Just In
- 1 hr ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
- 12 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 14 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 15 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
Don't Miss
- News 'കോൺഗ്രസിന്റെ യുവരാജാവ് വടക്കേ ഇന്ത്യ വിട്ട് തെക്കേ ഇന്ത്യയിലേക്ക് ഓടി'; രാഹുലിനെ വിമർശിച്ച് നരേന്ദ്ര മോദി
- Finance കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ
- Travel നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ്
- Movies 'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും'
- Technology ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
- Sports IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം?
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
ഹോണ്ട ഗ്രാസിയയ്ക്ക് എന്താണ് ഇത്ര വലിയ പ്രത്യേകത? — റിവ്യൂ
Recommended Video
പുത്തന് സ്കൂട്ടറുമായി ഹോണ്ട ഓരോ തവണ വിപണിയില് എത്തുമ്പോഴും എന്തെങ്കിലും പ്രത്യേകതയുണ്ടാകും. ഡിയോ, നവി, ക്ലിഖ്..ദേ ഇപ്പോള് ഗ്രാസിയ, ഏത് ഹോണ്ട സ്കൂട്ടര് പരിശോധിച്ചാലും ഈ ഒരു 'വ്യത്യസ്ത' അനുഭവപ്പെടും. മറ്റു നിര്മ്മാതാക്കളില് നിന്നും ഹോണ്ട വേറിട്ടു നില്ക്കുന്നതും ഇതേ കാരണം കൊണ്ടാണ്.
ഗ്രാസിയയുടെ വരവിന് മുമ്പ് യുവത്വത്തിന് വേണ്ടിയുള്ള ഹോണ്ടയുടെ സമര്പ്പണമായിരുന്നു ഡിയോ. വിപണിയില് പ്രചാരം നേടാന് ഡിയോയ്ക്ക് കാലതാമസം വേണ്ടി വന്നില്ല. നാടു നീളെ ഡിയോകള് നിറഞ്ഞപ്പോള് ഹോണ്ടയ്ക്ക് ഉദിച്ച ആശയമാണ് 'ഗ്രാസിയ'.
കണ്ടു മടുത്ത ഡിയോയ്ക്ക് പുതിയ അപ്ഡേറ്റ് നല്കുന്നതിലും നല്ലത് പുത്തന് ഒരു 'ചെത്ത്' സ്കൂട്ടറിനെ അവതരിപ്പിക്കുന്നതാണെന്ന് ജാപ്പനീസ് നിര്മ്മാതാക്കള് തീരുമാനിച്ചു.
അങ്ങനെയാണ് ആകര്ഷകമായ പ്രീമിയം ഡിസൈനിലുള്ള ഗ്രാസിയയുടെ പിറവി. വിപണിയില് ഡിയോ കൈയ്യടക്കിയ വിജയം ആവര്ത്തിക്കാന് പുതിയ ഗ്രാസിയയ്ക്ക് സാധിക്കുമോ? പരിശോധിക്കാം —
ഡിസൈന്
കുറച്ചേറെ മെനക്കെട്ടാണ് ഗ്രാസിയയെ ഹോണ്ട അണിനിരത്തിയിട്ടുള്ളതെന്ന് ആദ്യ കാഴ്ച തന്നെ പറഞ്ഞു വെയ്ക്കും. ടൂ-ടോണ് ഫ്രണ്ട് ഏപ്രണില് ഒരുങ്ങിയിട്ടുള്ള എല്ഇഡി ഹെഡ്ലൈറ്റ്, ഡെയ്ടൈം റണ്ണിംഗ് ലൈറ്റുകള്, കൂര്ത്ത് നില്ക്കുന്ന ആംഗുലാര് പാനലുകള്.. ഗ്രാസിയയിലേക്ക് കണ്ണെത്താന് ഇവ ധാരാളം.
എല്ഇഡി ഹെഡ്ലൈറ്റോടെയുള്ള ആദ്യ ഇന്ത്യന് സ്കൂട്ടറാണ് ഗ്രാസിയ. പൂര്ണ ഡിജിറ്റല് മോണോക്രോം ഇന്സ്ട്രമെന്റ് ക്ലസ്റ്ററാണ് ഹോണ്ട ഗ്രാസിയയുടെ മറ്റൊരു ആകര്ഷണം.
