ലോക്ക്ഡൗണില്‍ ഇളവുകള്‍; പ്രവര്‍ത്തനം പുനരാരംഭിച്ച് ബൗണ്‍സ്

ബംഗളൂരുവിലും, ഹൈദരാബാദിലുമാണ് കമ്പനി പ്രവര്‍ത്തനങ്ങള്‍ പുനരാരംഭിച്ചിരിക്കുന്നത്. വാഹനങ്ങളെല്ലാം അണുവിമുക്തമാക്കിയതിന് ശേഷമാണ് ഇവിടങ്ങളിലെ പ്രവര്‍ത്തനം.

ജേം ഷീല്‍ഡ് ഉപയോഗിച്ച് ബൗണ്‍സ് ജീവനക്കാര്‍ തന്നെയാണ് സ്‌കൂട്ടറുകള്‍ വൃത്തിയാക്കുന്നത്. അടുത്ത രണ്ട്-മൂന്ന് മാസത്തേക്ക് ഇതേ രീതിയില്‍ മുന്നോട്ട് പോകുമെന്നും റിപ്പോര്‍ട്ടില്‍ പറയുന്നു.

MOST READ: ചരിത്രത്തിലാദ്യം; ടാറ്റാ കമ്പനികളിലെ ഉന്നത സ്ഥാനീയരുടെ ശമ്പളം വെട്ടികുറയ്ക്കും

വൈറസ്, ബാക്ടീരിയ എന്നിവയില്‍ നിന്ന് വാഹനത്തിന്റെ സമഗ്ര പരിരക്ഷയെ ഇത് സഹായിക്കുമെന്ന് ബൗണ്‍സ് അവകാശപ്പെടുന്നു. സാനിറ്റൈസേഷന്‍ പ്രക്രിയിലൂടെ കടന്ന് പോകുന്ന സ്‌കൂട്ടറുകളില്‍ ഒരു സര്‍ട്ടിഫിക്കറ്റും ഒട്ടിക്കുമെന്നും കമ്പനി അറിയിച്ചു.

സാനിറ്റൈസേഷന്‍ പ്രകീയയില്‍ ഏര്‍പ്പെടുന്ന ജീവനക്കാര്‍ മാസ്‌കുകള്‍, കയ്യുറകള്‍ എന്നിവ ധരിക്കും. ജീവനക്കാര്‍ ആരോഗ്യ സേതു ആപ്പ് മൊബൈല്‍ ഫോണുകളില്‍ ഡൗണ്‍ലോഡ് ചെയ്യണമെന്നും കമ്പനി നിര്‍ദ്ദേശം നല്‍കിയിട്ടുണ്ട്.

MOST READ: പെട്രോൾ, ഡീസൽ എഞ്ചിനുകളിൽ മഹീന്ദ്ര ഥാർ വിപണിയിലേക്ക്; അവതരണം ഓഗസ്റ്റിൽ

സാമൂഹ്യ അകലം ഉള്‍പ്പടെയുള്ള കാര്യങ്ങള്‍ പാലിച്ചാകും ഇനി മുന്നോട്ടുള്ള പ്രവര്‍ത്തനങ്ങള്‍ എന്നും ബൗണ്‍സ് അറിയിച്ചു. ഇതോടൊപ്പം തന്നെ പുതിയ പ്ലാനുകളും കമ്പിനി അവതരിപ്പിച്ചിട്ടുണ്ട്.

ഒരാള്‍ക്ക് ദൈനംദിന, ദീര്‍ഘകാല അല്ലെങ്കില്‍ വാര്‍ഷിക സബ്സ്‌ക്രിപ്ഷന്‍ പ്ലാനുകള്‍ തെരഞ്ഞെടുക്കാം. ദീര്‍ഘകാലത്തേക്ക് സാധാരണയായി രണ്ട് മാസമാണ് നല്‍കുക. ഒരു ബൗണ്‍സ് ഷെയര്‍ സ്‌കൂട്ടര്‍ തെരഞ്ഞെടുക്കുകയാണെങ്കില്‍, ഫുള്‍ ടാങ്ക് പെട്രോളും രണ്ട് ഹെല്‍മെറ്റുകളും ലഭിക്കും.

MOST READ: ലോക്ക്ഡൗണ്‍; വാഹന രേഖകളുടെ കാലാവധി ജൂലൈ 31 വരെ നീട്ടി കേന്ദ്രസര്‍ക്കാര്‍

ഹെല്‍മെറ്റുകള്‍ മറ്റ് പല യാത്രക്കാരും ഉപയോഗിക്കുന്നതിനാല്‍, നിങ്ങളുടെ സ്വന്തം ഹെല്‍മെറ്റുകള്‍ ഉപയോഗിക്കുന്നതാകും നല്ലതെന്ന് ബൗണ്‍സ് വ്യക്തമാക്കി. യാത്ര ആരംഭിക്കുന്ന സ്ഥലങ്ങളില്‍ നിന്ന്, നിങ്ങളുടെ സൗകര്യത്തിനനുസരിച്ച് യാത്ര അവസാനിപ്പിക്കുന്നതിനുള്ള ഓപ്ഷനുമുണ്ട്.

ബൗണ്‍സ് ജീവനക്കാര്‍ ആദ്യം സ്‌കൂട്ടര്‍ വൃത്തിയാക്കുകയും പിന്നീട് പരിശോധനയ്ക്കായി കൊണ്ടുപോകുകയും ചെയ്യും. അതോടൊപ്പം തന്നെ പെട്രോള്‍ സ്‌കൂട്ടറുകള്‍ക്ക് ഒപ്പം തന്നെ ഇലക്ട്രിക്ക് സ്‌കൂട്ടറും ബൗണ്‍സില്‍ നിന്ന് ലഭ്യമാകും.