Just In
- 1 hr ago പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
- 3 hrs ago കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- 4 hrs ago എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
- 5 hrs ago ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം
Don't Miss
- Finance ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം
- News ഖത്തര് കടുത്ത തീരുമാനത്തിലേക്ക്; പശ്ചിമേഷ്യ കൂടുതല് വെട്ടിലാകും, ഹമാസ് ഓഫീസ് മാറ്റുമെന്ന് സൂചന
- Sports IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ്
- Movies ശോഭനയുടെ പെരുമാറ്റം; ബാലചന്ദ്രമേനോൻ ദേഷ്യപ്പെട്ട് ബിസ്കറ്റ് വലിച്ചെറിഞ്ഞു; അനുഭവങ്ങൾ പങ്കുവെച്ച് വിജി തമ്പി
- Lifestyle 1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി
- Travel വേനല് ചൂടോ.. ഇവിടെയോ? ഇത് സൈലന്റ് വാലിയാണ്.. വരൂ കാട്ടിൽ സഫാരി പോകാം
- Technology ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
ആരാകും കേമൻ? Pulsar N160, ടിവിഎസ് അപ്പാച്ചെ RTR 160 മോഡലുകൾ തമ്മിൽ ഒന്നു മാറ്റുരയ്ക്കാം
എൻട്രി ലെവൽ പെർഫോമൻസ് ഓറിയന്റഡ് ബൈക്കിംഗ് സെഗ്മെന്റിലെ ജനപ്രിയ മോഡലായിരുന്ന പൾസർ NS160 പുതിയ തലമുറ അവതാരത്തിന് വഴിമാറി കൊടുത്തിരിക്കുകയാണ്. മുൻഗാമിയിൽ നിന്നും തികച്ചും വ്യത്യസ്തമായ പരിഷ്ക്കാരങ്ങളോടെ ബജാജ് ഇന്ത്യയിൽ പുതിയ N160 ബൈക്കിനെ ഇന്ത്യയിൽ അവതരിപ്പിച്ചും കഴിഞ്ഞു.
നിരവധി മികച്ച ഇൻ-ക്ലാസ് സവിശേഷതകൾ, പുതിയ രൂപം, മെച്ചപ്പെടുത്തിയ എഞ്ചിൻ എന്നിവയെല്ലാം കൂടിചേരുന്നതാണ് പൾസർ N160. എൻട്രി ലെവൽ സ്പോർട്സ് മോട്ടോർസൈക്കിൾ സെഗ്മെന്റിൽ ടിവിഎസ് അപ്പാച്ചെ 160 4V മോഡലുമായാണ് ബജാജിന്റെ പ്രധാന മത്സരം. ഇവ രണ്ടും തമ്മിൽ ഒന്നു മാറ്റുരച്ചു നോക്കിയാലോ?
രണ്ട് ബൈക്കുകൾക്കും ഒരു സ്ട്രീറ്റ് ഫൈറ്ററിന്റെ സുഗമവും എയറോഡൈനാമിക് പ്രൊഫൈലും ഉണ്ടെങ്കിലും പൾസർ N160 കൂടുതൽ അത്ലറ്റിക് ശൈലിയിൽ എത്തുന്നത് ആളുകളെ ആകർഷിക്കാൻ സഹായിച്ചേക്കും. N160 മോഡലിന്റെ പ്രധാന സവിശേഷതകളിലൊന്ന് അതിന്റെ ഒതുക്കമുള്ള അണ്ടർബെല്ലി എക്സ്ഹോസ്റ്റാണ്. ഇത് ബൈക്കിന് മെലിഞ്ഞതും അലങ്കോലമില്ലാത്തതുമായ രൂപവുമാണ് സമ്മാനിച്ചിരിക്കുന്നത്.
