ഇന്ത്യയുടെ കാര്‍ വര്‍ണങ്ങള്‍

കണ്ണുകള്‍ക്ക് കുളുര്‍മയേകുന്ന നിറമാണ് ബീജ്. ഇന്ത്യന്‍ പരിതസ്ഥിതിക്ക് വളരെയേറെ ഇണങ്ങുന്ന നിറവുമാണ്. വളരെ സൗമ്യ പ്രകൃതമുള്ള ഈ നിറം വലിയ വിഭാഗം ഇന്ത്യന്‍ ഉപഭോക്താക്കളെ ആകര്‍ഷിക്കുന്നു.

മണ്ണിനോട് ഇണക്കമുള്ള നിറമായതിനാല്‍ കാര്‍ സഞ്ചരിക്കുന്ന പ്രക‍തിയോട് വളരെ ഇഴുകിച്ചേര്‍ന്നതായി കാഴ്ചക്കാര്‍ക്ക് അനുഭവപ്പെടും. ചുവപ്പു പോലുള്ള വര്‍ണങ്ങള്‍ തീര്‍ക്കുന്ന രോഷമോ കറുപ്പിന്‍റെ ക്രൗര്യം കലര്‍ന്ന ആഭിജാത്യമോ ഈ വര്‍ണത്തിനില്ല. എങ്കിലും ഒരു അന്തസ്സും തന്‍റേടവും പ്രകടിപ്പിക്കാന്‍ ഈ നിറത്തിന് കഴിയുന്നു.

സാന്‍ട്രോ സിംഗ്, ഹ്യൂണ്ടായ് ഗട്സ്, മഹീന്ദ്ര സ്കോര്‍പിയോ, ഫോര്‍ഡ് ഫിയസ്റ്റ, ഹോണ്ട സി ആര്‍-വി, ടൊയോട്ടയുടെ കൊറോള, കാമ്രി, ഇന്നോവ തുടങ്ങി നിരവധി വാഹനങ്ങള്‍ ഈ വര്‍ണത്തില്‍ വിപണിയിലെത്തുന്നുണ്ട്.