Just In
- 7 min ago വൈബ്രേഷനില്ലാതെ കംഫര്ട്ട് ഓഫ്റോഡിംഗ്! ഇന്ത്യ കാത്തിരുന്ന അഡ്വഞ്ചര് ബൈക്കിന്റെ വില പ്രഖ്യാപിച്ച് സുസുക്കി
- 39 min ago ഉഷ്ണം ഉച്ചിയിൽ അടിക്കേണ്ട! കൊടും ചൂടിൽ ഓട്ടോമാറ്റിക് എസിയുമായി വരുന്ന ബജറ്റ് എസ്യുവികൾ ഇവയൊക്കെ
- 2 hrs ago ഇത് ശരിക്കും ഇവി വിപ്ലവം! റേഞ്ച് ആശങ്കയ്ക്ക് ബൈബൈ; വെറും 15 മിനിറ്റ് ചാർജിൽ 510 കിലോമീറ്റർ ഓടും ഷവോമിയുടെ കാർ
- 15 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
Don't Miss
- Technology അന്യായമില്ല, ഇവിടെ ന്യായവില മാത്രം! പുതിയ രണ്ട് ബ്രോഡ്ബാൻഡ് പ്ലാനുകളുമായി BSNL
- News 'ഇത് ബഡായി ബംഗ്ലാവ് അല്ല, മുകേഷേട്ടൻ കുറച്ചുകൂടി ഉത്തരവാദിത്വം കാണിക്കണം'; കൃഷ്ണകുമാർ
- Finance ഹൃദയം തകർത്ത് സ്വർണം, പവന്റെ വില ആദ്യമായി 50,000 കടന്നു, ഒറ്റ രാത്രി കൂടിയത് 1,040 രൂപ
- Movies ജീവിതത്തിലെ കൊടുങ്കാറ്റുകളില് മാറി നില്ക്കുന്നതില് തെറ്റില്ല; ബ്രേക്കപ്പ് റിപ്പോര്ട്ടുകള്ക്കിടെ ആരതി
- Sports IPL 2024: വേണ്ടത് 3 സിക്സര്, ചരിത്ര നേട്ടത്തിലേക്ക് റസല്; കോലിയെ കാത്ത് വമ്പന് റെക്കോഡ്
- Lifestyle Good Friday 2024: പള്ളികളിലെ മണിയൊച്ച നിലക്കും, മെഴുകുതിരി കത്തില്ല, കറുത്ത വസ്ത്രമണിയുന്ന ആ ദിനം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
പുതിയ വേഷത്തില് റോയല് എന്ഫീല്ഡ് ക്ലാസിക്ക് 350
പഴഞ്ചനാണ്. ആധുനിക ടെക്നോളജിയില്ല. ഫീച്ചറുകള് കുറവ്. പരാതികള് ഒരുപാട് കേള്ക്കാം ബുള്ളറ്റുകളെ കുറിച്ച്. ഇക്കാര്യങ്ങളൊന്നും റോയല് എന്ഫീല്ഡ് ഇതുവരെ കാര്യമായെടുത്തിരുന്നില്ല. പക്ഷെ കളത്തില് ഉശിരന് എതിരാളികള് കടന്നുവന്നതോടെ മോഡലുകള് പുതുക്കാനുള്ള മടിയൊക്കെ കമ്പനി ഉപേക്ഷിച്ചു. പുതുതലമുറ ക്ലാസിക്കിന്റെ പണിപ്പുരയിലാണ് റോയൽ എൻഫീൽഡ്.
പരീക്ഷണയോട്ടത്തിന്റെ ഭാഗമായി പുതിയ ക്ലാസിക്കുമായി കമ്പനി നിരത്തില് ഇറങ്ങിക്കഴിഞ്ഞു. ടൂറര് ബൈക്കുകളോട് നീതി പുലര്ത്തുംവിധമാണ് 2020 ക്ലാസിക്ക് പതിപ്പിന്റെ ചമയം. ക്യാമറയില്പ്പെട്ട മോഡലിന്റെ ചിത്രങ്ങള് ഇക്കാര്യം വെളിപ്പെടുത്തുന്നു. ഔദ്യോഗിക ആക്സസറികള് മുഴുവന് ഘടിപ്പിച്ചാണ് ബൈക്കിനെ റോയല് എന്ഫീല്ഡ് പരീക്ഷിക്കുന്നത്.
മുന്നില് വലിയ വിന്ഡ്സ്ക്രീന് കാണാം. പിറകില് തണ്ടര്ബേര്ഡ് മാതൃകയിലുള്ള ബാക്ക്റെസ്റ്റ് ശ്രദ്ധ പിടിച്ചുപറ്റും. കൂടുതല് പതുപതുത്ത സീറ്റ് ഘടനയാണ് ബൈക്കിന്. റൈഡര് സീറ്റിനെ അപേക്ഷിച്ച് പില്യണ് സീറ്റിന് ഉയരം കൂടി. റൈഡിങ് സീറ്റിന് റോയല് എന്ഫീല്ഡിന്റെ പ്രശസ്തമായ സ്പ്രിങ് സെറ്റപ്പുണ്ടാവില്ല.
