Just In
- 12 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 12 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 13 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 13 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Sports IPL 2024: ബോള്ട്ടുണ്ടായിട്ടും എന്തിന് ഞാന്? സഞ്ജു മുത്താണ്; ക്യാപ്റ്റന്സിയെ പ്രശംസിച്ച് ആവേശ്
- News ബെംഗളൂരു രാമേശ്വരം കഫേ സ്ഫോടനം; മുഖ്യ പ്രതിയെ അറസ്റ്റ് ചെയ്ത് എൻഐഎ, വിവിധ സംസ്ഥാനങ്ങളിൽ റെയ്ഡ്
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
ഇത് അഭിമാന നിമിഷം; ബജാജ് പ്ലാന്റില് നിന്ന് പത്ത് ലക്ഷം മോട്ടോര്സൈക്കിള് പുറത്തിറക്കി കെടിഎം
ഇന്ത്യന് വിപണിയില് പുതിയൊരു നാഴികക്കല്ല് പിന്നിട്ട് ഇരുചക്ര വാഹന നിര്മാതാക്കളായ കെടിഎം. ബജാജിന്റെ ചകന് പ്ലാന്റില് നിന്ന് പത്ത് ലക്ഷം മോട്ടോര്സൈക്കിള് പുറത്തിറക്കി സുപ്രധാന നാഴികക്കല്ല് പിന്നിട്ടതായി പ്രഖ്യാപിച്ചിരിക്കുകയാണ് കെടിഎം ഇന്ത്യ. 2011-ല് കയറ്റുമതി എന്ന ഏക ഉദ്ദേശത്തോടെ പ്ലാന്റില് നിന്ന് ആദ്യത്തെ യൂണിറ്റുകള് പുറത്തിറങ്ങാന് തുടങ്ങുന്നത്.
ഏകദേശം 12 വര്ഷങ്ങള്ക്ക് ശേഷമാണ് ഇപ്പോള് ഈ നാഴികക്കല്ല് പിന്നിടുന്നത്. പൂനെയിലെ ബജാജ് ഓട്ടോ ലിമിറ്റഡിന്റെ ചകന് പ്ലാന്റില് അസംബ്ലി ലൈനില് നിന്ന് ഒരു കെടിഎം അഡ്വഞ്ചര് 390 പുറത്തിറക്കിയാണ് കമ്പനി ഈ നാഴികക്കല്ല് ആഘോഷിച്ചത്. ഈ നാഴികക്കല്ല് ഓട്ടോമോട്ടീവ് കമ്പനികള് തമ്മിലുള്ള സഹകരണത്തില് ആഗോള തലത്തില് കെടിഎമ്മും ബജാജ് ഓട്ടോയും തമ്മിലുള്ള പങ്കാളിത്തം എടുത്ത് കാണിക്കുകയും ചെയ്യുന്നു.
എല്ലാ വിഭാഗങ്ങളിലുമുള്ള മോട്ടോര്സൈക്കിളുകളുടെ ആഗോള നിര്മ്മാണ കേന്ദ്രമെന്ന നിലയില് ബജാജ് ഓട്ടോയുടെ മികവ് ഈ നേട്ടം കാണിക്കുന്നു. ബജാജ് ഓട്ടോയുടെ ചകന് പ്ലാന്റ് രാജ്യത്തെ കയറ്റുമതിയുടെ ഒരു പ്രധാന കേന്ദ്രമായി ഉയര്ന്നുവരുന്നു, കെടിഎമ്മുകളുടെ പകുതിയും ലോകമെമ്പാടുമുള്ള പക്വതയുള്ള വിപണികളിലേക്കാണ് കയറ്റി അയച്ചത്. വര്ഷങ്ങളായി, ഈ ഐക്കണിക് ബ്രാന്ഡുകള്ക്കായി 460-ലധികം ഡീലര്മാരുടെ ശക്തമായ, പാന്-ഇന്ത്യ നെറ്റ്വര്ക്കിലൂടെ കെടിഎം ഇന്ത്യ മുന്നിര സ്പോര്ട്സ് മോട്ടോര്സൈക്കിള് ബ്രാന്ഡായി സ്വയം സ്ഥാപിച്ചു.
പ്രോ-XP റൈഡുകള് പോലുള്ള സംരംഭങ്ങള്, 400-ലധികം ഇവന്റുകളില് 40,000 ബൈക്കര്മാര് പങ്കെടുത്തത്, പ്രോ-ബൈക്കിംഗ് പ്രചരിപ്പിക്കാനും ഇന്ത്യയില് റേസിംഗ് ഡിഎന്എ വികസിപ്പിക്കാനും സഹായിച്ചു. ഈ ചരിത്ര മുഹൂര്ത്തം അടയാളപ്പെടുത്തുന്നതിനായി, കമ്പനിയുടെ ചകന് പ്ലാന്റില് ബജാജ് ഓട്ടോ ലിമിറ്റഡിന്റെ സിഇഒ സ്റ്റെഫാന് പിയറര്, പിയറര് മൊബിലിറ്റി എജി, ശ്രീ രാജീവ് ബജാജ് എന്നിവര് പങ്കെടുത്തു. ഇരുവരും കെടിഎമ്മിന്റെ ഇന്ത്യയിലെ ശ്രദ്ധേയമായ യാത്രയെക്കുറിച്ച് വിവരിക്കുകയും കെടിഎമ്മിന്റെ ആഗോള യാത്രയുടെ അസാധാരണമായ വിജയഗാഥയെക്കുറിച്ച് സംസാരിക്കുകയും ചെയ്തു.
