Click it and Unblock the Notifications
വൻ ഡിമാന്റ്; മീറ്റിയോർ സ്വന്തമാക്കാൻ അഞ്ച് മാസത്തോളം കാത്തിരിക്കണം
റോയൽ എൻഫീൽഡ് കഴിഞ്ഞ വർഷമാണ് മീറ്റിയോർ 350 റെട്രോ ക്രൂയിസർ മോട്ടോർസൈക്കിൾ പുറത്തിറക്കിയത്. ബൈക്കിന്റെ എക്സ്-ഷോറൂം വില ഇപ്പോൾ 2.03 ലക്ഷം രൂപയാണ്.
മീറ്റിയോർ 350, അരങ്ങേറ്റം മുതൽ വളരെയധികം ജനപ്രീതി നേടി, കമ്പനിയുടെ 350 സിസി ശ്രേണിയിൽ ഏറ്റവും കൂടുതൽ വിറ്റഴിക്കപ്പെടുന്ന മോട്ടോർസൈക്കിളായി മാറുകയും ചെയ്തു.
ഡൽഹി NCR, പൂനെ, മുംബൈ എന്നിവിടങ്ങളിൽ സ്ഥിതിചെയ്യുന്ന ചില ഡീലർ സ്രോതസ്സുകൾ പ്രകാരം മീറ്റിയോർ 350 -യുടെ കാത്തിരിപ്പ് കാലയളവ് അഞ്ച് മാസമായി ഉയർന്നിരിക്കുകയാണ്.
MOST READ: ആഗോളതലത്തിൽ പുതിയ എൻട്രി ലെവൽ മോഡലുകൾ അവതരിപ്പിക്കാനൊരുങ്ങി മെർസിഡീസ് ബെൻസ്
വിപണിയിൽ മീറ്റിയോർ 350 അതിന്റെ എതിരാളിയായ ഹോണ്ട ഹൈനെസ് CB 350 -യുടെ അതേ വില ശ്രേണിയിൽ വരുന്നു.
ട്രിപ്പർ ടേൺ-ബൈ-ടേൺ നാവിഗേഷൻ സംവിധാനം സ്വീകരിക്കുന്ന, ചെന്നൈ ആസ്ഥാനമായുള്ള ബൈക്ക് നിർമ്മാതാക്കളിൽ നിന്നുള്ള ആദ്യ മോട്ടോർ സൈക്കിൾ കൂടിയാണിത്.
ഹിമാലയൻ, പുതുതലമുറ ക്ലാസിക് 350, അപ്ഡേറ്റുചെയ്ത 650 ഇരട്ടകൾ തുടങ്ങി 2021 -ൽ റോയൽ എൻഫീൽഡിന്റെ വരാനിരിക്കുന്ന ബൈക്കുകളിലേക്കും പുതിയ സാങ്കേതികവിദ്യ കമ്പനി അവതരിപ്പിക്കും.
ഫയർബോൾ, സ്റ്റെല്ലർ, സൂപ്പർനോവ എന്നീ മൂന്ന് ട്രിമ്മുകളിൽ മീറ്റിയോർ 350 ലഭ്യമാണ്. ഫയർബോളിന് 2.03 ലക്ഷം രൂപയും സ്റ്റെല്ലറിന് 2.09 ലക്ഷം രൂപയും ടോപ്പ്-സ്പെക്ക് മീറ്റിയോർ 350 സൂപ്പർനോവയ്ക്ക് 2.20 ലക്ഷം രൂപയുമാണ് എക്സ്-ഷോറൂം വില.
6,100 rpm -ൽ 20.2 bhp കരുത്തും 4,000 rpm -ൽ 27 Nm torque ഉം പുറപ്പെടുവിക്കുന്ന പുതിയ 350 സിസി സിംഗിൾ സിലിണ്ടർ എഞ്ചിനാണ് മീറ്റിയോറിന്റെ ഹൃദയഭാഗത്ത്. എഞ്ചിൻ അഞ്ച് സ്പീഡ് ഗിയർബോക്സുമായി ഇണചേരുന്നു.
ഇന്ത്യയെ കൂടാതെ, തായ്ലൻഡ്, യൂറോപ്പ് എന്നിവയുൾപ്പെടെയുള്ള വിപണികളിലേക്ക് മീറ്റിയോർ 350 കമ്പനി കയറ്റി അയയ്ക്കുന്നു.
അടുത്തിടെ, ചെന്നൈ ആസ്ഥാനമായുള്ള ബൈക്ക് നിർമാതാക്കൾ ഹെൽമെറ്റുകൾക്കും വസ്ത്രങ്ങൾക്കുമായി 'മെയ്ക്ക് ഇറ്റ് യുവർസ്' കസ്റ്റമൈസേഷൻ പ്രോഗ്രാമും ആരംഭിച്ചു.
Continue with Google