Click it and Unblock the Notifications
ബജറ്റ് അധിഷ്ഠിത ഇലക്ട്രിക് സ്കൂട്ടര് അവതരിപ്പിച്ച് Komaki; Flora-യുടെ ബാറ്ററി, വില, റേഞ്ച് വിവരങ്ങള് ഇതാ
ഫ്ലോറയുടെ ബജറ്റ് അധിഷ്ഠിത ഇലക്ട്രിക് സ്കൂട്ടര് വിപണിയില് അവതരിപ്പിച്ച് നിര്മാതാക്കളായ കൊമാകി. ബാറ്ററിയില് പ്രവര്ത്തിക്കുന്ന പുതിയ മോഡലിന് വിപണിയില് 78,999 രൂപയാണ് എക്സ്ഷോറൂം വിലയായി നല്കേണ്ടത്.
ഹൈ സ്പീഡ് ഇലക്ട്രിക് സ്കൂട്ടര് ശ്രേണിയിലേക്കുള്ള ബ്രാന്ഡിന്റെ എട്ടാമത്തെ കൂട്ടിച്ചേര്ക്കലായിരിക്കും ഇതെന്ന് കൊമാകി അറിയിച്ചു. കൊമാകി ഫ്ലോറ ഇലക്ട്രിക് സ്കൂട്ടറില് അള്ട്രാ മോഡേണ് ഹീറ്റ് പ്രൂഫ് ലിഥിയം അയോണ് ഫെറോ ഫോസ്ഫേറ്റ് (LiFePO4) ബാറ്ററിയാണ് നിര്മാതാക്കള് ഉപയോഗിക്കുന്നത്.
ഈ ബാറ്ററി പാക്ക് ഉപയോക്താവിന് വേര്പെടുത്താനും എളുപ്പത്തില് വീണ്ടും ഇന്സ്റ്റാള് ചെയ്യാനും കഴിയും. LPF ബാറ്ററി പാക്ക് ഉപയോഗിച്ച് സ്കൂട്ടറിലെ സുരക്ഷാ ഘടകം വര്ധിപ്പിച്ചതായി കമ്പനി പറയുന്നു. 'ഇരുമ്പ് അടങ്ങിയ സെല്ലുകളും വര്ദ്ധിച്ച അഗ്നി പ്രതിരോധവും കാരണം, LiFePO4 ബാറ്ററികള് ഏറ്റവും മോശം സാഹചര്യങ്ങളില് പോലും തീയില് നിന്ന് സുരക്ഷിതവും കൂടുതല് സ്ഥിരതയും വാഗ്ദാനം ചെയ്യുന്നു. പുതിയ മോഡലുകളിലേക്ക് ഈ ബാറ്ററി എത്തിക്കാനാണ് കൊമാകി ലക്ഷ്യമിടുന്നത്.
ഈ നീക്കം ഇന്ത്യന് ഗതാഗതത്തില് സുരക്ഷിതമായ ഇ-മൊബിലിറ്റി ഉറപ്പുനല്കുന്നതിനുള്ള കൊമാകിയുടെ സമര്പ്പണത്തെ പ്രകടമാക്കുന്നുവെന്നാണ് ഔദ്യോഗിക പ്രസ്താവനയില് അറിയിച്ചിരിക്കുന്നത്. കൂടാതെ, സെല്ഫ് ഡയഗ്നോസ്റ്റിക് മീറ്റര്, അധിക ബാക്ക്റെസ്റ്റ്, പാര്ക്കിംഗ്, ക്രൂയിസ് കണ്ട്രോള്, ബൂട്ട് സ്പേസുള്ള സുഖപ്രദമായ സീറ്റ് എന്നിവ പുതിയ മോഡലിന്റെ മറ്റ് പ്രധാന ഹൈലൈറ്റുകളില് ഉള്പ്പെടുന്നു. പുതിയ സ്കൂട്ടറിന്റെ ഫുള് ചാര്ജ് റേഞ്ച് 100 കിലോമീറ്ററാണ് വാഗ്ദാനം ചെയ്യുന്നത്. അധിക സുരക്ഷയ്ക്കായി 270x3 5 mm ഡിസ്ക് ബ്രേക്കിന്റെ ഫ്രണ്ട് ബ്രേക്കും ഇതിന് ലഭിക്കുന്നു.
''റൈഡര്മാര്ക്ക് സുഖകരവും അറ്റകുറ്റപ്പണികള് കുറവുള്ളതും ദീര്ഘായുസ്സുള്ളതുമായ ഇലക്ട്രിക് വാഹനങ്ങള് നിര്മ്മിച്ച് കൊമാകി ഇതിനകം തന്നെ ശക്തമായ വിപണി സാന്നിധ്യം സ്ഥാപിച്ചിട്ടുണ്ട്. തങ്ങളുടെ പുതിയ അഡ്വാന്സ് ഇലക്ട്രിക് സ്കൂട്ടര്, ഫ്ലോറ, രാജ്യത്തെ ക്ലീന് മൊബിലിറ്റി വിപണിയില് വിപ്ലവം സൃഷ്ടിക്കുമെന്ന് കൊമാകി ഇലക്ട്രിക് ഡിവിഷന് ഡയറക്ടര് ഗുഞ്ജന് മല്ഹോത്ര പറഞ്ഞു. ജെറ്റ് ബ്ലാക്ക്, ഗാര്നെറ്റ് റെഡ്, സ്റ്റീല് ഗ്രേ, സാക്രമെന്റോ ഗ്രീന് എന്നീ നാല് കളര് ഓപ്ഷനുകളിലാണ് പുതിയ ഫ്ലോറ ഇലക്ട്രിക് സ്കൂട്ടര് അവതരിപ്പിച്ചിരിക്കുന്നത്.
