്ല്യു വ്യക്തമാക്കുന്നത്. R 125 GS, R 1250 GS അഡ്വഞ്ചര്‍ എന്നിങ്ങനെ രണ്ട് ട്രിമ്മുകളിലാണ് മോട്ടോര്‍സൈക്കിള്‍ അവതരിപ്പിക്കുക.

രാജ്യത്തെ ഡീലര്‍ഷിപ്പുകളില്‍ ബിഎംഡബ്ല്യു മോട്ടോറാഡ് ബൈക്കിന്റെ പ്രീ-ബുക്കിംഗ് ആരംഭിച്ചു കഴിഞ്ഞു. ആറ് സ്പീഡ് ഗിയര്‍ബോക്സുള്ള അപ്ഡേറ്റുചെയ്ത, 1,254 സിസി, എയര്‍ / ലിക്വിഡ്-കൂള്‍ഡ്, ഫ്‌ലാറ്റ്-ട്വിന്‍ എഞ്ചിനാണ് മോഡലുകള്‍ക്ക് കരുത്ത് നല്‍കുന്നത്.

പുതിയ എഞ്ചിന്‍ 7,750 rpm-ല്‍ 134 bhp കരുത്തും 6,250 rpm-ല്‍ 142 Nm torque ഉം ആണ് ഉത്പാദിപ്പിക്കുന്നത്. ഇന്ത്യയിലേക്കുള്ള മോഡല്‍ സവിശേഷതകളും സവിശേഷതകളുടെ പട്ടികയും അന്താരാഷ്ട്ര-സ്‌പെക്ക് മോഡലുമായി പങ്കിടും.

ബേക്ക്-സ്‌റ്റൈല്‍ ഫ്രണ്ട്, പുതുക്കിയ ഹെഡ്‌ലൈറ്റ് ഡിസൈന്‍, ക്രമീകരിക്കാവുന്ന വിന്‍ഡ്സ്‌ക്രീന്‍ എന്നിവ പ്രധാന സവിശേഷതകളാണ്. CBU യൂണിറ്റായിട്ടാകും മോഡലിനെ രാജ്യത്ത് എത്തിക്കുക.

ഡിസൈന്‍ ഇരുമോഡലുകളിലും ഒരുപോലെയാണെങ്കിലും, വേര്‍തിരിച്ചറിയുന്നതിന് കളര്‍ ഓപ്ഷനുകളിലും ഫീച്ചറുകളിലും മാറ്റങ്ങള്‍ പ്രതീക്ഷിക്കാം. ഉദാഹരണമായി സ്റ്റാന്‍ഡേര്‍ഡ് മോഡലിന് അലോയ് വീലുകള്‍ ലഭിക്കുമെങ്കിലും, ഉയര്‍ന്ന-സ്‌പെക്ക് അഡ്വഞ്ചര്‍ വേരിയന്റിന് ട്യൂബ്ലെസ്-ടയര്‍ അനുയോജ്യമായ ക്രോസ്-സ്പോക്ക് വീലുകളുള്ള അലോയ്കളാകും ലഭിക്കുക.

ഫുള്‍-എല്‍ഇഡി ലൈറ്റിംഗ്, ട്രാക്ഷന്‍ കണ്‍ട്രോള്‍ സിസ്റ്റം, ബ്ലൂടൂത്ത് പ്രാപ്തമാക്കിയ ടിഎഫ്ടി കളര്‍ ഡിസ്‌പ്ലേ, എബിഎസ് പ്രോ, ഹില്‍-സ്റ്റാര്‍ട്ട് കണ്‍ട്രോള്‍, ഇക്കോ, റോഡ്, റെയിന്‍ എന്നിങ്ങനെ മൂന്ന് റൈഡ് മോഡുകള്‍, യുഎസ്ബി എന്നിവ ബൈക്കിലെ പ്രധാന സവിശേഷതകളില്‍ ഉള്‍പ്പെടുന്നു.

സവിശേഷത അപ്ഡേറ്റുകള്‍ക്കൊപ്പം, ട്രിപ്പിള്‍ ബ്ലാക്ക്, സോളിഡ് വൈറ്റ് എന്നിങ്ങനെയുള്ള പുതിയ കളര്‍ ഓപ്ഷനുകളും ബൈക്കുകള്‍ക്ക് ലഭിക്കും. പുതിയ ബിഎംഡബ്ല്യു R 1250 GS അഡ്വഞ്ചറിന് ട്രിപ്പിള്‍ ബ്ലാക്ക് നിറം പുതിയ ഐസ് ഗ്രേ കളറിനൊപ്പം ലഭിക്കും.

ബിഎംഡബ്ല്യു R 1250 GS-ല്‍ നിന്ന് പ്രചോദനം ഉള്‍ക്കൊണ്ട് പതിപ്പ് 40 ഇയര്‍ GS കറുപ്പും മഞ്ഞയും പെയിന്റ് വര്‍ക്ക് കമ്പനി അവതരിപ്പിക്കാന്‍ സാധ്യതയുണ്ടെന്നും റിപ്പോര്‍ട്ടില്‍ പറയുന്നു.

നിലവില്‍ വില സംബന്ധിച്ച് സൂചനകള്‍ ഒന്നും തന്നെ ലഭ്യമല്ല. എങ്കിലും 18 ലക്ഷം രൂപ മുതല്‍ 20 ലക്ഷം രൂപ വരെയാണ് മോഡലുകള്‍ക്ക് വിപണിയില്‍ എക്‌സ്‌ഷോറൂം വില പ്രതീക്ഷിക്കുന്നത്.