പൾസർ N160 VS അപ്പാച്ചെ RTR 160 സ്റ്റൈലിംഗ്
താരതമ്യപ്പെടുത്തുമ്പോൾ ടിവിഎസ് അപ്പാച്ചെ RTR 2V, 4V എന്നിവ ഉയർന്ന എക്സ്ഹോസ്റ്റാണ് ഉപയോഗിക്കുന്നത്. പൾസർ N160 അണ്ടർബെല്ലി എക്സ്ഹോസ്റ്റ് ഇടുങ്ങിയ സ്ഥലങ്ങളിൽ എളുപ്പത്തിൽ സഞ്ചരിക്കാൻ അനുവദിക്കുമെന്നതാണ് പ്രത്യേകത. കളർ ഓപ്ഷനുകളുടെ കാര്യത്തിൽ അപ്പാച്ചെ RTR 160 ഉപയോക്താക്കൾക്ക് താരതമ്യേന കൂടുതൽ ഓപ്ഷനുകൾ ലഭിക്കും.
RTR 160 2V പതിപ്പിനെ മൊത്തം ആറ് കളർ ഓപ്ഷനുകളിൽ തെരഞ്ഞെടുക്കാൻ സാധിക്കുമ്പോൾ RTR 4V മോഡലിന് നാല് വ്യത്യസ്ത നിറങ്ങളിൽ അണിയിച്ചൊരുക്കിയാണ് കമ്പനി വിപണിയിൽ എത്തിച്ചിരിക്കുന്നത്.
പൾസർ N160 ഡ്യുവൽ-ചാനൽ എബിഎസ് വേരിയന്റ് ബ്രൂക്ലിൻ ബ്ലാക്ക് കളർ ഓപ്ഷനിൽ മാത്രമാണ് അവതരിപ്പിച്ചിരിക്കുന്നത്. ഭാവിയിൽ ഈ വേരിയന്റിന് കൂടുതൽ നിറങ്ങൾ ലഭിക്കാനും സാധ്യതയുണ്ട്. N160 സിംഗിൾ-ചാനൽ എബിഎസ് വേരിയന്റിന്റെ കാര്യത്തിൽ കരീബിയൻ ബ്ലൂ, റേസിംഗ് റെഡ്, ടെക്നോ ഗ്രേ എന്നിവയാണ് കളർ ഓപ്ഷനുകൾ.
എഞ്ചിൻ
164.82 സിസി, 2-വാൽവ്, സിംഗിൾ സിലിണ്ടർ, ഓയിൽ കൂൾഡ് എഞ്ചിനാണ് പുതിയ പൾസർ N160 മോഡലിന്റെ ഹൃദയം. ഇത് 8,750 rpm-ൽ പരമാവധി 16 bhp കരുത്തും 6,750 rpm-ൽ 14.65 Nm torque ഉം വരെ ഉത്പാദിപ്പിക്കാൻ ശേഷിയുള്ളതാണ്. ഇത് 5-സ്പീഡ് കോൺസ്റ്റന്റ് മെഷ് ഗിയർബോക്സുമായാണ് കമ്പനി ജോടിയാക്കിയിരിക്കുന്നത്.
മറുവശത്ത് അപ്പാച്ചെ RTR 160 2V പതിപ്പിലെ 159.7 സിസി, എയർ കൂൾഡ് എഞ്ചിൻ 15.53 bhp പവറിൽ 13.9 Nm torque വരെ നിർമിക്കാൻ കഴിവുള്ളതാണ്. ഇതും 5-സ്പീഡ് ഗിയർബോക്സുമായാണ് വരുന്നത്. RTR 160 4V വേരിയന്റിന് അതേ ശേഷിയുള്ള എഞ്ചിനാണ് ലഭിക്കുന്നതെങ്കിലും ഓയിൽ കൂളിംഗ് സജ്ജീകരണവുമായാണ് ഇതു വരുന്നത്.