അതേസമയം ബ്രാന്ഡില് നിന്നുള്ള മറ്റ് വാര്ത്തകള് പരിശോധിച്ചാല്, കൊമാകി ഇലക്ട്രിക് സ്കൂട്ടറുകള് ഉള്പ്പെട്ട നിരവധി ഇവി തീപിടുത്തവുമായി ബന്ധപ്പെട്ട സംഭവങ്ങള്ക്ക് ശേഷം, ഗുരുഗ്രാമില് നിന്നുള്ള ഇലക്ട്രിക് വാഹന നിര്മാതാവ് പുതിയ ലിഥിയം-അയണ് ഫെറോ ഫോസ്ഫേറ്റ് (LiFePO4) ബാറ്ററികള് പുറത്തിറക്കുന്നതായി പ്രഖ്യാപിച്ചു. സാധാരണ ലി-അയണ് ബാറ്ററികളേക്കാള് 'കൂടുതല് അഗ്നി പ്രതിരോധം' ഈ ബാറ്ററികള്ക്ക് ഉണ്ടെന്ന് കമ്പനി അവകാശപ്പെടുന്നു. പുതുതായി വികസിപ്പിച്ചെടുത്ത LiFePO4 ബാറ്ററികളില് അയണ് അടങ്ങിയിട്ടുണ്ട്.
ഇത് കടുത്ത താപനിലയില് അവയെ സുരക്ഷിതമാക്കുന്നുവെന്ന് കൊമാകി പറയുന്നു. ഈ ബാറ്ററി പാക്കിനുള്ളില് ഉല്പ്പാദിപ്പിക്കുന്ന ക്യുമുലേറ്റീവ് ഹീറ്റ് നേരിട്ട് കുറയ്ക്കുന്ന ചെറിയ സെല്ലുകളും (ഏതാണ്ട് മൂന്നിലൊന്ന്) ഉണ്ട്. സാധാരണ ബാറ്ററികളുമായി താരതമ്യപ്പെടുത്തുമ്പോള്, പുതുതായി വികസിപ്പിച്ച LiFePO4 യൂണിറ്റുകള്ക്ക് 2,500-3,000 ദൈര്ഘ്യമുള്ള ജീവിത സൈക്കിള് ഉണ്ട്, അത് അവയെ കൂടുതല് സമൃദ്ധമാക്കുന്നു. ഈ ബാറ്ററികള് കമ്പനി പറയുന്നതനുസരിച്ച് ഒറ്റ ചാര്ജില് 300 കിലോമീറ്ററിലധികം മൈലേജ് നല്കുമെന്ന് അവകാശപ്പെട്ടിട്ടുണ്ട്.
ബാറ്ററികള്ക്കായി ഒരു 'ആക്ടീവ് ബാലന്സിങ് മെക്കാനിസം' വികസിപ്പിച്ചിട്ടുണ്ടെന്നും കൊമാകി കൂട്ടിച്ചേര്ക്കുന്നു, ഇത് പേര് സൂചിപ്പിക്കുന്നത് പോലെ, സമയബന്ധിതമായി ബാറ്ററി സെല്ലുകളെ സജീവമായി സന്തുലിതമാക്കുന്നു. എന്നിരുന്നാലും, ഈ പ്രവര്ത്തനം എങ്ങനെ പ്രവര്ത്തിക്കുന്നുവെന്ന് കമ്പനി കൃത്യമായി വിശദീകരിച്ചിട്ടില്ല. പുതിയ ബാറ്ററികളുടെ ലോഞ്ച് കൂടാതെ, ഉപഭോക്താക്കള്ക്ക് തത്സമയ ഡാറ്റ സുഗമമാക്കുന്നതിന് ആപ്പ് അടിസ്ഥാനമാക്കിയുള്ള സേവനവും കമ്പനി അവതരിപ്പിച്ചിട്ടുണ്ട്. മാത്രമല്ല, അതിന്റെ ഹാര്ഡ്വെയര് ബാറ്ററി മാനേജ്മെന്റ് സിസ്റ്റത്തിനായുള്ള (BMS) ഒരു അപ്ഡേറ്റും ഇത് പുറത്തിറക്കിയിട്ടുണ്ട്.
അത് ഇപ്പോള് ഓരോ സെക്കന്ഡിലും ബാറ്ററിയുടെ സ്റ്റാറ്റസ് വായിക്കുകയും അപ്ഡേറ്റ് ചെയ്യുകയും ചെയ്യുന്നു. ഈ മുന്നേറ്റം കൊമാക്കിയെ വിപണിയില് വിശ്വസനീയമായ ബ്രാന്ഡായി സ്ഥാപിക്കും. ബാറ്ററിയുടെ ആരോഗ്യത്തെക്കുറിച്ച് അന്തിമ ഉപയോക്താക്കളെയും ഡീലര്മാരെയും അറിയിക്കാന് തങ്ങള് എളുപ്പത്തില് ഉപയോഗിക്കാവുന്ന ഒരു മൊബൈല് ആപ്ലിക്കേഷന് വികസിപ്പിച്ചിട്ടുണ്ട്. ഒരു സെന്ട്രല് ലൊക്കേഷനില് നിന്ന് ബാറ്ററികള് നന്നാക്കാന് യഥാര്ത്ഥ ഉപകരണ നിര്മ്മാതാക്കളെ (OEMs) ഇത് അനുവദിക്കും. ഇത് ട്രാന്സിറ്റ് കേടുപാടുകള്ക്ക് കാരണമാകുന്ന ബാറ്ററികളുടെ അനാവശ്യമായ അങ്ങോട്ടും ഇങ്ങോട്ടും ഒഴിവാക്കുമെന്നും നിര്മാതാക്കള് വ്യക്തമാക്കുന്നു.
Continue with Google