പൾസർ 200 'ഫെയേഡ്' പതിപ്പ് ടെസ്റ്റ് ചെയ്യുന്നു!

പൾസർ 200 എൻഎസ് ആണ് ചിത്രത്തില്‍

200 സിസി എന്‍ജിനാണ് വാഹനത്തിനുള്ളതെന്നാണ് ഊഹിക്കപ്പെടുന്നത്. പൂര്‍ണമായ എയ്‌റോഡൈനമിക് ഫെയറിംഗ് ഘടിപ്പിച്ച നിലയില്‍ ഒരു നാഷണല്‍ ഹൈവേയില്‍ വെച്ചാണ് വണ്ടിയെ പിടികൂടിയതെന്ന് റിപ്പോര്‍ട്ട് പറയുന്നു. സ്പ്ലിറ്റ് സീറ്റ് ഘടിപ്പിച്ച ടെയ്ല്‍, വലിപ്പമേറിയ ഇന്ധനടാങ്ക്, സ്‌പോര്‍ട്‌സ് ബൈക്ക് ശൈലിയിലുള്ള വൈസറുകള്‍ തുടങ്ങിയവ ചിത്രത്തില്‍ നിന്ന് വേര്‍തിരിച്ചെടുക്കാന്‍ കഴിയുന്നുണ്ട്.

പിന്നിലെ മോണോഷോക്ക്‌സ്, സിംഗിള്‍ ബ്രേക് ഡിസ്‌ക് എന്നിവയും പുറമേക്ക് കാണാവുന്ന നിലയിലാണുള്ളത്.

പള്‍സര്‍ 200 നേക്കഡ് സ്‌പോര്‍ടില്‍ ഉപയോഗിക്കുന്ന കെടിഎം എന്‍ജിന്‍ തന്നെയാണിതെന്നാണ് കരുതേണ്ടത്. ട്യൂണിംഗ് മാറ്റം തീര്‍ച്ചയായും ഉണ്ടായിരിക്കും.

യമഹ ആര്‍15ന് ഒരു തരക്കേടില്ലാത്ത എതിരാളിയായി മാറാന്‍ പുതിയ ഫെയേഡ് പള്‍സറിന് സാധിക്കും എന്നുതന്നെ കരുതണം.