മോട്ടോര്സൈക്കിളുകളാണ് തങ്ങളുടെ ശക്തി, ഒരു ദശലക്ഷം കെടിഎം നാഴികക്കല്ല് അതിന്റെ സാക്ഷ്യമാണെന്ന് ബജാജ് ഓട്ടോ ലിമിറ്റഡിന്റെ എംഡിയും സിഇഒയുമായ രാജീവ് ബജാജ് പറഞ്ഞു. 2007-ല് തങ്ങള് പങ്കാളിത്തത്തില് ഒപ്പുവെച്ചപ്പോള്, ലോകത്തിന്റെ എല്ലാ ഭാഗങ്ങളിലും കെടിഎമ്മിന്റെ മാര്ക്വീ ബ്രാന്ഡുകളില് എത്തിച്ചേരാന് കഴിയുന്ന താങ്ങാനാവുന്ന നവീകരണത്തിന്റെ ലക്ഷ്യത്തോടെയായിരുന്നു അത്. 15 വര്ഷത്തിനുശേഷം, തങ്ങള് വിജയിക്കുക മാത്രമല്ല, പുനഃക്രമീകരിച്ച ഉടമസ്ഥതയിലുള്ള തന്ത്രപരമായ പങ്കാളികളായി മാറുകയും ചെയ്തു. നമ്മുടെ സമാന സംസ്കാരങ്ങള് കണക്കിലെടുത്ത്, സുസ്ഥിരവും വിശ്വസനീയവുമായ ഒരു സഹകരണം നിര്മ്മിക്കപ്പെട്ടിട്ടുണ്ട്, അത് ഉടന് തന്നെ ഇലക്ട്രിക് വാഹനങ്ങളിലേക്കും അടുത്ത തലമുറ സാങ്കേതികവിദ്യകളിലേക്കും വ്യാപിക്കുമെന്നും അദ്ദേഹം പറഞ്ഞു.
''കെടിഎമ്മിനും ബജാജ് ഓട്ടോയ്ക്കും ഇത് ഒരു സുപ്രധാന അവസരമാണെന്നാണ് വികസനത്തെക്കുറിച്ച് സംസാരിക്കുമ്പോള്, പിയറര് മൊബിലിറ്റി എജി സിഇഒ ശ്രീ സ്റ്റെഫാന് പിയറര് പറഞ്ഞത്. പിയറര് മൊബിലിറ്റി എജിയില്, വിജയത്തിന്റെ നാല് പില്ലറുകള് തങ്ങള് പാലിക്കുന്നു. ഒരു ആഗോള സ്ഥാപനമായി പ്രവര്ത്തിക്കുക, തുടര്ച്ചയായി നവീകരിക്കുക, ശരിയായ കഴിവുകള് നേടുക, ലോകമെമ്പാടുമുള്ള വ്യത്യസ്ത ബ്രാന്ഡുകള് നിര്മ്മിക്കുക എന്നിവ ഇതില് ഉള്പ്പെടുന്നു. ഒരു ആഗോള മൊബിലിറ്റി ഗ്രൂപ്പെന്ന നിലയിലുള്ള തങ്ങളുടെ സ്ഥാനം, മികവ് നല്കുന്നതില് അഭിനിവേശമുള്ള ശരിയായ പങ്കാളികളെ അടിസ്ഥാനമാക്കിയുള്ളതാണ്.
നവീകരണത്തിലേക്കുള്ള തങ്ങളുടെ നിരന്തര പരിശ്രമവും വിപണിയിലുടനീളം ശക്തമായ ബ്രാന്ഡുകള് നിര്മ്മിക്കാനുള്ള കഴിവും ബജാജ് ഓട്ടോയുമായി അനുരണനം കണ്ടെത്തി. ഈ പങ്കാളിത്തത്തിലെ തങ്ങളുടെ വിജയം ഭാവിയെക്കുറിച്ച് തങ്ങള്ക്ക് വലിയ ആത്മവിശ്വാസം നല്കുന്നു, അവിടെ തങ്ങളുടെ പോര്ട്ട്ഫോളിയോ ഇലക്ട്രിക്കിലേക്ക് വികസിപ്പിക്കുകയും പവര്ഡ് ടൂ വീലര് വ്യവസായത്തിലെ നേതാക്കളെന്ന നിലയില് തങ്ങളുടെ സ്ഥാനം നിലനിര്ത്തുകയും ചെയ്യുമെന്നും അദ്ദേഹം പറഞ്ഞു.