സ്വിഫ്റ്റ് ‍ഡിസൈറിന്‍റെ ഡീസല്‍ പതിപ്പ്

Four Wheelers

oi-Santheep

By Santheep Kp

Published: Sunday, November 6, 2011, 17:35 [IST]

ഇന്ത്യയില്‍ ഏറ്റവുമധികം വിറ്റുപോകുന്ന സെഡാന്‍ കാറുകളുടെ കൂട്ടത്തിലാണ് മാരുതി സ്വിഫ്റ്റ് ഡിസൈറിന് സ്ഥാനം. സ്റ്റാല്‍, പ്രകടനം, സ്ഥലസൈകര്യം തുടങ്ങിയവയുടെ മികവു കൊണ്ട് ഇന്ത്യന്‍ ഉപഭോക്താക്കള്‍ക്കിടയില്‍ സ്വിഫ്റ്റ് ഹാച്ച്ബാക്ക് നേടിയെടുത്ത സ്ഥാനം സെഡാന്‍ വിപണിയില്‍ സ്വിഫ്റ്റ് ഡിസൈറിന് ഒരു പരിധി വരെ കൈക്കൊള്ളാനായിട്ടുണ്ട്.

സുസുക്കിയുടെ ലോകോത്തര നിലവാരമുള്ള സാങ്കേതികതയാണ് മാരുതി സ്വിഫ്റ്റ് ഡിസൈറിനെ വിപണിയില്‍ ക്ഷമാപണങ്ങള്‍ക്കിടയില്ലാത്ത സ്ഥാനം നേടിക്കൊടുക്കുന്നത്. 1248 സിസി എന്‍ജിനാണ് സ്വിഫ്റ്റ് ഡിസൈറില്‍ ഉപയോഗിച്ചിരിക്കുന്നത്.

മൂന്ന് ഡീസല്‍ പതിപ്പുകളാണ് സ്വിഫ്റ്റ് ഡിസൈറിനുള്ളത്. ഡിസൈര്‍ എല്‍ ഡി ഐ, ഡിസൈര്‍ വി ഡി ഐ, ഡിസൈര്‍ ഇസഡ് ഡി ഐ എന്നിങ്ങനെ. സിറ്റികളില്‍ 14.5 കിമി മൈലേജ് നല്‍കുന്നു. ഹൈവേകളില്‍ 19.3 മൈലേജും ലഭ്യം.

എല്‍ ഡി ഐ പതിപ്പിന് 5,56,000 രൂപയാണ് വില. വി ‍ഡി ഐ പതിപ്പിന് 6,03,000 രൂപയും ഇസഡ് ഡി ഐ പതിപ്പിന് 6,87,000 രൂപയും വിലവരും.