ഇസ്ലാമിക് സ്റ്റേറ്റിനെ ആക്രമിക്കുന്ന ഫ്രഞ്ച് ആണവ വിമാനവാഹിനി

ഫ്രാൻസിന്റെ ആണവശേഷിയുള്ള ആദ്യ വിമാനവാഹിനിക്കപ്പലാണ് ചാൾസ് ഡി ഗോല്ലെ.

പടിഞ്ഞാറൻ യൂറോപ്പിൽ ഇപ്പോൾ പ്രവർത്തനത്തിലുള്ള യുദ്ധക്കപ്പലുകളിൽ ഏറ്റവും വലിപ്പമുള്ളതാണ് ചാൾസ് ഡി ഗോല്ലെ.

നിലവിൽ ആണവവിമാനവാഹിനികൾ നിർമിക്കുന്നതിൽ യുഎസ് ആണ് ഏറ്റവും വൈദഗ്ധ്യമുള്ള രാജ്യം. പൂർണമായും യുഎസ്സിനു പുറത്ത് നിർമിക്കപ്പെട്ട ആദ്യത്തെ ആണവവിമാനവാഹനിക്കപ്പൽ എന്ന ബഹുമതിയും ഈ കപ്പലിനാണുള്ളത്. മറ്റൊരു വസ്തുത, സമാനമായ ശ്രമം മറ്റൊരു രാജ്യവും ഇതുവരെ നടത്തിയിട്ടില്ല എന്നതാകുന്നു!

ഈ കപ്പലിൽ ഫ്രാൻസിന്റെ നാലുതരം യുദ്ധവിമാനങ്ങളും നിരവധി ഹെലികോപ്റ്ററുകളും ഹെലികോപ്റ്ററും സദാ സജ്ജമാക്കി നിറുത്തിയിരിക്കുന്നു. ആസ്റ്റർ മിസ്സൈലുകളും കപ്പലിൽ സജ്ജമാക്കിയിട്ടുണ്ട്.

2001ലാണ് ഈ കപ്പൽ കമീഷൻ ചെയ്യുന്നത്. 3 ബില്യൺ പൗണ്ട് ചെലവഴിച്ചു നിർമാണത്തിനായി.

കപ്പലിന്റെ നിർമാണകാലയളവിൽ ലോകരാഷ്ട്രങ്ങൾക്കിടയിൽ വലിയ തോതിലുള്ള ആകാംക്ഷയുണ്ടാക്കി ചാൾസ് ഡി ഗോല്ലെ‌. ബ്രിട്ടൻ ചാരന്മാരെ വരെ അയച്ചു.

ന്യൂക്ലിയർ റിയാക്ടറുകൾക്ക് എങ്ങനെയാണ് ചാൾസ് ഡി ഗോല്ലെ‌ എൻജിനീയർമാർ സംരക്ഷണവലയം തീർത്തതെന്ന് അറിയുകയായിരുന്നു ചാരന്മാരുടെ ലക്ഷ്യം. കപ്പലിന്റെ നിർമാണപുരോഗതി പരിശോധിക്കാനെത്തിയ എൻജിനീയർമാരെന്ന വ്യാജേനയാണ് ഇവർ വിവരങ്ങൾ ശേഖരിച്ചത്.

സിറിയയിലെയും ഇറാഖിലെയും ഐസിസ് കേന്ദ്രങ്ങൾക്കു നേരെയാണ് ചാൾസ് ഡി ഗോല്ലെ‌യിൽ നിന്ന് ആക്രമണം നടക്കുന്നത്. കപ്പലിൽ നിന്നുയർന്ന വിമാനങ്ങൾ ഇറാഖിലെ കേന്ദ്രങ്ങളെയാണ് ആദ്യം ലക്ഷ്യമാക്കിയത്.

കൂടുതൽ

സിവിലിയന്മാര്‍ക്ക് വാങ്ങാവുന്ന മിലിട്ടറി വണ്ടികള്‍

ഐസിസ് തീവ്രവാദികള്‍ എന്തുകൊണ്ട് ഹിലക്‌സ് ട്രക്കുപയോഗിക്കുന്നു?

മെഴ്സിഡിസ് ആഡംബര അപ്പാർട്ട്മെന്റിൽ താമസിക്കണോ?