പുതിയ ബിഎംഡബ്ല്യൂ 3 സീരീസ് ജിടി ഇന്ത്യയിൽ; വില 43.30 ലക്ഷം

ഡീസൽ, പെട്രോൾ വകഭേദങ്ങളിൽ ത്രീ സീരീസ് ഗ്രാൻ ടൂറിസ്മോ ആണ് ബിഎംഡബ്ല്യൂ പുതുതായി വിപണിയിൽ എത്തിച്ചിരിക്കുന്നത്

Written By:

ഉത്സവക്കാലം പ്രമാണിച്ച് നിരവധി പുതിയ കാറുകളാണ് ഇന്ത്യൻ വിപണി ലക്ഷ്യംവച്ചെത്തുന്നത്. അക്കൂട്ടത്തിൽ ജർമൻ കാർ നിർമാതാവായ ബിഎഡബ്ലൂവും പുതിയ കാറുമായി എത്തിയിരിക്കുന്നു. ഡീസൽ, പെട്രോൾ വകഭേദങ്ങളിൽ ത്രീ സീരീസ് ഗ്രാൻ ടൂറിസ്മോ ആണ് വിപണി പിടിച്ചിരിക്കുന്നത്.

ദില്ലി എക്സ്ഷോറൂം 43.30 ലക്ഷം പ്രാരംഭ വിലയിൽ ഇന്ത്യയിലെ എല്ലാ ബിഎംഡബ്ല്യൂ ഷോറൂമുകളിലും ത്രീ സീരീസ് ജിടി ലഭ്യമായിരിക്കുന്നതാണ്.

ബിഎംഡബ്ല്യൂ 3 സീരീസ് ജിടി വില

 

  • ബിഎംഡബ്ല്യൂ 320ഡി ഗ്രാൻ ടൂറിസ്മോ സ്പോർട് ലൈൻ-43,30,000 രൂപ
  • ബിഎംഡബ്ല്യൂ 320ഡി ഗ്രാൻ ടൂറിസ്മോ ലക്ഷ്വറി ലൈൻ- 46,50,000രൂപ
  • ബിഎംഡബ്ല്യൂ 330ഐ ഗ്രാൻ ടൂറിസ്മോ ലക്ഷ്വറി ലൈൻ- 47,50,000രൂപ

 

രണ്ട് വ്യത്യസ്ത എൻജിൻ ഓപ്ഷനുകളോടെയാണ് പുതിയ ബിഎംഡബ്ല്യൂ ത്രീ സീരീസിനെ ലഭ്യമാക്കിയിട്ടുള്ളത്.

187ബിഎച്ച്പിയും 400എൻഎം ടോർക്കും നൽകുന്ന 2.0ലിറ്റർ ടർബോചാർജ്ഡ് ഡീസൽ എൻജിനാണ് 320ഡി വേരിയന്റുകൾക്ക് കരുത്തേകുന്നത്.

330ഐ വേരിയന്റിന് കരുത്തുപകരാൻ 248.5 ബിഎച്ച്പിയും 350എൻഎം ചോർക്കും നൽകുന്ന 2.0ലിറ്റർ ടർബോചാർജ്ഡ് പെട്രോൾ എൻജിനാണ് ഉപയോഗിച്ചിരിക്കുന്നത്.

ചക്രങ്ങളിലേക്ക് പവർ എത്തിക്കുന്നതിനായി 8 സ്പീഡ് ഓട്ടോമാറ്റിക് ഗിയർബോക്സാണ് ഇരു എൻജിനുകളിലും ഉപയോഗിച്ചിട്ടുള്ളത്.

7.7 സെക്കന്റു കൊണ്ടാണ് 3 സീരീസ് ജിടി ഡീസൽ മോഡൽ പൂജ്യത്തിൽ നിന്ന് നൂറ് കിലോമീറ്റർ വേഗത കൈവരിക്കുന്നത്.

പൂജ്യത്തിൽ നിന്ന് നൂറ് കിലോമീറ്റർ വേഗത കൈവരിക്കാൻ 6.1 സെക്കന്റാണ് 330ഐ പെട്രോൾ വേരിയന്റിന് ആവശ്യമായിട്ടുള്ളത്. ഡീസൽ മോഡലിനേക്കാൾ 1.5 സെക്കന്റ് വേഗത്തിലാണ് പെട്രോൾ മോഡൽ വേഗമാർജ്ജിക്കുന്നത്.

മുൻ ത്രീ സീരീസ് കാറുകളിൽ നിന്ന് വ്യത്യസ്തമായി പുതിയൊരു ഡിസൈൻ ശൈലിയിലാണ് ഗ്രാൻ ടൂറിസ്മോയുടെ നിർമാണം നടത്തിയിട്ടുള്ളത്.

പുതുക്കിയ എൽഇഡി ഹെഡ്‌ലാമ്പ്, എൽഇഡി ടെയിൽലാമ്പ്, വലുപ്പമേറിയ എയർ വെന്റുകളോടു കൂടിയ പുതുക്കിയ ബംബർ എന്നിവയാണ് മുൻഭാഗത്തെ പുതുമകൾ.

പുതിയ ബംബർ, എൽ ഷേപ്പിൽ എൽഇഡി എലമെന്റുള്ള ടെയിൽ ലാമ്പ്, റിയർ സ്പോയ്‌ലർ എന്നീ സവിശേഷതകളാണ് പിൻഭാഗത്തായി ഉൾപ്പെടുത്തിയിട്ടുള്ളത്.

ക്രോം, വുഡ് എന്നിവ ഉൾപ്പെടുത്തി അകത്തളത്തിൽ ചില പരിഷ്കാരങ്ങൾ വരുത്തിയിട്ടുണ്ട്. ഇതു പുതിയ 3 സീരീസ് ജിടിക്കൊരു പ്രീമിയം ലുക്കും പകരുന്നു.

ഡ്രൈവറുടേയും യാത്രക്കാരുടേയും സുരക്ഷയ്ക്കായി മികച്ച സുരക്ഷാ സന്നാഹങ്ങളും ഈ വാഹനത്തിൽ ഉൾപ്പെടുത്തിയിട്ടുണ്ട്. എയർബാഗ്, എബിഎസ്, ട്രാക്ഷൻ കൺട്രോൾ, കോർണർ ബ്രേക്കിംഗ്, ഇലക്ട്രോണിക് വെഹിക്കിൾ ഇംമ്മോബലൈസർ എന്നീങ്ങനെ പോകുന്നു ആ നിര.

കൂപ്പെ സ്റ്റൈൽ ക്രോസോവർ എസ്‌യുവിയുമായി ടൊയോട്ട

ഇന്ത്യൻ നിരത്തിൽ താരമാകാൻ പാരീസിൽ നിന്നും പുത്തൻ എസ്‌ക്രോസ്

 

 

 

Click to compare, buy, and renew Car Insurance online

Buy InsuranceBuy Now

കൂടുതല്‍... #ബിഎംഡബ്ല്യു #bmw
Story first published: Thursday, October 20, 2016, 17:31 [IST]
English summary
BMW 3 Series GT Launched In India; Prices Start At Rs. 43.30 Lakh
Please Wait while comments are loading...