Click it and Unblock the Notifications
Sportster S ഇന്ത്യയിലേക്കും; അവതരണ തീയതി വെളിപ്പെടുത്തി Harley Davidson
സ്പോര്ട്സ്റ്റര് ബ്രാന്ഡ്, ഹാര്ലി ഡേവിഡ്സണിന്റെ പോര്ട്ട്ഫോളിയോയ്ക്ക് കീഴിലുള്ള ഒരു ഐക്കണിക് ക്രൂയിസറാണ്. 1957 മുതല് തുടര്ച്ചയായി അത് നിരത്തിലെത്തുകയും ചെയ്യുന്നുണ്ട്.
ഹാര്ലി ഡേവിഡ്സണ് അതിന്റെ ഏറ്റവും പുതിയ സ്പോര്ട്സ് കസ്റ്റം മോട്ടോര്സൈക്കിള് സ്പോര്ട്സ്റ്റര് S എന്ന പേരില് ഈ വര്ഷം ആദ്യം പുറത്തിറക്കിയിരുന്നു. ഇപ്പോഴിതാ, ഈ വര്ഷം ഡിസംബറില് പുതിയ സ്പോര്ട്സ്റ്റര് S രാജ്യത്ത് വിപണിയിലെത്തുമെന്ന് ഹാര്ലി ഡേവിഡ്സണ് ഇന്ത്യ സ്ഥിരീകരിച്ചിരിക്കുകയാണ്.
അമേരിക്കന് ഇരുചക്രവാഹന നിര്മാതാക്കളുടെ ഇന്ത്യന് വിഭാഗം 2021 ഡിസംബര് 4-5 തീയതികളില് നടക്കാനിരിക്കുന്ന ഇന്ത്യന് ബൈക്ക് വീക്കില് ഈ മോട്ടോര്സൈക്കിള് നമ്മുടെ വിപണിയില് അവതരിപ്പിക്കുമെന്നാണ് അറിയിച്ചിരിക്കുന്നത്.
വരാനിരിക്കുന്ന ഈ മോട്ടോര്സൈക്കിളിനായുള്ള പ്രീ-ബുക്കിംഗ് കമ്പനി ഇതിനകം ആരംഭിച്ചിട്ടുണ്ട്. സ്പോര്ട്സ്റ്റര് S-ന്റെ അവസാന പ്രൊഡക്ഷന് മോഡല് ഏകദേശം നാല് വര്ഷം മുമ്പ് ഒരു കസ്റ്റം കണ്സെപ്റ്റായി ആദ്യമായി പ്രത്യക്ഷപ്പെട്ടു.
കണ്സെപ്റ്റ് പതിപ്പിനോട് നീതി പുലര്ത്തിയാണ് പ്രൊഡക്ഷന്-സ്പെക്ക് എത്തുന്നത്. പ്രൊഡക്ഷന്-സ്പെക്ക് സ്പോര്ട്സ്റ്റര് S-ന്റെ സിലൗറ്റ് ബീഫി ഇരട്ട-കാന് എക്സ്ഹോസ്റ്റുകള്, ചങ്കി ടയറുകള്, സിംഗിള് പീസ് സീറ്റ് എന്നിവയില് നിലനിര്ത്തിയിട്ടുണ്ട്.
ബൈക്കിന് താഴെ ഒരു വലിയ സ്കിഡ് പ്ലേറ്റും ടാങ്കില് നിന്ന് സീറ്റിലേക്ക് നല്ല ഫ്ലാറ്റ് ലൈനും ലഭിക്കുന്നു, അതേസമയം കൂറ്റന് ഫ്രണ്ട് ടയറും ഒരു ചെറിയ ഫെന്ഡറും ക്ലാസിക് ബോബര് ലുക്ക് നല്കുന്നുവെന്ന് വേണം പറയാന്.