വ്യത്യസ്ത റൈഡിംഗ് മോഡുകളുള്ള ഇതിന് സ്പോർട്ട് മോഡിൽ 17.55 bhp പവറിൽ 14.73 Nm torque വരെ ഉത്പാദിപ്പിക്കാൻ കഴിവുള്ളതാണ്. അതേസമയം അർബൻ, റെയിൻ മോഡിൽ അപ്പാച്ചെ RTR 160 4V വേരിയന്റ് 15.64 bhp, 14.14 Nm torque എന്നിവ സൃഷ്ടിക്കുന്ന ഒന്നാണ്.
രണ്ട് ബൈക്കുകളിലും റൈഡർ സീറ്റിന്റെ ഉയരം ഏതാണ്ട് തുല്യമാണ്. പൾസർ N160 മോഡലിന് 795 മില്ലീമീറ്ററും RTR 160 പതിപ്പിന് 790 മില്ലീമീറ്ററുമാണ് സീറ്റ് ഹൈറ്റ് വരുന്നത്. ഗ്രൗണ്ട് ക്ലിയറൻസിന്റെ കാര്യത്തിൽ N160 165 മില്ലീമീറ്റർ വാഗ്ദാനം ചെയ്യുമ്പോൾ അപ്പാച്ചെയ്ക്കുള്ളത് 180 മില്ലീമീറ്ററാണ്.
വിലയും മറ്റ് ഫീച്ചറുകളും
പൾസർ N160 സിംഗിൾ-ചാനൽ എബിഎസിന് 152 കിലോഗ്രാമും ഡ്യുവൽ-ചാനൽ എബിഎസ് വേരിയന്റിന് 154 കിലോഗ്രാമും ഭാരമുള്ളതാണ്. താരതമ്യപ്പെടുത്തുമ്പോൾ RTR 160 2V ബൈക്കിന്റെ ഭാരം 140 കിലോഗ്രാം വരെയും RTR 160 4V ഡിസ്ക്ക് പതിപ്പിന് 146 കിലോഗ്രാം ഭാരം വരെയുമാണുള്ളത്.
അപ്പാച്ചെ 160 2V ബ്ലൂടൂത്ത് ഇല്ലാതെ ഒരു അനലോഗ് ഡിജിറ്റൽ ഇൻസ്ട്രുമെന്റ് ക്ലസ്റ്ററാണ് അവതരിപ്പിക്കുന്നത്. അതേസമയം അപ്പാച്ചെ 160 4V പതിപ്പിന് ബ്ലൂടൂത്ത് കണക്റ്റിവിറ്റിയുള്ള പൂർണ ഡിജിറ്റൽ ഇൻസ്ട്രുമെന്റ് ക്ലസ്റ്റർ ലഭിക്കുന്നു. ബജാജ് പൾസർ N160 ബ്ലൂടൂത്ത് ഫീച്ചർ ഇല്ലാത്ത അനലോഗ് / ഡിജിറ്റൽ ഇൻസ്ട്രമെന്റ് ക്ലസ്റ്ററുമായാണ് വിപണയിൽ എത്തുന്നത്.
ബജാജ് പൾസർ N160 സിംഗിൾ-ചാനൽ എബിഎസ് വേരിയന്റിന് 1.23 ലക്ഷം രൂപയാണ് വില. അതേസമയം ഡ്യുവൽ-ചാനൽ എബിഎസ് പതിപ്പിന് 1.28 ലക്ഷം രൂപയാണ് ഇന്ത്യയിലെ എക്സ്ഷോറൂം വില.
അപ്പാച്ചെ RTR 160 2V വില ഡ്രം വേരിയന്റിന് 1.13 ലക്ഷം രൂപയും ഡ്യുവൽ ഡിസ്ക് വേരിയന്റിന് 1.16 ലക്ഷം രൂപയുമാണ്. RTR 160 4V യുടെ വില 1.21 ലക്ഷം രൂപയും (ഡ്രം) 1.23 ലക്ഷം രൂപയുമാണ് (ഡിസ്ക്). അപ്പാച്ചെ RTR 160 4V ന് 1.27 ലക്ഷം രൂപ വിലയുള്ള ഒരു പ്രത്യേക പതിപ്പും ഉണ്ട്.