ദുബൈ തയ്യൽക്കാരൻ ഫസലുദ്ദീന്റെ ഇൻഫിനിറ്റി കാറുകൾ

രണ്ട് കാറുകൾ

ഇന്‍ഫിനിറ്റി നിര്‍മിച്ച ക്യുഎക്‌സ്60 ക്രോസ്സോവര്‍, ജി25 സെഡാന്‍ എന്നീ കാറുകളാണ് ഫസലുദ്ദീന് ലഭിച്ചിരിക്കുന്നത്. ജപ്പാന്‍ കമ്പനിയായ നിസ്സാനിന്റെ ഉപബ്രാന്‍ഡാണ് ഇന്‍ഫിനിറ്റി. ഇതൊരു പ്രീമിയം കാര്‍ ബ്രാന്‍ഡാണ്. ജര്‍മന്‍ കാര്‍നിര്‍മാതാക്കള്‍ അടക്കിവാഴുന്ന ആഡംബര കാര്‍വിപണിയില്‍ മൗലികമായ ഒരു സ്ഥാനം ഉറപ്പിക്കാന്‍ ഇന്‍ഫിനിറ്റിക്ക് ഇതിനകം തന്നെ സാധിച്ചിട്ടുണ്ട്. യൂറോപ്പിലും മധ്യേഷ്യയിലുമെല്ലാം സജീവമായ സാന്നിധ്യമാണ് ഈ ബ്രാന്‍ഡ്.

ഇന്‍ഫിനിറ്റി ജി25

2.5 ലിറ്റര്‍ വി6 എന്‍ജിന്‍ ഘടിപ്പിച്ച് ഇന്‍ഫിനിറ്റി ജി25 സെഡാന്‍ വരുന്നു. 218 കുതിരകളുടെ കരുത്താണ് ഈ എന്‍ജിനുള്ളത്. 7 സ്പീഡ് ഓട്ടോമാറ്റിക് ഗിയര്‍ബോക്‌സ് ഘടിപ്പിച്ചിരിക്കുന്നു ഈ എന്‍ജിനോടൊപ്പം. പിന്‍വീല്‍ ഡ്രൈവിലും ആള്‍വീല്‍ ഡ്രൈവിലും വാഹനം ലഭ്യമാണ്.

മൈലേജ്

സിറ്റിയില്‍ ലിറ്ററിന് 8.08 കിലോമീറ്ററും ഹൈവേകളില്‍ 11.48 കിലോമീറ്ററും മൈലേജ് പകരുന്നു ഈ വാഹനം.

2013 ഇന്‍ഫിനിറ്റി ക്യുഎക്‌സ്60

ഫസലുദ്ദീന് ലഭിച്ച വാഹനങ്ങളില്‍ രണ്ടാമത്തേത് ഒരു ആഡംബര ക്രോസ്സോവറാണ്. ഒരു ഫാമിലി കാര്‍ എന്നു വിളിക്കാവുന്ന ഈ വാഹനം 3.5 ലിറ്റര്‍ വി6 എന്‍ജിനുമായി വരുന്നു. 2.5 ലിറ്റർ എൻജിനിലും ഈ വാഹനം ലഭ്യമാണ്.

എന്‍ജിന്‍

248 കുതിരകളുടെ കരുത്താണ് ഈ എന്‍ജിനുള്ളത്. 336 എന്‍എം ചക്രവീര്യം പകരാനും ഈ എന്‍ജിന് സാധിക്കും. 2014ൽ ക്യുഎക്സ്60യുടെ ഒരു ഹൈബ്രിഡ് മോഡൽ അവതരിപ്പിച്ചിരുന്നു ഇൻഫിനിറ്റി. ഫസലുദ്ദീന് ലഭിച്ചത് ഈ മോഡലാണോ എന്ന കാര്യത്തിൽ വ്യക്തതയില്ല.

മൈലേജ്

സിറ്റികളില്‍ ലിറ്ററിന് 7.65 കിലോമീറ്റര്‍ മൈലേജ് നല്‍കും ഈ വാഹനം. ഹൈവേകളില്‍ ഇത് 9.78 കിലോമീറ്ററാണ്.