2022 ഹൈപ്പർ‌മോട്ടാർഡ് 950 ശ്രേണി അവതരിപ്പിച്ച് ഡ്യുക്കാട്ടി

ഇറ്റാലിയൻ പ്രീമിയം ബൈക്ക് നിർമ്മാതാക്കൾ പുതിയ ഹൈപ്പർമോട്ടാർഡിന് പുതുക്കിയ യൂറോ 5 എഞ്ചിനും നിരവധി മാറ്റങ്ങളും നൽകിയിരിക്കുന്നു.

MY22 ഹൈപ്പർമോട്ടാർഡ് 950 മോഡൽ 937 സിസി ഡ്യുക്കാട്ടി ടെസ്റ്റസ്ട്രെറ്റ 11 ഡിഗ്രി V-ട്വിൻ-സിലിണ്ടർ എഞ്ചിൻ അവതരിപ്പിക്കുന്നു, അത് ഇപ്പോൾ യൂറോ 5 / ബിഎസ് VI എമിഷൻ മാനദണ്ഡങ്ങൾക്ക് അനുസൃതമായി പ്രവർത്തിക്കുന്നു.

ഇത് ബൈക്ക് ഇന്ത്യൻ വിപണിയിൽ വിൽക്കാൻ യോഗ്യമാക്കുന്നു. 9,000 rpm -ൽ‌ 112.4 bhp കരുത്തും 7,250 rpm -ൽ‌ 96 Nm torque ഉം എഞ്ചിൻ‌ നൽകുന്നു. ട്രാൻസ്മിഷൻ ഓപ്ഷനിൽ ആറ് സ്പീഡ് ഗിയർബോക്സ് ഉൾപ്പെടുന്നു.

കർശനമായ യൂറോ 5 എമിഷൻ മാനദണ്ഡങ്ങളിലേക്ക് മാറിയതിനുശേഷവും, 937 സിസി ഡ്യുക്കാട്ടി ടെസ്റ്റസ്ട്രെറ്റ എഞ്ചിന്റെ പവർ, torque ഔട്ട്പുട്ടുകൾ അതേപടി തുടരുന്നു.

ഹൈപ്പർമോട്ടാർഡ് 950, ഹൈപ്പർ‌മോട്ടാർഡ് 950 RVE, ഹൈപ്പർ‌മോട്ടാർഡ് 950 SP എന്നീ മൂന്ന് ട്രിമ്മുകളിൽ ബൈക്ക് ലഭ്യമാക്കും. ബാഹ്യ രൂപകൽപ്പനയും മെക്കാനിക്കലുകളും ഒന്നുതന്നെയാണെങ്കിലും, ഉപകരണങ്ങളുടെയും സവിശേഷതകളുടെയും കാര്യത്തിൽ മൂന്ന് ട്രിമ്മുകൾ പരസ്പരം വ്യത്യസ്തമായിരിക്കും.

ഡ്യുക്കാട്ടിയിൽ നിന്നുള്ള ഹൈപ്പർമോട്ടാർഡ് ശ്രേണി അതിന്റെ ഡിസ്റ്റിംഗ്റ്റീവും റോയുമായ അപ്പീലിന് പേരുകേട്ടതാണ്, കൂടാതെ ഇരട്ട അണ്ടർ സീറ്റ് എക്‌സ്‌ഹോസ്റ്റ് സജ്ജീകരണം, കുറഞ്ഞ ബോഡി വർക്ക്, ഒരു ട്രെല്ലിസ് ഫ്രെയിം, ഒരു ട്രെല്ലിസ് സബ് ഫ്രെയിം, വിശാലമായ ഹാൻഡിൽബാർ, ഒരു പരന്ന സീറ്റ് എന്നിവ പോലുള്ള അതിന്റെ സാധാരണ ഹൈപ്പർമോട്ടാർഡ് ഡിസൈൻ ഘടകങ്ങളുമായി വരുന്നു.

ഹൈപ്പർമോട്ടാർഡിന്റെ ടോപ്പ്-സ്പെക്ക് ട്രിം ഒരു പുതിയ "SP" കളർ സ്കീമിനൊപ്പം ഓഹ്ലിൻസ് സസ്പെൻഷനും ഉയർന്ന ട്രാവലും നൽകുന്നു. ഇത് മാർഷെസിനി ഫോർജ്ഡ് വീലുകളിൽ സഞ്ചരിക്കുകയും സ്റ്റാൻഡേർഡ് ഡ്യുക്കാട്ടി ക്വിക്ക് ഷിഫ്റ്റ് (DQS) അപ്പ്, EVO ഡൗൺ എന്നിവ ഉൾക്കൊള്ളുന്നു.

ഈ വേനൽക്കാലത്ത് അന്താരാഷ്ട്ര വിപണിയിൽ വിൽപ്പനയ്ക്കായി ബൈക്ക് ലഭ്യമാക്കും, കൂടാതെ 2021 അവസാനമോ 2022 -ന്റെ തുടക്കത്തിലോ ഇന്ത്യൻ വിപണിയിൽ ചുവടുവെക്കുമെന്ന് പ്രതീക്ഷിക്കുന്നു.