മാരുതിയെ തറപ്പറ്റിക്കുമെന്ന ഭീഷണിമുഴക്കി ഹ്യുണ്ടായ്!!

എഎംടി മോഡലുകളെ ഇന്ത്യയിൽ അവതരിപ്പിച്ചതോടുകൂടി റെക്കോർഡ് വില്പനയാണ് മാരുതി കാഴ്ചവെച്ചിട്ടുള്ളത്. എന്നാൽ ഇത്തരത്തിലുള്ള നേട്ടം കൊവരിക്കാൻ ഹ്യൂണ്ടായ്ക്ക് കഴിഞ്ഞില്ല എന്നത് എഎംടി മോഡലുകളുടെ അഭാവം ഒന്നുകൊണ്ടുമാത്രമാണ്.

വില്പന വർധിപ്പിക്കുക എന്ന ലക്ഷ്യത്തോടെ ഹ്യുണ്ടായ് എഎംടി കാറുകളുമായി ഇന്ത്യയിൽ ഒരുചുവടുവെപ്പിനൊരുങ്ങുകയാണ് എന്നാണ് റിപ്പോർട്ടുകൾ സൂചിപ്പിക്കുന്നത്.

തമിഴ് നാട്ടിലെ നിർമാണശാലയിൽ വച്ചായിരിക്കും എഎംടികാറുകളുടെ നിർമാണം നടത്തുക.

ക്രമേണ എല്ലാ മാസങ്ങളിലും ഓരോ എഎംടി കാറുകളെ വീതം ഇറക്കാനുള്ള തീരുമാനത്തിലാണ് ഹ്യുണ്ടായ്. മാരുതിക്ക് ഇതുവലിയൊരു പ്രഹരമായേക്കാം.

നിലവിൽ ഗ്രാന്റ് ഐ10, ഇലാൻട്ര, വേർണ എന്നീ ഓട്ടോമാറ്റിക് മോഡലുകളെയാണ് ഹ്യുണ്ടായ് അവതരിപ്പിച്ചിട്ടുള്ളത്.

എന്നാൽ മാരുതിയാകട്ടെ സെലരിയോ, ഓൾട്ടോ കെ10, സ്വിഫ്റ്റ് ഡിസയർ, വാഗൺ ആർ എന്നീ മോഡലുകളുടെ എഎംടി പതിപ്പിനെയും അവതരിപ്പിച്ചിട്ടുണ്ട്.

ഹ്യുണ്ടായും എഎംടി മോഡലുകളെ അവതരിപ്പുക്കുന്നതോടുകൂടി മാരുതിയുടെ വില്പനയെ ഇത് സാരമായി തന്നെ ബാധിക്കും.

പുതിയൊരു കോംപാക്ട് എസ്‌യുവിയുമായി എത്തുന്നതോടൊപ്പം ഇയോൺ, എക്സെന്റ് തിരിച്ചു വരവിനൊരുങ്ങുന്ന സാൻട്രോ എന്നീ മോഡലുകളുടെ എഎംടി പതിപ്പിനേയും കൂടി വിപണിയിലെത്തുന്നതായിരിക്കും.

പ്രാദേശികമായി എഎംടി മോഡലുകളുടെ നിർമാണം നടത്തുന്നതിനാൽ ഒരു കോംപറ്ററ്റീവ് വിലയിൽ ഇറക്കാൻ ഹ്യുണ്ടായ്ക്ക് സാധിക്കും. ഇതും മാരുതിക്കൊരു കനത്ത തിരിച്ചടി തന്നെയായിരിക്കും.

ഹ്യുണ്ടായ് ഐ10-ന് കണ്ണീരോടെ വിട

പുതിയ കാർ വാങ്ങുന്നുവെങ്കിൽ അത് മാരുതിയിൽ നിന്നുമാകട്ടെ, കാരണം