പ്രായമായവർക്ക് സുഖപ്രദമായി സഞ്ചരിക്കാൻ കഴിയുന്ന വാഹനങ്ങൾ

വലിയ കുഴികളോ പരുക്കൻ പ്രതലങ്ങളോ ഉള്ളപ്പോൾ പ്രായമായവർക്ക് കൂടുതൽ അസ്വസ്ഥതയുണ്ടാകുമെന്ന് ഓർമ്മിക്കുക. അതിനാൽ, നിങ്ങൾ മുതിർന്നവരെ പിൻസീറ്റുകളിൽ കയറ്റുകയാണെങ്കിൽ വിവേകപൂർവ്വം നിങ്ങളുടെ കാർ തിരഞ്ഞെടുക്കണം. ഇന്ത്യൻ വിപണിയിൽ പ്രായമായവർക്ക് അനുയോജ്യമായി മികച്ച വാഹനങ്ങളിൽ ചിലത് പരിചയപ്പെടാം.

മാരുതി സുസുക്കി എർട്ടിഗ

വിശാലവും സൗകര്യപ്രദവുമായ ക്യാബിന് പേരുകേട്ട വാഹനമാണ് എർട്ടിഗ, അതിനാലാണ് ഇത് വാണിജ്യ വിപണിയിൽ വ്യാപകമായി ഉപയോഗിക്കുന്നത്. ഏകദേശം എട്ട് വർഷമായി ഇന്ത്യൻ വിപണിയിൽ ഉള്ളതിനാൽ ഇത് പരീക്ഷിച്ചുനോക്കിയ ഉൽപ്പന്നമാണ്.

MOST READ: കൊവിഡ് ദുരിതാശ്വാസത്തിനായി 911 സ്പീഡ്സ്റ്റർ ലേലം ചെയ്യാനൊരുങ്ങി പോർഷ

എർട്ടിഗയിൽ 5 + 2 സീറ്റിംഗ് കോൺഫിഗറേഷനുണ്ട്, അതിനർത്ഥം നിങ്ങളുടെ കുടുംബത്തിന് സുഖമായി വാഹനത്തിൽ ഇരിക്കാൻ കഴിയും എന്നാണ്. എം‌പിവിയുടെ യാത്രാ ഗുണനിലവാരം വളരെ മികച്ചതാണ്. റോഡുകളുലെ ഹമ്പുകളെ വളരെ എളുപ്പത്തിൽ ആഗിരണം ചെയ്യുകയും ഹൈവേയിൽ ഉയർന്ന വേഗത നിലനിർത്തുകയും ചെയ്യുന്നു.

നല്ലൊരു കുഴി നേരിടുമ്പോൾ കാർ വേഗത്തിൽ സ്ഥിരത കൈവരിക്കുന്നു, ഇത് ക്യാബിനുള്ളിലെ ഉലച്ചിൽ കുറയ്‌ക്കുന്നു. ഉയർന്ന ഡ്രൈവിംഗ് പൊസിഷൻ ഉള്ളതിനാൽ എർട്ടിഗ ദൈനംദിന ട്രാഫിക് അവസ്ഥയിൽ ഓടിക്കുന്നത് എളുപ്പമാണ്.

MOST READ: മെയ് മൂന്ന് വരെ രാജ്യത്ത് ട്രെയിനുകള്‍ സര്‍വീസ് നടത്തില്ലെന്ന് ഇന്ത്യന്‍ റെയില്‍വേ

കൂടാതെ എർട്ടിഗയുടെ വീതി ഡിസയറിന് തുല്യമാണ്, ഇത് വളരെ ഒതുക്കമുള്ളതാക്കുന്നു. പ്രായമായവർക്ക് അകത്തേക്ക് കയറാനും പുറത്തിറങ്ങാനും കാർ എളുപ്പമാക്കുന്നു. മാരുതി സുസുക്കി എർട്ടിഗ 7.59 ലക്ഷം എക്സ്-ഷോറൂം വിലയിൽ ആരംഭിക്കുന്നു.

