മാരുതി ഇഗ്നിസ് ബുക്കിംഗ് ആരംഭിച്ചു; തുകയറിയാം!!

11,000 രൂപ ബുക്കിംഗ് തുകയായി നൽകി മാരുതിയുടെ പുതിയ ക്രോസോവർ മോഡൽ ഇഗ്നിസിന്റെ ബുക്കിംഗ് നടത്താവുന്നതാണ്.

By Praseetha

Published: Tuesday, January 3, 2017, 16:35 [IST]

മാരുതിയുടെ ആദ്യ ക്രോസ്ഓവർ എന്ന ലേബലിൽ പുറത്തിറങ്ങുന്ന ഇഗ്നിസിന്റെ ബുക്കിംഗ് ആരംഭിച്ചു. മൂന്നാമതായി മാരുതിയുടെ പ്രീമിയം ഡീലർഷിപ്പായ നെക്സയിൽ എത്തിച്ചേരുന്ന ഇഗ്നിസിന് 11,000 രൂപ അഡ്വാൻസ് നൽകി ബുക്കിംഗ് നടത്താവുന്നതാണ്.

മാരുതി ഇഗ്നിസ് ബുക്കിംഗ് ആരംഭിച്ചു; തുകയറിയാം!!

മാരുതി പുതിയൊരു സെഗ്മെന്റിലാണ് ഈ വാഹനത്തെ അവതരിപ്പിക്കുന്നത് എന്നതിനാൽ ഏറെ പ്രതീക്ഷയോടെയാണ് വാഹനപ്രേമികൾ ഈ ലോഞ്ചിനെ നോക്കികാണുന്നത്.

പെട്രോൾ പതിപ്പിന് ആറു മുതൽ ഏഴ് ആഴ്ച്ച വരെയും ഡീസൽ പതിപ്പിന് ഏഴു മുതൽ എട്ടു ആഴ്ച്ചവരെയുമുള്ള കാത്തിരിപ്പാണ് ആവശ്യമായി വരിക.

ഓട്ടോമാറ്റിക്ക്, മാനുവൽ വകഭേദങ്ങളിൽ പെട്രോൾ ഡീസൽ പതിപ്പുകൾ ലഭ്യമാണ്. പതിനൊന്ന് വകഭേദങ്ങളിലായി ഒമ്പത് നിറങ്ങളിലായിട്ടാണ് ഇഗ്നിസ് അവതരിക്കുന്നത്.

ടോൾ ബോയി ഹാച്ച്ബാക്ക് സ്റ്റൈലിൽ രൂപകല്പന നടത്തിയിട്ടുള്ള ഇഗ്നിസ് 2017 ജനവരി 13 നാണാ വിപണിയിലവതരിക്കുക. ദില്ലി എക്സ്ഷോറൂം 5 മുതൽ 6.5ലക്ഷം വരെയാണ് വില പ്രതീക്ഷിക്കുന്നത്.

ഈ സെഗ്മെന്റിൽ ആദ്യമെന്ന് അവകാശപ്പെടാവുന്ന ഫീച്ചറുകളായ എൽഇഡി ഹെഡ്‌ലൈറ്റ്, ഡിആർഎല്ലുകൾ, പുതിയ സ്റ്റിയറിംഗ് വീൽ ഡിസൈൻ എന്നിവയാണ് ഇഗ്നിസിൽ ഉൾക്കൊള്ളിച്ചിരിക്കുന്നത്.

മാരുതി സ്വിഫ്റ്റ്, ഡിസയർ, എർടിഗ എന്നിവയുടെ അതെ പ്ലാറ്റ്ഫോമിലാണ് ഇഗ്നിസിന്റേയും നിർമാണം. 3679 എംഎം നീളവും 1660 എംഎം വീതിയുമാണ് നാലുമീറ്ററിൽ താഴെയുള്ള സബ്കോംപാക്ട് വിഭാഗത്തിൽ അവതരിക്കുന്ന ഇഗ്നിസിനുള്ളത്.