Just In
- 10 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 12 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 12 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 13 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- Sports T20 World Cup 2024: റിഷഭല്ല, ടീമില് വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര്
- Movies അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ
- News കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില്
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
രണ്ട് പുതിയ സവിശേഷതകളുമായി ബിഎസ്-VI ഹിമാലയൻ എത്തും
റെട്രോ ക്ലാസിക്ക് മോട്ടോർ സൈക്കിൾ നിർമ്മാതാക്കളായ റോയൽ എൻഫീൽഡ് അവരുടെ അഡ്വഞ്ചർ ടൂറർ മോഡലായ ഹിമാലയന്റെ ബിഎസ്-VI പതിപ്പിനെ വരും മാസങ്ങളിൽ വിപണിയിലെത്തിക്കും.
പുതിയ രണ്ട് സവിശേഷതകൾ ഉൾപ്പെടുത്തിയാകും ബിഎസ്-VI ഹിമാലയൻ എത്തുകയെന്നാണ് സൂചന. റോയൽ എൻഫീൽഡ് ഇതിനകം തന്നെ തങ്ങളുടെ അഡ്വഞ്ചർ ടൂററിന് മൂന്ന് പുതിയ കളർ ഓപ്ഷനുകൾ പ്രദർശിപ്പിച്ചിരുന്നു. ഇതിനു പുറമെ 2020 ഹിമാലയൻ മോഡലിന് പുതിയ സ്വിച്ച് ചെയ്യാവുന്ന എബിഎസും ഹസാർഡ് ലൈറ്റും ഉൾപ്പെടുത്തുമെന്നതാണ് ശ്രദ്ധേയം.
സ്വിച്ച് ചെയ്യാവുന്ന എബിഎസ് ഓപ്ഷൻ ബൈക്കിന് ലഭിക്കുമ്പോൾ ഓഫ് റോഡിംഗ് യാത്രയ്ക്ക് ഇത് പ്രയോജനം ചെയ്യും. അതായത് ഓഫ് റോഡിംഗ് സമയത്ത് മോട്ടോർസൈക്കിളിന് കൂടുതൽ നിയന്ത്രണം നൽകും. ഉപഭോക്താക്കളുടെ നിരന്തരമായ അഭ്യർത്ഥനയെ മാനിച്ചാണ് കമ്പനി ഈയൊരു ഓപ്ഷൻ ഉൾക്കൊള്ളിക്കാൻ തീരുമാനിച്ചിരിക്കുന്നത്.
ദൃശ്യപരത കുറവുള്ള ചില സാഹചര്യങ്ങളിൽ ഹസാർഡ് ലൈറ്റ് വാഹനത്തെ ദൃശ്യമാക്കും. ഇതിനകം മുകളിൽ സൂചിപ്പിച്ചതുപോലെ, നവീകരിച്ചെത്തുന്ന ബിഎസ്-VI ഹിമാലയന് റോക്ക് റെഡ്, ലേക്ക് ബ്ലൂ, ഗ്രേവൽ ഗ്രേ എന്നീ പുതിയ മൂന്ന് കളർ ഓപ്ഷനും ലഭിക്കും.
ഇതിനൊപ്പം കൂടുതൽ ഉപഭോക്താക്കളെ ആകർഷിക്കാനായി പരിഷ്ക്കരിച്ച ബിഎസ്-VI മോഡലിനൊപ്പം ചില പുതിയ ആക്സസറി ഓപ്ഷനുകളും റോയൽ എൻഫീൽഡ് അവതരിപ്പിക്കും. 2019 EICMA മോട്ടോർസൈക്കിൾ ഷോയിൽ പ്രദർശിപ്പിച്ച ഹിമാലയനിൽ ഒരു പുതിയ ബ്ലാക്ക് ഹാർഡ് പന്നിയറും പുതിയ കരുത്തുറ്റ ഹാൻഡ്ഗാർഡും ഉൾക്കൊള്ളുന്നു. അത് ഉടൻ തന്നെ രാജ്യത്ത് അവതരിപ്പിക്കും.
ഈ പുതിയ ചെറിയ കോസ്മെറ്റിക്ക്, മെക്കാനിക്കൽ പരിഷ്ക്കരണങ്ങൾ ഒഴിച്ചു നിർത്തിയാൽ ബാക്കിയുള്ള ഘടകങ്ങളെല്ലാം ഹിമാലയനിൽ മാറ്റമില്ലാതെ തുടരും. അതേ 411, സിംഗിൾ സിലിണ്ടർ, എയർ ഓയിൽ കൂൾഡ് എഞ്ചിനാണ് ബിഎസ്-VI മോഡലിലും പ്രവർത്തിക്കുക. നിലവിലെ ബിഎസ്-IV യൂണിറ്റ് ഏകദേശം 24.5 bhp കരുത്തും 32 Nm torque ഉം ആണ് ഉത്പാദിപ്പിക്കുന്നത്.
Most Read: ഇലക്ട്രിക്കിലേക്ക് ചുവടുവെയ്ക്കാനൊരുങ്ങി റോയൽ എൻഫീൽഡ്
അഞ്ച് സ്പീഡ് ഗിയർബോക്സിനൊപ്പമാണ് എഞ്ചിൻ ജോടിയാക്കിയിരിക്കുന്നത്. ഹാഫ്-ഡ്യുപ്ലെക്സ് ക്രാഡിൽ ഫ്രെയിമിലാണ് റോയൽ എൻഫീൽഡ് ഹിയാമലയൻ അഡ്വഞ്ചർ ടൂററിന്റെ നിർമ്മാണം പൂർത്തിയാക്കിയിരിക്കുന്നത്. മുന്നിൽ ലോംഗ്-ട്രാവൽ ടെലിസ്കോപ്പിക്ക് ഫോർക്കുകളും പിന്നിൽ മോണോഷോക്ക് സസ്പെൻഷനുമാണ് വാഹത്തിൽ ഉൾപ്പെടുത്തിയിരിക്കുന്നത്.
Most Read: റോയൽ എൻഫീൽഡ് ബോബർ 838; അറിഞ്ഞിരിക്കേണ്ട പ്രധാന കാര്യങ്ങൾ
മുൻവശത്ത് രണ്ട് പിസ്റ്റൺ കാലിപ്പർ ഉള്ള 300 mm ഡിസ്ക് ബ്രേക്കും പിൻവശത്ത് സിംഗിൾ പിസ്റ്റൺ കാലിപ്പർ ഉള്ള 240 mm ഡിസ്ക് ബ്രേക്കുമാണ് ഹിമാലയനിൽ സജ്ജീകരിച്ചിരിക്കുന്നത്. റൈഡറിന്റെ സുരക്ഷയ്ക്ക് സ്റ്റാൻഡേർഡായി ഇരട്ട-ചാനൽ എബിഎസും വാഗ്ദാനം ചെയ്യുന്നു.
Most Read: 500 സിസി മോഡലുകളെ പിൻവലിക്കാനൊരുങ്ങി റോയൽ എൻഫീൽഡ്
നിലവിലുള്ള മോട്ടോർസൈക്കിളിനേക്കാൾ 10,000 രൂപ മുതൽ 15,000 രൂപ വരെ ഹിമാലയൻ ബിഎസ്-VI ന് വില വർധിക്കും. 2020 ജനുവരി ആദ്യം അല്ലെങ്കിൽ 2019 ഡിസംബർ അവസാനത്തോടെ വാഹനത്തെ വിപണിയിൽ എത്തിക്കുമെന്നാണ് പ്രതീക്ഷിക്കുന്നത്.