മാരുതി സുസുക്കി XL-6

എർട്ടിഗയുടെ പരിഷ്കരിച്ച, ക്രോസ്ഓവർ പതിപ്പാണ് XL-6, എൽഇഡി ഹെഡ്‌ലാമ്പുകൾ, ഫ്ലാറ്റ് ബോണറ്റ്, ബ്ലാക്ക് ക്ലാഡിംഗ് എന്നിവ കാരണം വാഹനം കൂടുതൽ പ്രീമിയവും ആകർഷകവുമാണ്.

MOST READ: കൊവിഡ് പ്രതിരോധത്തിനായി ബൈക്ക് ആംബുലൻസുകൾ അവതരിപ്പിച്ച് ഹീറോ

മാരുതി സുസുക്കി എംപിവിയുടെ ഇന്റീരിയറും പുനർനിർമ്മിച്ചു. എർട്ടിഗയ്ക്ക് ലഭിക്കുന്ന ഡ്യുവൽ ടോൺ തീമിന് പകരം ലെതർ അപ്ഹോൾസ്റ്ററി, പ്രീമിയം ലുക്കിംഗ് ഓൾ-ബ്ലാക്ക് ക്യാബിൻ എന്നിവയുമായാണ് ഇത് വരുന്നത്.

എന്നിരുന്നാലും, XL-6 ന്റെ പ്രധാന വിൽപ്പന കേന്ദ്രം രണ്ടാം നിര ക്യാപ്റ്റൻ സീറ്റുകളാണ്. സീറ്റുകൾ‌ ചായ്‌ക്കാനും മുന്നോട്ടും പിന്നോട്ടും നീക്കാൻ‌ കഴിയും, മാത്രമല്ല അവ ഒരു ആർ‌മ്രെസ്റ്റ്, ധാരാളം ബാക്ക് സപ്പോർ‌ട്ട്, കുഷ്യനിംഗ് എന്നിവ നൽകുന്നു.

MOST READ: ബിഎസ് IV വാഹനങ്ങളുടെ വില്‍പ്പന; കോടതിയെ സമീപിക്കാനൊരുങ്ങി ഡീലര്‍മാര്‍

XL-6 ന്റെ യാത്രാ നിലവാരം എർട്ടിഗയ്ക്ക് തുല്യമാണ്, പക്ഷേ ക്യാപ്റ്റൻ സീറ്റുകൾ കാരണം ഇത് കുറച്ച് കൂടുതൽ സുഖം നൽകുന്നു. XL-6 ഒരു പ്രീമിയം മോഡൽ ആയതിനാൽ നെക്സ ഡീലർഷിപ്പുകൾ വഴി വിൽക്കപ്പെടുന്നു. 9.84 ലക്ഷം രൂപയാണ് വാഹനത്തിന്റഎ എക്സ്-ഷോറൂം വില.

മഹീന്ദ്ര മറാസോ

മഹീന്ദ്ര മറാസോ വിപണിയിൽ വലിയ തോതിൽ വിറ്റഴിക്കപ്പെടുന്ന ഒരു മോഡലല്ല, എന്നാൽ ഇത് ഒരു നല്ല ചോയിസ് അല്ല എന്ന് ഇതിനർത്ഥമില്ല. മറാസോ എർട്ടിഗയേക്കാൾ വലുതാണ്.

അതിനാൽ വാഹനത്തിന്റെ ക്യാബിനുള്ളിൽ കൂടുതൽ ഇടവും കൂടുതൽ സുഖസൗകര്യങ്ങളും വാഹനം നൽകുന്നു. രണ്ടാമത്തെ വരി മികച്ച ലെഗ് റൂം വാഗ്ദാനം ചെയ്യുന്നു അതോടൊപ്പം സീറ്റുകൾ മുന്നിലേക്കും പിന്നിലേക്കും നീക്കാവുന്നതുമാണ്.

ശക്തമായ എഞ്ചിനാണ് എം‌പിവിയിൽ നിർമ്മാതാക്കൾ ഒരുക്കിയിരിക്കുന്നത്. ലാഡർ ഫ്രെയിം ചാസി റോഡ് ഹമ്പുകളുടെ ആഘാതം ഫിൽട്ടർ ചെയ്യുന്നതിനാൽ ക്യാബിനുള്ളിൽ ഇവ അസ്വസ്ഥത വരുത്തില്ല. 9.99 ലക്ഷം രൂപയാണ് മഹീന്ദ്ര മറാസോയുടെ പ്രാരംഭ എക്സ്ഷോറൂം വില.

