കാത്തിരിപ്പിനൊടുവിൽ മാരുതിയുടെ പുതിയ മിനിഎസ്‌യുവി വിപണിയിലേക്ക്..

Written By:

മാരുതി സുസുക്കി അവതരിപ്പിക്കുന്ന മിനിഎസ്‌യുവി ഇഗ്നിസ് ഇക്കഴിഞ്ഞ ദില്ലി ഓട്ടോഎക്സ്പോയിലായിരുന്നു ആദ്യമായി അരങ്ങേറിയത്. ഇഗ്നിസിന് വേണ്ടി അന്നുമുതലുള്ള കാത്തിരിപ്പു ഇന്നും തുടർന്നുകൊണ്ടിരിക്കുകയാണ്. അടുത്തവർഷം ആദ്യത്തോടെ ഇഗ്നിസ് വിപണിപിടിക്കുമെന്നുള്ള സൂചനയാണ് കമ്പനി ഭാഗത്തുനിന്നും ലഭിച്ചിരിക്കുന്നത്.

ഈ ഉത്സവക്കാലത്തോടനുബന്ധിച്ചായിരുന്നു ഇഗ്നിസിന്റെ ലോഞ്ച് തീരുമാനിച്ചത്. എന്നാൽ വിറ്റാര ബ്രെസ, ബെലെനോ മോഡലുകളുടെ ബുക്കിംഗിൽ നേരിട്ട വർധനവ് കാരണം ഇഗ്നിസിന്റെ ലോഞ്ച് നീട്ടിവയ്ക്കേണ്ടതായി വന്നു.

1.2ലിറ്റർ പെട്രോൾ, 1.3ലിറ്റർ ഡീസൽ എന്നീ വകഭേദങ്ങളിലാണ് മസിലൻ ആകാരഭംഗിയുള്ള ഈ ചെറു എസ്‌യുവി എത്തുന്നത്. മാനുവൽ, ഓട്ടോമാറ്റിക് ട്രാൻസ്മിഷനുകളായിരിക്കും ഇതിലുൾപ്പെടുത്തുക.

3,700എംഎം നീളവും, 1,660എംഎം വീതിയും, 1,595എംഎം ഉയരവും, 2,435എംഎം വീൽബേസുമുള്ള ഈ ചെറു എസ്‌യുവിക്ക് 180എംഎം ഗ്രൗണ്ട് ക്ലിയറൻസാണുള്ളത്.

പ്രൊജക്ടര്‍ ഹെഡ് ലാമ്പുകൾ, നീളം കൂടിയ ഗ്രിൽ, ബ്ലാക്ഡ് ഔട്ട് എബി പില്ലറുകൾ, ഉയർന്ന ബോണറ്റ്, എന്നിവയാണ് ഇഗ്നിസിന്റെ സവിശേഷതകൾ.

കീലെസ് എൻട്രി, എൻജിൻ സ്റ്റാർട്-സ്റ്റോപ്പ് സിസ്റ്റം, ടച്ച് സ്ക്രീൻ ഇൻഫോടെയിൻമെന്റ് സിസ്റ്റം, ആപ്പിൾ കാർ പ്ലെ, റിവേഴ്സ് പാർക്കിംഗ് ക്യാമറ, ഫോർ വീൽ ഡ്രൈവ് സിസ്റ്റം എന്നിവയാണ് മറ്റ് സവിശേഷതകള്‍.

സുരക്ഷ മുൻനിർത്തി ഡ്യുവൽ എയർബാഗ്, എബിഎസ്, ഇബിഡി എന്നീ ഫീച്ചറുകളും ഈ പുതിയ കോംപാക്ട് എസ്‌യുവിയിൽ ഉൾപ്പെടുത്തിയിട്ടുണ്ട്.

മാരുതി സുസുക്കിയുടെ നെക്സ ഷോറൂം വഴിയായിരിക്കും ഇഗ്നിസ് ചെറു എസ്‌‌‌യുവി വിപണിയിലെത്തിച്ചേരുക.

അഞ്ച് ലക്ഷത്തിൽ താഴെയുള്ള ചെറു എസ്‌യുവി സെഗ്മെന്റിലേക്ക് കടന്നെത്തുന്ന ഇഗ്നിസിന് വിപണിയിൽ കടുത്ത മത്സരങ്ങളായിരിക്കും നേരിടേണ്ടി വരിക.

  

Click to compare, buy, and renew Car Insurance online

Buy InsuranceBuy Now

കൂടുതല്‍... #മാരുതി #maruti
English summary
Maruti Ignis Mini-SUV Likely To Launch In India During Early 2017
Please Wait while comments are loading...