Trending On DriveSpark Malayalam:
അപാച്ചെ RR 310 - ടിവിഎസില് നിന്നും വൈകിയെത്തിയ പോരാളി; റിവ്യൂ
ഓക്ടാവിയയോട് ഏറ്റുമുട്ടാന് 2017 ടൊയോട്ട കൊറോള ആള്ട്ടിസിന് സാധിക്കുന്നുണ്ടോ? - റിവ്യൂ
പകല് വെളിച്ചത്ത് സ്പീഡോമീറ്റര്, ടാക്കോമീറ്റര് റീഡിംഗ് മനസിലാക്കാന് പ്രയാസമുണ്ടാകുമെന്നാണ് പ്രതീക്ഷിച്ചതെങ്കിലും ആശങ്കകള് അസ്ഥാനത്താണെന്ന് ഗ്രാസിയ തെളിയിച്ചു.
ചെറിയ എല്സിഡി പാനലും ഇന്സ്ട്രമെന്റ് ക്ലസ്റ്ററിന്റെ കീഴ്ഭാഗത്ത് ഒരുങ്ങുന്നുണ്ട്. സമയം, ഫ്യൂവല് ഗൊജ്, ഓഡോമീറ്റര്, ട്രിപ് മീറ്റര് മുതലായ വിവരങ്ങള് ഈ എല്സിഡി പാനലാണ് ലഭ്യമാക്കുക.
സീറ്റ് ലോക്ക് സ്വിച്ച് ഉള്പ്പെടെ പുതിയ ഫോര്-ഇന്-വണ് ഇഗ്നീഷനും പുതിയ ഗ്രാസിയയ്ക്ക് ലഭിച്ചിട്ടുണ്ട്. സീറ്റ് തുറന്നാല് 18 ലിറ്റര് സ്റ്റോറേജ് റെഡി! ഹെല്മറ്റ് സൂക്ഷിക്കാന് അല്ലെങ്കില് പ്രതിദിനാവശ്യങ്ങള്ക്ക് 18 ലിറ്റര് സ്റ്റോറേജ് കപ്പാസിറ്റി ധാരാളമാണ്.
ഇതിന് പുറമെ ചെറിയ സ്റ്റോറേജ് കമ്പാര്ട്ട്മെന്റും ഗ്രാസിയയിലുണ്ട്. മൊബൈല് ഫോണ്, ചാര്ജ്ജര് പോലുള്ള സാധാനങ്ങള് സൂക്ഷിക്കാന് വേണ്ടിയാണ് ഈ കമ്പാര്ട്ട്മെന്റ്.
പിന്നിലുള്ള ആംഗുലാര് സ്പ്ലിറ്റ് ഗ്രാബ് റെയിലുകള് കാഴ്ചഭംഗിക്കൊപ്പം പിന്യാത്രക്കാരന് സുഖകരമായി ഇരിക്കാനുള്ള സ്ഥിതി വിശേഷം കൂടിയാണ് സമ്മാനിക്കുന്നത്. അതേസമയം ത്രീ-പീസ് ടെയില്ലൈറ്റും എല്ഇഡികള്ക്ക് പകരമുള്ള ഹാലോജന് ഇന്ഡിക്കേറ്റര് ക്ലസ്റ്ററും ചില ഉപഭോക്താക്കളെ നിരാശപ്പെടുത്തിയേക്കാം.
എഞ്ചിന്
ആക്ടിവ 125 ന് സമാനമായി 124.9 സിസി, സിംഗിള്-സിലിണ്ടര് എഞ്ചിനിലാണ് പുതിയ ഹോണ്ട ഗ്രാസിയയുടെ വരവ്. 6,500 rpm ല് 8 bhp കരുത്തും 5,000 rpm ല് 10.54 Nm torque ഉം പരമാവധി ഉത്പാദിപ്പിക്കുന്നതാണ് എഞ്ചിന്.
താഴ്ന്ന ആര്പിഎമ്മില് നിന്നും ഇടത്തരം ആര്പിഎമ്മം വരെ സുഗമമായ കരുത്തേകാന് എഞ്ചിന് സാധിക്കുന്നുണ്ട്. ഇതേ കാരണം മുന്നിര്ത്തി തിരക്കേറിയ നഗരസാഹചര്യങ്ങള്ക്ക് ഗ്രാസിയ ഏറെ അനുയോജ്യമാണെന്ന് നിസംശയം പറയാം.