മുന്വശത്ത്, സ്പോര്ട്സ്റ്റര് S കാപ്സ്യൂള് ആകൃതിയിലുള്ള ഹെഡ്ലൈറ്റ് കാണിക്കുന്നു, അത് അല്പ്പം വിചിത്രമായി തോന്നുകയും ചെയ്യുന്നു. കൗള്, സിംഗിള്-പീസ് സാഡില്, പൊന് നിറമുള്ള എക്സ്ഹോസ്റ്റ് മഫ്ളറുകള് എന്നിവയുള്ള ഫ്ലാറ്റ് ടെയില് സെക്ഷന് പോലുള്ള മറ്റ് സ്റ്റൈലിംഗ് ഹൈലൈറ്റുകള് ഹാര്ലി ഡേവിഡ്സണ് XR750 ഫ്ലാറ്റ് ട്രാക്കറില് നിന്ന് പ്രചോദനം ഉള്ക്കൊള്ളുന്നു.
മഗ്നീഷ്യം എഞ്ചിന് കവറുകളില് ചോക്ലേറ്റ് സാറ്റിന് ഫിനിഷ് ഉപയോഗിച്ചാണ് പവര്ട്രെയിന് ഹൈലൈറ്റ് ചെയ്യുന്നത്. സ്റ്റോണ് വാഷ്ഡ് വൈറ്റ് പേള്, മിഡ്നൈറ്റ് ക്രിംസണ്, വിവിഡ് ബ്ലാക്ക് എന്നിങ്ങനെ മൂന്ന് കളര് ഓപ്ഷനുകളിലാണ് ക്രൂയിസര് വാഗ്ദാനം ചെയ്യുന്നത്.
മൊത്തത്തില്, ഒരു കസ്റ്റം-ബില്റ്റ് ബൈക്ക് പോലെ തോന്നിക്കുന്ന തരത്തിലാണ് ക്രൂയിസര് രൂപകല്പ്പന ചെയ്തിരിക്കുന്നതെന്ന് കമ്പനി അവകാശപ്പെടുന്നു. ഹാര്ലി ഡേവിഡ്സണ് പുതിയ സ്പോര്ട്സ്റ്റര് S-ന്റെ ഷാസിയും പരിഷ്കരിച്ചിട്ടുണ്ട്, അവിടെ എഞ്ചിന് ഇപ്പോള് സ്ട്രെസ് മെമ്പറായി പ്രവര്ത്തിക്കുന്നു.
ബൈക്കിന്റെ ഭാരം കുറയ്ക്കാനാണ് ഇത് ചെയ്യുന്നതെന്ന് കമ്പനി വ്യക്തമാക്കുന്നു. കൂടാതെ, ഭാരം കുറഞ്ഞ വസ്തുക്കളുടെ ഉപയോഗം ഒപ്റ്റിമല് പവര്-ടു-വെയ്റ്റ് അനുപാതം കൈവരിക്കാന് സഹായിച്ചു. കടുപ്പമുള്ള ഷാസി മോട്ടോര്സൈക്കിളിന്റെ കൈകാര്യം ചെയ്യല് മെച്ചപ്പെടുത്തിയെന്നും കമ്പനി അവകാശപ്പെടുന്നു.
ട്യൂബുലാര് സ്റ്റീല് ഫ്രെയിമില് ഒരുങ്ങുന്ന ബൈക്കിന്റെ മുന്നില് ഷോവ 43 mm ഇന്വേര്ട്ടഡ് ഫോര്ക്കുകളും പിന്നില് ഷോവ പിഗ്ഗിബാക്ക് മോണോ ഷോക്കും സസ്പെന്ഷനായി നല്കുന്നു. മുന്വശത്തെ സസ്പെന്ഷന് യൂണിറ്റ് പൂര്ണ്ണമായും ക്രമീകരിക്കാവുന്നതാണെങ്കിലും, പിന് യൂണിറ്റില് ഹൈഡ്രോളിക് പ്രീലോഡ് അഡ്ജസ്റ്റ്മെന്റ് ഉണ്ട്.
17 ഇഞ്ച് ഫ്രണ്ട്, 16 ഇഞ്ച് റിയര് ലൈറ്റ്വെയിറ്റ് കാസ്റ്റ്-അലൂമിനിയം വീലുകളില്, അഞ്ച് സ്പോക്ക് ഡിസൈനിലാണ് നല്കിയിരിക്കുന്നത്. ബ്രേക്കിംഗ് ചുമതലകള് കൈകാര്യം ചെയ്യുന്നത് ഫോര്-പിസ്റ്റണ്, റേഡിയല് മോണോബ്ലോക്ക് ബ്രെംബോ കാലിപ്പര് ഉപയോഗിച്ച് റെഡ് 320 mm ഡിസ്കും പിന്നില് ഇരട്ട-പിസ്റ്റണ് ബ്രെംബോ കാലിപ്പര് കൈവശമുള്ള 260 mm ഡിസ്കും ആണ്.
