ഇന്ത്യയിലെത്താത്ത ബജാജ് ക്യൂട്ട്; ലോകത്തിലേറ്റവും ചെറിയ വാഹനം!!

ഇന്ത്യൻ രൂപ 3.29ലക്ഷത്തിന് വിപണിപിടിച്ച ബജാജിന്റെ ഈ ചെറുവാഹനം ഇന്തോനേഷ്യയിൽ ലഭ്യമാകാവുന്ന ഏറ്റവും കുറഞ്ഞവിലയ്ക്കുള്ള വാഹനമായിരിക്കും.

2,752എംഎം നീളവും, 1,312എംഎം വീതിയും, 1,925എംഎം വീൽബേസും, 1,652എംഎം ഉയരവുമുള്ള ബജാജ് ക്യൂട്ട് ലോകത്തിൽ വച്ചുതന്നെ ഏറ്റവും ചെറുതെന്ന് അവകാശപ്പെടാവുന്നൊരു പാസഞ്ചർ വാഹനമാണ്.

200സിസി വാട്ടർ കൂൾഡ് സിങ്കിൾ സിലിണ്ടർ ട്രിപ്പിൾ സ്പാർക്ക് എൻജിനാണ് ബജാജ് ക്യൂട്ടിന് കരുത്തേകുന്നത്.

13ബിഎച്ച്പിയും 19.6എൻഎം ടോർക്കും ഉല്പാദിപ്പിക്കുന്ന ഈ എൻജിനിൽ 5 സ്പീഡ് സീക്വൻഷ്യൽ ഗിയർബോക്സാണ് നൽകിയിരിക്കുന്നത്.

ലിറ്ററിന് 36 കിലോമീറ്റർ എന്ന മികച്ച മൈലേജാണ് ക്യൂട്ട് എന്ന പേരിലറിയപ്പെടുന്ന ഈ ചെറുവാഹനം വാഗ്ദാനം ചെയ്യുന്നത്.

കുറഞ്ഞ നിരക്കിലുള്ളൊരു വാഹനം എന്ന നിലയ്ക്ക് ഏസി, പവർ സ്റ്റിയറിംഗ്, പവർ വിന്റോസ്, ഓഡിയോ സിസ്റ്റം എന്നീ ഫീച്ചറുകൾ ഈ വാഹനത്തിൽ ലഭ്യമായിരിക്കുന്നതല്ല.

ആറ് വ്യത്യസ്ത നിറങ്ങളിലാണ് ബജാജ് ക്യൂട്ട് ലഭ്യമായിട്ടുള്ളത്. ഇന്ത്യയിൽ നിർമാണം നടത്തി വിദേശ രാജ്യങ്ങളിലേക്ക് കയറ്റുമതി ചെയ്യുന്നൊരു വാഹനമാണിത്.

യൂറോപ്പ്യൻ ക്വാഡ്രിസൈക്കിൾ സംബന്ധിച്ചുള്ള നിബന്ധനകൾ പാലിക്കുന്ന ആദ്യ ഇന്ത്യൻ നിർമിത വാഹനമെന്നതാണ് ബജാജ് ക്യൂട്ടിന് ഏറെ പ്രാധാന്യം നൽകുന്നത്.

ഏഷ്യ, ആഫ്രിക്ക, ലാറ്റിൻ അമേരിക്ക, യൂറോപ്പ് എന്നിവടങ്ങളിലേക്ക് കയറ്റിഅയക്കപ്പെടുന്നുവെങ്കിലും ഇന്ത്യയിൽ ലോഞ്ച് ചെയ്യാനുള്ള സാഹചര്യം ഇതുവരെ ഈ വാഹനത്തിനുണ്ടായില്ല.

ടാറ്റ സെനോൺ യോദ്ധ അവതരിച്ചു; വില 6.05ലക്ഷം

ഇഗ്നിസ് വരവായി; മാരുതി വെളിപ്പെടുത്തുന്ന ഇഗ്നിസിന്റെ മാത്രം ചില സവിശേഷതകൾ