Most Read: ഈ ബൈക്കിന് ബുള്ളറ്റിനെക്കാൾ ശബ്ദം എങ്ങനെ? കവാസാക്കി നിഞ്ചയെ പൂട്ടി പൊലീസ്
പുതിയ ക്ലാസിക്ക് പതിപ്പില് ടെയില്ലാമ്പ് ശൈലിയും പാടെ മാറി. ഇപ്പോഴുള്ള മോഡലിന് സമാനമാണ് ബൈക്കിലെ മുന് പിന് ഡിസ്ക്ക് ബ്രേക്കുകള്. എന്നാല് പിന് ടയറില് ഡിസ്ക്ക് യൂണിറ്റിന് സ്ഥാനചലനം സംഭവിച്ചു. ഇക്കുറി ഇടതുവശത്താണ് ചെയിനും മറ്റു മെക്കാനിക്കല് ഘടകങ്ങളും.
ഇതേസമയം, എക്സ്ഹോസ്റ്റ് ഡിസൈനിലും സസ്പെന്ഷനിലും കാര്യമായ പരിഷ്കാരങ്ങളില്ല. ഇന്ധനടാങ്കിന് വലുപ്പം കൂടിയെന്നതും 2020 റോയല് എന്ഫീല്ഡ് ക്ലാസിക്കിന്റെ മുഖ്യവിശേഷമാണ്. കാലങ്ങളായി ആരാധകര് ആവശ്യപ്പെടുന്ന ഫ്യൂവല് ഇന്ഡിക്കേറ്റര് പുതുതലമുറ മോഡലില് ഒരുങ്ങുമെന്ന സൂചനകള് ശക്തം. ടാക്കോമീറ്ററുമുണ്ടാകും ഇത്തവണ ക്ലാസിക്ക് നിരയില്.
ഓടിക്കുന്നയാളുടെ കാലുകള്ക്ക് സംരക്ഷണമേകാനായി വലിയ ലെഗ് ഗാര്ഡ് യൂണിറ്റാണ് മോഡലില് ഘടിപ്പിച്ചിരിക്കുന്നത്. പുറംമോടിയില് ക്രോം ആവരണം ധാരാളമായി കാണാം. നിലവില് 19 bhp കരുത്തും 28 Nm torque -മാണ് ബൈക്കിലെ 346 സിസി ഒറ്റ സിലിണ്ടര് എഞ്ചിന് സൃഷ്ടിക്കുന്നത്.
Most Read: ജാവയ്ക്ക് ബുള്ളറ്റിന്റെ മുഴക്കമില്ലെന്ന് പരാതി, എളുപ്പ വഴി കണ്ടെത്തി ഉടമ — വീഡിയോ
വൈകാതെ പുതിയ മലിനീകരണ മാനദണ്ഡങ്ങള് കര്ശനമാവുന്ന സാഹചര്യം മുന്നിര്ത്തി ഭാരത് സ്റ്റേജ് VI നിലവാരത്തിലേക്ക് എഞ്ചിന് യൂണിറ്റിനെ കമ്പനി പുനരാവിഷ്കരിക്കും. ഇതിന്റെ ഭാഗമായി ഫ്യൂവല് ഇഞ്ചക്ഷന് സംവിധാനം എഞ്ചിനില് പ്രതീക്ഷിക്കാം. പുതിയ മോഡലില് കരുത്തുത്പാദനം കൂടുമെന്നാണ് വിവരം.
നിലവില് 1.53 ലക്ഷം രൂപയ്ക്കാണ് ക്ലാസിക്ക് 350 വില്പ്പനയ്ക്ക് വരുന്നത്. ഇരട്ട ചാനല് എബിഎസിന്റെ പിന്തുണ ബൈക്കിനുണ്ട്. എന്നാല് മാറ്റങ്ങളുടെ പശ്ചാത്തലത്തില് പുതുതലമുറ ക്ലാസിക്ക് 350 -യ്ക്ക് 15,000 രൂപ വില ഉയരാം. ഇതേസമയം, ഇപ്പോഴുള്ള ക്ലാസിക്ക് 500 മോഡലുകള് ഫ്യൂവല് ഇഞ്ചക്ഷന് സംവിധാനം പിന്തുടരുന്നതിനാല് പുതുതലമുറ പതിപ്പിന് വലിയ വിലവര്ധനവുണ്ടാകില്ല. ക്ലാസിക്കിനെ കൂടാതെ പുതുതലമുറ തണ്ടര്ബേര്ഡിനെ പുറത്തിറക്കാനുള്ള നടപടികളും റോയല് എന്ഫീല്ഡ് തുടങ്ങിയിട്ടുണ്ട്.
Source: Motoroids