Click it and Unblock the Notifications
എബിഎസ് കിട്ടി, ബുള്ളറ്റുകള്ക്ക് വില കൂടി — പുതുക്കിയ വില ഇങ്ങനെ
ബുള്ളറ്റ് 350, 350 ES മോഡലുകളിലും എബിഎസ് ഉള്പ്പെടുത്തിയതോടെ റോയല് എന്ഫീല്ഡ് നിരയിലെ എല്ലാ ബൈക്കുകളും എബിഎസ് നിലവാരത്തിലേക്ക് എത്തിയിരിക്കുകയാണ്. ബുള്ളറ്റ് 350, 350 ES മോഡലുകള് മാത്രമാണ് റോയല് എന്ഫീല്ഡ് നിരയില് ഒറ്റ ചാനല് എബിഎസ് സുരക്ഷയുള്ളത്. ബാക്കിയുള്ള എല്ലാ മോഡലുകളിലും ഇരട്ട ചാനല് എബിഎസ് സംവിധാനമാണുള്ളത്.
പുതിയ സുരക്ഷ ചട്ടങ്ങള് പ്രകാരം 125 സിസിയില് താഴെയുള്ള എല്ലാ ഇരുചക്ര വാഹനങ്ങളിലും സിബിഎസും 125 സിസിയില് മുകളിലുള്ള ഇരുചക്ര വാഹനങ്ങളില് എബിഎസും നിര്ബന്ധമാണ്. ഇത് ഇരട്ട ചാനല് എബിഎസോ ഒറ്റ ചാനല് എബിഎസോ ആവാം.
എബിഎസ് നിലവാരത്തോടെ പരിഷ്കരിച്ചതോടെ റോയല് എന്ഫീല്ഡ് നിരയിലെ എല്ലാ ബൈക്കുകളുടെയും വിലയില് വര്ധവുണ്ടായിരിക്കുകയാണ്. റോയല് എന്ഫീല്ഡ് ബൈക്കുകളുടെ പുതുക്കിയ നിരക്ക് താഴെ നല്കുന്നു.
| Bike | Price With Effect From April |
| Royal Enfield Bullet 350 | Rs 1.21 Lakh |
| Royal Enfield Bullet 350 ES | Rs 1.35 Lakh |
| Royal EnfieldClassic 350 | Rs 1.53 Lakh |
| Royal EnfieldClassic 350 CS | Rs 1.63 Lakh |
| Royal EnfieldThunderbird 350 | Rs 1.56 Lakh |
| Royal EnfieldBullet Trails 350 | Rs 1.62 Lakh |
| Royal EnfieldThunderbird X 350 | Rs 1.63 Lakh |
| Royal EnfieldHimalayan | Rs 1.82 Lakh |
| Royal EnfieldBullet 500 | Rs 1.88 Lakh |
| Royal EnfieldClassic 500 | Rs 2.01 Lakh |
| Royal EnfieldThunderbird X 500 | Rs 2.06 Lakh |
| Royal EnfieldBullet Trails 500 | Rs 2.07 Lakh |
ഇരട്ട ചാനല് എബിഎസോട് കൂടി പരിഷ്കരിച്ച എന്ഫീല്ഡ് ബൈക്കുകളുടെ വിലയില് 12,000 - 14,000 രൂപ വരെയും ഒറ്റ ചാനല് എബിഎസുള്ള ബുള്ളറ്റ് 350, 350 ES മോഡലുകള്ക്ക് 4,500, 1,500 രൂപ എന്നിങ്ങനെയുമാണ് വില വര്ധിച്ചിരിക്കുന്നത്.
Most Read:വൈദ്യുത വാഹന വിപണി പിടിക്കാന് എംജി eZS
പുതുക്കിയ കണക്കനുസരിച്ച് ബുള്ളറ്റ് 350 -യ്ക്ക് 1.21 ലക്ഷം രൂപയാണ് വില. ബുള്ളറ്റ് 350 ES -ന് 1.35 ലക്ഷം രൂപയും. ഇന്ത്യയില് വില്പ്പനയ്ക്കുള്ള റോയല് എന്ഫീല്ഡ് ബൈക്കുകളില് ഏറ്റവും വില കുറഞ്ഞവയാണ് ഇവ.
റോയല് എന്ഫീല്ഡ് ക്ലാസിക്ക് 350 -യ്ക്ക് 1.53 - 1.63 ലക്ഷം രൂപയും തണ്ടര്ബേര്ഡ് 350 -യ്ക്ക് 1.56 ലക്ഷം രൂപയും തണ്ടര്ബേര്ഡ് 350X -ന് 1.63 ലക്ഷം രൂപയും തണ്ടര്ബേര്ഡ് 500X-ന് 2.06 ലക്ഷം രൂപയുമാണ് വില.
അടുത്തിടെ വിപണിയിലെത്തിയ ബുള്ളറ്റ് ട്രയല്സ് 350 ബൈക്കിന് 1.62 ലക്ഷം രൂപ വിലയാണ് വില. ഹിമാലയന് മോഡലിന് 1.82 ലക്ഷം രൂപ വില വരുമ്പോള്, ബുള്ളറ്റ് 500, ക്ലാസിക്ക് 500, ട്രയല്സ് 500 എന്നിവയ്ക്ക് 2.01 - 2.11 ലക്ഷവും 2.07 ലക്ഷം രൂപയുമാണ് പട്ടികയില് കാണിച്ചിരിക്കുന്നത്.
ദില്ലി എക്സ്ഷോറൂം പ്രകാരമാണ് എല്ലാ വിലകളും. വിപണിയിലെത്തുമ്പോള് തന്നെ ഇരട്ട ചാനല് എബിഎസ് സംവിധാനമുള്ളത് കൊണ്ട് തന്നെ റോയല് എന്ഫീല്ഡ് ഇന്റര്സെപ്റ്റര് 650, കോണ്ടിനെന്റല് ജിടി 650 എന്നിവയെ പട്ടികയില് ഉള്പ്പെടുത്തിയിട്ടില്ല.
Most Read:35,760 രൂപ പിഴ കുടിശ്ശികയുമായൊരു മഹീന്ദ്ര XUV500, പിടികൂടിയത് വാഹന പരിശോധനയ്ക്കിടെ
ഇവയുടെ വിലയിലും മാറ്റങ്ങള് വരുത്തിയിട്ടില്ല കമ്പനി. ബൈക്കുകളില് എബിഎസ് സുരക്ഷ ഉള്പ്പെടുത്തുന്നത് റോഡപകട നിരക്ക് കുറയ്ക്കുന്നതിന് സഹായകമാവും.
Continue with Google