Click it and Unblock the Notifications
സ്വിഫ്റ്റിന് പുതിയ ബ്ലോഗ്
യഥാര്ത്ഥത്തില് സ്വിഫ്റ്റ് ഉപഭോക്താക്കളെ കവിഞ്ഞുനില്ക്കും സ്വിഫ്റ്റ് ആരാധകര്. ഇത്തരക്കാര്ക്ക് വേണ്ടിയാണ് മാരുതി സുസുക്കി പുതിയ ബ്ലോഗ് തുടങ്ങിയിട്ടുള്ളത്. ഇതില് ആദ്യത്തെ പോസ്റ്റ് വന്നു കഴിഞ്ഞു. സ്വിഫ്റ്റ് പരിണമിച്ചെത്തിയ വഴികള് വിശദീകരിക്കുന്നതാണ് ആദ്യ ബ്ലോഗ് പോസ്റ്റ്. സ്വിഫ്റ്റ് സംബന്ധമായ ഓരോ വാര്ത്തകളും കൂടുതല് വിശദാംശങ്ങളോടെ ആരാധകരില് എത്തിക്കുക എന്നതാണ് സ്വിഫ്റ്റ് ബ്ലോഗിന്റെ ഉദ്ദേശ്യം.
മാരുതി മനെസര് പ്ലാന്റില് ഇടക്കാലത്ത് നടന്ന സമരങ്ങള് സ്വിഫ്റ്റിന്റെ വിപണിമുന്നേറ്റങ്ങള്ക്കിടയിലെ കല്ലുകടിയായെങ്കിലും സമരം കഴിഞ്ഞ ദിവസം അവസാനിച്ചതോടെ വീണ്ടും വിപണിയില് കൂടുതല് ആവോശത്തോടെ സ്വിഫ്റ്റ് ഇറങ്ങി വരികയാണ്.
എന്തുകൊണ്ട് സ്വിഫ്റ്റ് എന്ന ചോദ്യം നമുക്കെല്ലാമുള്ളില് ഉള്ളതാണ്. ലോക കാര് ഭീമന്മാര് വിപണിയില് സര്വ്വ സന്നാഹങ്ങളോടെ പടക്കിറങ്ങുമ്പോള് എന്തുകൊണ്ടാണ് ആളുകള് മാരുതിയെത്തന്നെ, അല്ലെങ്കില് സ്വിഫ്റ്റിനെത്തന്നെ തിരഞ്ഞെടുക്കുന്നത്? സ്വിഫ്റ്റിന്റെ പ്രത്യേകതകളെക്കുറിച്ച് ബ്ലോഗില് നല്കിയിരിക്കുന്ന വിശദീകരണം വായിക്കാന് ഇവിടെ ഞെക്കുക.
Continue with Google