730 കുരിതശക്തിയുള്ള പുതുപുത്തൻ ലംബോർഗിനി കാർ അവതരിച്ചു..

നിലവിലുള്ള മോഡലുകൾക്ക് പകരക്കാരനായിട്ടായിരിക്കും പുതിയ അവന്റാഡോർ എസ് അവതരിക്കുക. അടുത്ത വർഷം ആദ്യപകുതിയിലായിരിക്കും ഡെലിവറി ആരംഭിക്കുക.

730ബിഎച്ച്പിയും 690എൻഎം ടോർക്കും നൽകുന്ന 6.5ലിറ്റർ വി12 എൻജിന്റെ പുതുക്കിയ പതിപ്പാണ് ഈ കാറിന് കരുത്തേകുന്നത്. അതിനാൽ നിലവിലുള്ള മോഡലുകളേക്കാളും കരുത്തേറിയതായിരിക്കുമിത്.

ചക്രങ്ങളിലേക്ക് വീര്യമെത്തിക്കാൻ 7സ്പീഡ് ഓട്ടോമാറ്റിക് ഗിയർബോക്സാണ് എൻജിനിൽ ഘടിപ്പിച്ചിട്ടുള്ളത്.

നിശ്ചലാവസ്ഥയിൽ നിന്നു 100 കിലോമീറ്റർ വേഗത കൈവരിക്കാൻ ഈ കാറിന് 2.9സെക്കന്റിനുള്ളിൽ സാധിക്കും. 349km/h ആണിതിന്റെ ഉയർന്നവേഗതയും.

നിലവിലുള്ള മോഡലുകളേക്കാൾ അഗ്രസീവ് ലുക്ക് പകുന്ന ഡിസൈനാണ് പുതിയ അവന്റാഡോർ എസിന് നൽകിയിരിക്കുന്നത്.

കൂടാതെ കാറിന്റെ ഡൗൺഫോർസ് വർധിപ്പിക്കുന്ന തരത്തിൽ മുൻ-പിൻ വശങ്ങളിൽ കാര്യമായ ഡിസൈൻ പരിവർത്തനങ്ങൾ നടത്തിയിട്ടുണ്ട്.

പുതിയ സാങ്കേതികതയും പുതിയ ഡ്രൈവിംഗ് മോഡും അതുപോലെ പുത്തൻ സ്റ്റിയറിംഗ് സിസ്റ്റവും ഈ കാറിൽ ഉൾക്കൊള്ളിച്ചിട്ടുണ്ട്.

സ്ട്രാഡ, സ്പോർട്, കോർസ എന്നീ ഡ്രൈവിംഗ് മോഡുകൾക്ക് ഒപ്പം പുതിയ ഇന്റിവിജ്വൽ മോഡും ക്രമീകരിച്ചിട്ടുണ്ട്.

ലംബോർഗിനിയുടെ പരിമിതക്കാല പതിപ്പായ സെന്റനാരിയോയിൽ ഉപയോഗിച്ചിട്ടുള്ള ഓൾ വീൽ ഡ്രൈവ് സിസ്റ്റമാണ് ഈ കാറിലും നൽകിയിട്ടുള്ളത്.

ഫിയറ്റ് പുന്തോ, ലീനിയ ലിമിറ്റഡ് എഡിഷനുകൾ ഇന്ത്യയിൽ

കോംപാക്ട് സെഡാൻ സെഗ്മെന്റിലേക്ക് ഷവർലെയുടെ പുത്തൻ വാഹനം