സ്വർണം പൊതിഞ്ഞ ബെൻസ് കാർ ദുബൈ മോട്ടോർ ഷോയിൽ

റോക്കറ്റ് 900 ഡിസർട്ട് ഗോൾഡ് എഡിഷൻ എന്നാണ് ബ്രാബസ്സിന്റെ മെഴ്സിഡിസ് എസ്65 എഎംജി മോഡലിന്റെ ട്യൂൺ ചെയ്യപ്പെട്ട പതിപ്പിന് പേര്.

ഗൾഫ് രാജ്യങ്ങളിലും മറ്റ് മധ്യേഷ്യൻ രാജ്യങ്ങളിലും മാത്രമേ ഈ സ്വർണ മെഴ്സിഡിസ് കാർ വാങ്ങാൻ കിട്ടൂ. (ഇന്ത്യയിലോട്ട് വരികയാണെങ്കിൽ ഒരെണ്ണം നമുക്കും നോക്കാമായിരുന്നു അല്ലെ? :) )

ദുബൈ നിരത്തുകളിലെ അത്ഭുതക്കാഴ്ചകള്‍

വാഹനത്തിന്റെ പുറംഭാഗത്ത് ചിലയിടങ്ങളൊഴിച്ച് പൂർണമായും സ്വർണം പൂശിയിരിക്കുകയാണ്. അലോയ് വീലുകൾ, ഗ്രിൽ എന്നിവ കറുപ്പ് നിറത്തിൽ നിറുത്തിയിരിക്കുന്നു. ബ്രേക്ക് കാലിപ്പറുകൾക്കും സ്വർണം പൂശിയിട്ടുണ്ട്.

6.3 ലിറ്റർ ശേഷിയുള്ള വി12 എൻജിനാണ് വാഹനത്തിൽ ചേർത്തിട്ടുള്ളത്. ബ്രാബസ്സ് ഈ എൻജിനെ തങ്ങളുടെ വർക് ഷാപ്പിലിട്ട് ഒരുപണി പണിഞ്ഞിട്ടാണ് ഘടിപ്പിച്ചിരിക്കുന്നത്. 900 കുതിരശക്തിയും 1198 എൻഎം ടോർക്കും എൻജിൻ ഉൽപാദിപ്പിക്കുന്നു.

ടർബോചാർജറിലും ബ്രാബസ്സിന്റെ എൻജിനീയർമാർ മാറ്റം വരുത്തിയിട്ടുണ്ട്. എയർ ഇൻടേക്ക്, എക്സോസ്റ്റ് എന്നിവിടങ്ങളിലും മോഡിഫിക്കേഷൻ വരുത്തിയിട്ടുണ്ട്.

മോഡിഫിക്കേഷനു ശേഷം ബ്രാബസ് റോക്കറ്റിന് മണിക്കൂറിൽ 350 കിലോമീറ്റർ വേഗത പിടിക്കാൻ കഴിയുന്നുണ്ട്. മണിക്കൂറിൽ 100 കിലോമീറ്റർ പിടിക്കാൻ 3.7 സെക്കൻഡ് നേരം മാത്രമേയെടുക്കൂ.

ദുബൈ മോട്ടോർഷോ സന്ദർശിക്കുന്നവർക്ക് 1600 കിമി വേഗത അനുഭവിക്കാം

ഇന്റീരിയറിലും കനപ്പെട്ട പണികൾ നടന്നിട്ടുണ്ട്. സീറ്റുകളിൽ നിറയെ സ്വർണപ്പണികൾ കാണാവുന്നതാണ്. കറുപ്പ് തുകൽ സീറ്റുകളാണ് നൽകിയിട്ടുള്ളത്. ‌

കൂടുതൽ

ദുബൈ പൊലീസിന്‍റെ പട്രോളിംഗ് വണ്ടികള്‍

ദുബൈ ഓട്ടോമാറ്റഡ് മെട്രോയ്ക്ക് 6 വയസ്സ്

രണ്ടാമത്തെ അറേബ്യൻ കാർ ദുബൈ മോട്ടോർ ഷോയിൽ

ദുബൈ തയ്യൽക്കാരൻ ഫസലുദ്ദീന്റെ ഇൻഫിനിറ്റി കാറുകൾ