സ്ട്രീറ്റ് സ്‌ക്രാംബ്ലറിന്റെ പുതിയ വേരിയന്റായ സാൻഡ്‌സ്റ്റോം പതിപ്പ് വിപണിയിലേക്ക്

യൂറോപ്പിൽ ഫയൽ ചെയ്ത ടൈപ്പ്-അംഗീകാര വിശദാംശങ്ങളും യുഎസിലെ പരിസ്ഥിതി സംരക്ഷണ ഏജൻസിയും അനുസരിച്ച്, സ്ട്രീറ്റ് സ്ക്രാംബ്ലർ സാൻഡ്സ്റ്റോം ഈ വർഷം അവസാനം യുഎസ് വിപണിയിൽ 2022 മോഡലായി പുറത്തുവരും.

എന്നാൽ യൂറോപ്യൻ വിപണിയിൽ ഇതിനെ "സ്ട്രീറ്റ് സ്ക്രാംബ്ലർ സാൻഡ്" എന്ന് നാമകരണം ചെയ്യും. സ്ട്രീം ട്വിൻ ഗോൾഡ് ലൈൻ എന്നറിയപ്പെടുന്ന ട്രയംഫ് സ്ട്രീറ്റ് ട്വിന്റെ പുതിയ പതിപ്പിനെക്കുറിച്ചും ഇപി‌എ രേഖകൾ സൂചിപ്പിക്കുന്നു.

MOST READ: ഹൊസൂരിലെ പുതിയ നിർമ്മാണശാലയിൽ ഉത്പാദനം ആരംഭിച്ച് ഏഥർ എനർജി

ട്രയംഫ് സ്ട്രീറ്റ് ട്വിൻ, സ്ട്രീറ്റ് സ്ക്രാംബ്ലർ ശ്രേണി യൂറോ 5 അനുരൂപമാക്കുന്നതിന് എഞ്ചിൻ ചെറിയ മാറ്റങ്ങൾക്ക് വിധേയമാക്കും. പീക്ക് പവർ ഇപ്പോഴും 64.1 bhp എന്ന നിലയിൽ തുടരുമെങ്കിലും നിലവിലെ മോഡലിൽ ഉള്ളതുപോലെ 7,500 rpm-ന് പകരം ഇത് 7,250 rpm ആക്കി പരിഷ്ക്കരിക്കും.

അതേസമയം പരമാവധി ടോർഖ് 3,250 rpm-ൽ 80 Nm ആണ്. യൂറോപ്പിൽ ഫയൽ ചെയ്ത ടൈപ്പ് അംഗീകാര രേഖകൾ സ്ട്രീറ്റ് സ്ക്രാംബ്ലർ സാൻഡ്സ്റ്റോമിന് 228 കിലോഗ്രാം ഭാരം ഉണ്ടെന്ന് കാണിക്കുന്നു.

MOST READ: ലോക പ്രീമിയറിന് മുന്നോടിയായി ഔദ്യോഗിക വീഡിയോ പുറത്ത്; സസ്പെൻസ് പൊളിഞ്ഞ് 2021 സുസുക്കി ഹയാബൂസ

പരിഷ്ക്കരിച്ച സ്ട്രീറ്റ് സ്ക്രാംബ്ലറിനും മുമ്പത്തെ മോഡലിനും ഇതേ ഭാരമായിരിക്കും ഉണ്ടാവുക. സാൻഡ്‌സ്റ്റോം എന്തായിരിക്കുമെന്ന് വ്യക്തമല്ല. സാൻ‌ഡ്‌സ്റ്റോം ഉയർന്ന മൗണ്ട് ചെയ്ത ഫ്രണ്ട് ഫെൻഡറിനെ അവതരിപ്പിക്കുമെന്നാണ് പ്രതീക്ഷിക്കുന്നത്.

കൂടാതെ ഒരു വലിയ ഫ്രണ്ട് വീലും കുറച്ച് വലിയ സസ്പെൻഷൻ ട്രാവലും മോട്ടോർസൈക്കിളിൽ ഒരുക്കും. അടുത്തിടെയാണ് തങ്ങളുടെ പുതിയ സ്പീഡ് ട്രിപ്പിള്‍ 1200 RS മോഡലിനെ കമ്പനി ഇന്ത്യന്‍ വിപണിയില്‍ അവതരിപ്പിച്ചത്.

MOST READ: ഉടമസ്ഥാവകാശം എളുപ്പമാക്കാൻ സിട്രൺ; C5 എയര്‍ക്രോസിൽ ഒരുക്കുന്നത് നിരവധി വാറണ്ടി പാക്കേജുകൾ

ഈ വർഷത്തിൽ നിരവധി പുതിയ മോഡലുകളെ ഇന്ത്യയിൽ പരിചയപ്പെടുത്താനാണ് പദ്ധതി. ആഗോള വിപണിയില്‍ പുതിയ മിഡ് സെഗ്മെന്റ് മോട്ടോര്‍സൈക്കിളുകള്‍ വികസിപ്പിക്കുകയെന്ന ലക്ഷ്യത്തോടെ ബജാജിനൊപ്പം ട്രയംഫ് പങ്കാളിത്തം പ്രഖ്യാപിച്ചിരുന്നു.

ഈ കൂട്ടുകെട്ടില്‍ നിന്ന് പുറത്തിറങ്ങുന്ന ആദ്യത്തെ മോട്ടോര്‍സൈക്കിള്‍ 2023-ഓടെ വിപണിയിൽ എത്തുമെന്നാണ് റിപ്പോർട്ടുകൾ. 200 മുതല്‍ 750 സിസി വരെയുള്ള നിരവധി പുതിയ ഉത്പ്പന്നങ്ങളുടെ വികസനമാണ് പദ്ധതിയുടെ പ്രധാന അജണ്ഡ.