47 കിലോമീറ്ററാണ് ഗ്രാസിയയില് ലഭിക്കുന്ന ശരാശരി ഇന്ധനക്ഷമത. 5.3 ലിറ്റര് ഇന്ധനശേഷിയുടെ പിന്ബലത്തില് ഫുള് ടാങ്കില് 250 കിലോമീറ്ററുകള്ക്ക് മേലെ സ്കൂട്ടറിന് സഞ്ചരിക്കാന് സാധിക്കുമെന്നാണ് ഹോണ്ടയുടെ വാദം.
റൈഡും ഹാന്ഡ്ലിംഗും
മികവേറിയ റൈഡിംഗ് പൊസിഷന് ഗ്രാസിയ നല്കുന്നുണ്ടെങ്കിലും ഉയരം കൂടിയ റൈഡര്മാര്ക്ക് ഗ്രാസിയ എത്രത്തോളം സുഖകരമാകുമെന്നതില് സംശയമുണ്ട്.
ആറ് അടിയില് കൂടുതല് ഉയരമുള്ള റൈഡര്ക്ക് വളവുകളില് ഗ്രാസിയയെ മെരുക്കാന് കുറച്ചു പാടുപെടേണ്ടി വരും. ഈ സന്ദര്ഭത്തില് മുട്ടുകള് സ്കൂട്ടറിന്റെ ബാറില് വന്ന് തട്ടുമെന്നതാണ് ഇതിന് കാരണം.
ടെലിസ്കോപിക് ഫ്രണ്ട് ഫോര്ക്കിലും റിയര് മോണോഷോക്കിലുമാണ് ഗ്രാസിയ ഒരുങ്ങുന്നത്. പരുക്കന് പ്രതലങ്ങളില് ഗ്രാസിയയുടെ സസ്പെന്ഷന് മികവ് ശരാശരി മാത്രമാണ്. ബമ്പുകള് താണ്ടുമ്പോഴും സ്കൂട്ടറിന്റെ സസ്പെന്ഷന് നിരാശപ്പെടുത്തിയേക്കും.
190 mm ഫ്രണ്ട് ഡിസ്ക് ബ്രേക്കും റിയര് ഡ്രം ബ്രേക്കുമാണ് ഗ്രാസിയയില് ബ്രേക്കിംഗ് ഒരുക്കുന്നത്. ഒപ്പം ഹോണ്ടയുടെ കോമ്പി ബ്രേക്കിംഗ് സംവിധാനവും ഗ്രാസിയയില് ഇടംപിടിച്ചിട്ടുണ്ട്. സിയറ്റ് അല്ലെങ്കില് എംആര്എഫ് ടയറുകളില് ഒരുങ്ങിയ അഞ്ച്-സ്പോക്ക് ബ്ലാക് അലോയ് വീലുകളിലാണ് ഗ്രാസിയയുടെ വരവ്.
ഹോണ്ട ഗ്രാസിയ വാങ്ങണമോ?
ആദ്യം സൂചിപ്പിച്ചത് പോലെ ഹോണ്ട സ്കൂട്ടറുകളുടെ വ്യത്യസ്ത ആവര്ത്തിക്കാന് ഗ്രാസിയയ്ക്കും സാധിച്ചിട്ടുണ്ട്. ലളിതമായി പറഞ്ഞാല് ആധുനിക പ്രീമിയം സ്കൂട്ടറാണ് ഹോണ്ട ഗ്രാസിയ.
പ്രീമിയം ടാഗുള്ളതിനാല് തന്നെ വിലയുടെ കാര്യത്തിലും ഗ്രാസിയ കുറച്ചേറെ മുമ്പിലാണ്. 62,269 രൂപയാണ് ഹോണ്ട ഗ്രാസിയയുടെ ഏറ്റവും ഉയര്ന്ന ഡിഎല്എക്സ് വേരിയന്റിന്റെ എക്സ്ഷോറൂം വില (ദില്ലി).
എന്തായാലും യുവ ഉപഭോക്താക്കളെ ആകര്ഷിക്കാന് ഗ്രാസിയയ്ക്ക് സാധിക്കുമെന്നില് യാതൊരു സംശയവുമില്ല.
Trending DriveSpark YouTube Videos
Subscribe To DriveSpark Malayalam YouTube Channel - Click Here