ഹാർലി ഡേവിഡ്സണിനായി പ്രത്യേക ഡിവിഷൻ ആരംഭിച്ച് ഹീറോ മോട്ടോകോർപ്

ഇതിനോടകം പതിനൊന്ന് ഹാർലി ഡേവിഡ്സൺ ഡീലർമാർ ഹീറോമോട്ടോകോർപ്പ് ശൃംഖലയുടെ ഭാഗമായി കഴിഞ്ഞു. ജനുവരി 18 മുതൽ ഹാർലി ഉൽപ്പന്നങ്ങൾ ഡീലർമാർക്ക് മൊത്തമായി അയയ്ക്കാൻ ആരംഭിക്കുമെന്ന് കമ്പനി അറിയിച്ചു.

മിൽ‌വാക്കി ആസ്ഥാനമായുള്ള ഹാർലി സെപ്റ്റംബറിളാണ് ഇന്ത്യയിലെ വിൽപ്പന, നിർമാണ പ്രവർത്തനങ്ങൾ അവസാനിപ്പിച്ചത്.

ഒരു മാസത്തിനുശേഷം നിർമ്മാതാക്കൾ ഹീറോയുമായി വിതരണ കരാറിൽ ഏർപ്പെട്ടു. ഇടപാടിന്റെ ഭാഗമായി ഹാർലി-ഡേവിഡ്സൺ ബ്രാൻഡിന് കീഴിൽ വിൽക്കാൻ പോകുന്ന മോട്ടോർസൈക്കിളുകളും ഹീറോ വികസിപ്പിക്കും.

ആഗോളതലത്തിൽ പ്രശസ്തനായ ഓട്ടോമോട്ടീവ് വിദഗ്ദ്ധൻ രവി ആവലൂരാണ് പുതിയതായി ഒരുക്കിയ ഡിവിഷനിന്റെ മേധാവി. ഹീറോ മോട്ടോകോർപ് ചെയർമാനും സിഇഒയുമായ ഡോക്ടർ പവൻ മഞ്ജലിന്റെ നേതൃത്ത്വത്തിലായിരിക്കിം ഇദ്ദേഹം പ്രവർത്തിക്കുക.

പുതിയ ടീമിൽ ഇന്ത്യയിലെ പ്രവർത്തനത്തിന് ഹാർലിഡേവിഡ്സണിൽ നിന്നുള്ള നാല് എക്സിക്യൂട്ടീവുകളും ഉൾപ്പെടുന്നുണ്ട്. വിപണനം, മാർക്കറ്റിങ്, ഉപഭോക്തൃ സേവനം, ലോജിസ്റ്റിക്സ് മേഖലകളിൽ ഇവരുടെ അനുഭവസമ്പത്ത് മുതൽകൂട്ടാവും.

ഉപഭോക്തൃ കേന്ദ്രീകൃതവും ഉത്തരവാദിത്തതോടെയുമുള്ള സേവനമാണ് വിൽപ്പന, വിൽപ്പനാനന്തര മേഖലയിൽ കമ്പനി നൽകി വരുന്നത്.

സേവന സന്നദ്ധതക്ക് പ്രാധാന്യം നൽകി ഹീറോ മോട്ടോകോർപും ഹാർലി ഡേവിഡ്സണും ഇന്ത്യയിലെ നിലവിലെയും ഭാവിയിലെയും ഹാർലി ഡേവിഡ്സൺ ഉപഭോക്താക്കൾക്ക് മികച്ച എക്സ്പീരിയൻസ് നൽകാൻ പ്രതിജ്ഞാബദ്ധമാണ്.

പുതിയ മോഡലിനെക്കുറിച്ചുള്ള വിവരങ്ങൾ ലോഞ്ചിംഗ് ദിവസത്തിന് അടുത്ത ദിവസങ്ങളിൽ പുറത്ത് വിടും.