മെക്കാനിക്കല് സവിശേഷതകളില് 1,250 സിസി റെവല്യൂഷന് മാക്സ് 1250 T എഞ്ചിനാണ് കരുത്ത് നല്കുന്നത്. പാന് അമേരിക്ക 1250 ല് നിന്ന് ഉരുത്തിരിഞ്ഞ ലിക്വിഡ്-കൂള്ഡ് 60-ഡിഗ്രി വി-ട്വിന് എഞ്ചിന്റെ അമേരിക്കന് ബൈക്ക് നിര്മ്മാതാക്കളുടെ ഏറ്റവും പുതിയ ആവര്ത്തനമാണ് ഈ യൂണിറ്റ്.
എന്നിരുന്നാലും, സ്പോര്ട്സ്റ്റര് S-ല് ഇത് 121 bhp കരുത്തും 125 Nm ടോര്ക്കും നല്കുന്നു. സ്ലിപ്പര് ക്ലച്ച് ഉള്ള ആറ് സ്പീഡ് ഗിയര്ബോക്സാണ് എഞ്ചിന് ഘടിപ്പിച്ചിരിക്കുന്നത്. ഔട്ട്പുട്ട് താഴ്ന്ന വശത്താണെങ്കിലും, ലോ-എന്ഡ്, മിഡ് റേഞ്ച് എന്നിവയില് കൂടുതല് മുറുമുറുപ്പ് നല്കാന് എഞ്ചിന് ട്യൂണ് ചെയ്തിട്ടുണ്ടെന്ന് ഹാര്ലി പറയുന്നു.
എഞ്ചിന് 3,000 നും 6,000 നും ഇടയില് 10 ശതമാനം കൂടുതല് ടോര്ക്കും വാഗ്ദാനം ചെയ്യുന്നു. 1,250 സിസി യൂണിറ്റില് VVT (വേരിയബിള് വാല്വ് ടൈമിംഗ്), DOHC (ഡ്യുവല് ഓവര്ഹെഡ് ക്യാംഷാഫ്റ്റുകള്) തുടങ്ങിയ ആധുനിക സാങ്കേതികവിദ്യകളും നല്കുന്നുണ്ട്.
സാങ്കേതികവിദ്യകളെക്കുറിച്ച് പറയുകയാണെങ്കില്, സ്പോര്ട്സ്റ്റര് S-ല് സ്മാര്ട്ട്ഫോണ് കണക്റ്റിവിറ്റിയുള്ള 4.0 ഇഞ്ച് വ്യാസമുള്ള ടിഎഫ്ടി ഡിജിറ്റല് കണ്സോള്, സിക്സ് ആക്സിസ് ഇനേര്ഷ്യല് മെഷര്മെന്റ് യൂണിറ്റ് (IMU), കോര്ണറിങ് എബിഎസ്, ട്രാക്ഷന് കണ്ട്രോള്, ടയര് പ്രഷര് മോണിറ്ററിംഗ് സിസ്റ്റം, ക്രൂയിസ് കണ്ട്രോള് എന്നിവയുള്പ്പെടെയുള്ള ആധുനിക ഇലക്ട്രോണിക് സൗകര്യങ്ങളാല് സജ്ജീകരിച്ചിരിക്കുന്നു.
കൂടാതെ റോഡ്, സ്പോര്ട്ട്, റെയിന്, കസ്റ്റം എന്നിങ്ങനെ നാല് റൈഡിംഗ് മോഡുകളും ഇത് വാഗ്ദാനം ചെയ്യുന്നു. സ്പോര്ട്സ്റ്റര് S, 14,999 ഡോളര് (ഏകദേശം 11.18 ലക്ഷം രൂപ) പ്രാരംഭ വിലയില് വാഗ്ദാനം ചെയ്യുന്നു. ഇന്ത്യയിലെ ലോഞ്ച് ചെയ്യുമ്പോള് 15-20 ലക്ഷം രൂപയാണ് എക്സ്ഷോറൂം വില പ്രതീക്ഷിക്കുന്നത്.
Continue with Google