ടൊയോട്ട ഇന്നോവ ക്രിസ്റ്റ

ഒരു നീണ്ട യാത്രയ്ക്ക് ഏഴ് പേർക്ക് ഇരിക്കാവുന്ന മികച്ച ഫാമിലി കാർ എന്നാണ് ഇന്നോവ അറിയപ്പെടുന്നത്. ടൊയോട്ട നിരവധി തവണ പരീക്ഷിച്ച പവർട്രെയിനുകളുടെ വിശ്വാസ്യതയും നിങ്ങൾക്ക് ലഭിക്കുന്നു.

മധ്യനിരയിലെ ക്യാപ്റ്റൻ സീറ്റുകൾ ഉൾക്കൊള്ളുന്ന മോഡലിൽ വാഹനം നിങ്ങൾക്ക് ലഭിക്കും. ഏത് വലുപ്പത്തിലും പ്രായത്തിലുമുള്ള ഒരാൾക്ക് സുഖകരമായി ഇരിക്കാവുന്നതാണ് ഈ മധ്യ നിര സീറ്റുകൾ.

ഡോറുകൾ‌ വിശാലമായി തുറക്കുകയും പ്രായമായ ആളുകൾ‌ക്ക് രണ്ടാമത്തെ നിരയിൽ‌ കൂടുതൽ‌ സുഖകരമായി പ്രവേശിക്കാനും സഹായിക്കുന്നു. ഹെഡ്‌റൂം, ലെഗ് റൂം, ഷോൾഡർ റൂം എന്നിവ ഏതൊരു വ്യക്തിക്കും യോജിച്ചതാണ്.

ഇന്നോവ ഒരു ലാഡർ ഫ്രെയിം ചാസിയെ അടിസ്ഥാനമാക്കിയുള്ളതാണ്. അതിനർത്ഥം നമ്മുടെ റോഡുകളുടെ വലിയ കുഴികളും ഗട്ടറുകളും ഇതിനെ കൂടുതൽ ബാധിക്കുകയില്ല. ടൊയോട്ട ഇന്നോവ ക്രിസ്റ്റ വില ആരംഭിക്കുന്നത് 15.36 ലക്ഷം രൂപയിൽ നിന്നാണ്.

ടാറ്റ ആൾട്രോസ്

ഇന്ത്യയിലെ ഏറ്റവും വിശാലമായ നാലു മീറ്ററിൽ താഴെയുള്ള ഹാച്ച്ബാക്കായതിനാൽ ടാറ്റ ആൾട്രോസും ഈ പട്ടികയിൽ ഇടം നേടിയിട്ടുണ്ട്. മതിയായ ലെഗ് റൂമും ഉണ്ടെങ്കിൽ സീറ്റുകൾ സൗകര്യപ്രദമാണ്.

എന്നിരുന്നാലും, ആൾ‌ട്രോസിന്റെ പ്രധാന സവിശേഷത ഹാച്ച്ബാക്കിന്റെ ഡോറുകൾ 90 ഡിഗ്രിയിൽ തുറക്കുന്നു എന്നതാണ്. ഇത് വാഹനത്തിനുള്ളിലേക്കുള്ള പ്രവേശനവും തിരികെ ഇറങ്ങുന്നതും വളരെ എളുപ്പമാക്കുന്നു.

വാഹനം മികച്ച ഹാൻഡിലിംഗ് വാഗ്ദാനം ചെയ്യുന്നു, ബോഡി റോൾ വളരെ കുറവാണ്, മൂന്ന് അക്ക വേഗതയിലും ഹാച്ച്ബാക്ക് സ്ഥിരതയുള്ളതും മികച്ച യാത്രാ നിലവാരവും നൽകുന്നു. 5.29 ലക്ഷം രൂപയാണ് ടാറ്റ ആൾ‌ട്രോസിന്റെ പ്രാരംഭ എക്സ്-ഷോറൂം വില.