അതിരുകള്‍ ഭേദിക്കുന്ന ഹ്യുണ്ടായി അയോണിക് 5; റിവ്യു വിശേഷങ്ങള്‍ അറിയാം

2019 സെപ്റ്റംബറില്‍ ഫ്രാങ്ക്ഫര്‍ട്ട് മോട്ടോര്‍ ഷോയിലാണ് '45' എന്ന് വിളിപ്പേരിട്ട ഒരു കണ്‍സെപ്റ്റ് ഇവി ഹ്യുണ്ടായി അവതരിപ്പിച്ചത്. 1974-ലെ ടൂറിന്‍ മോട്ടോര്‍ ഷോയില്‍ വെളിപ്പെടുത്തിയ ഹ്യുണ്ടായി പോണി കാറിന്റെ 45ാം വാര്‍ഷികം 45 കണ്‍സെപ്റ്റ് കാറിലൂടെ അവര്‍ ആഘോഷമാക്കി.

കോവിഡ് മഹാമാരിയും രണ്ട് വര്‍ഷവും കഴിഞ്ഞ് 45 കണ്‍സെപ്റ്റിന്റെ പ്രൊഡക്ഷന്‍ പതിപ്പായ അയോണിക് 5 ഹ്യുണ്ടായി ലോകത്തിന് മുന്നില്‍ അവതരിപ്പിച്ചു. റെട്രോ-ഫ്യൂച്ചറിസ്റ്റിക് ലുക്ക് നിലനിര്‍ത്തുകയും ഒന്നിലധികം ബാറ്ററി പാക്കുകളും മതിയായ റേഞ്ചും മികച്ച ഫാസ്റ്റ് ചാര്‍ജിംഗ് വേഗതയും ഉള്ളതിനാല്‍ അന്താരാഷ്ട്ര വിപണികളില്‍ ടെസ്ല മോഡല്‍ 3-ന് ഒത്ത എതിരാളിയായി ഇത് മാറി.

അന്താരാഷ്ട്ര മാര്‍ക്കറ്റില്‍ എത്തി രണ്ട് വര്‍ഷങ്ങള്‍ക്ക് ശേഷം 2023 ഓട്ടോ എക്‌സ്‌പോയിലൂടെ ദക്ഷിണ കൊറിയന്‍ വാഹന ഭീമന്‍മാര്‍ അയോണിക് 5 ഇന്ത്യന്‍ തീരത്തുമെത്തിച്ചു. ഏറെ നാളായി ഏവരും കാത്തിരിക്കുകയും കൊതിക്കുകയും ചെയ്യുന്ന പ്രീമിയം ഇവിയാണോ ഇത് എന്നറിയാന്‍ ഗോവയിലെത്തി ഞങ്ങള്‍ ഇത് ഓടിച്ച് നോക്കി. വിശദമായ റിവ്യു തുടര്‍ന്ന് വായിക്കാം.

ഡിസൈനും ഫീച്ചറുകളും

പോണി കൂപ്പെ കണ്‍സെപ്റ്റില്‍ നിന്ന് പ്രചോദനം ഉള്‍ക്കൊണ്ടാണ് ഹ്യുണ്ടായി അയോണിക് 5-ന്റെ ഡിസൈന്‍. എന്നാല്‍ ഹ്യുണ്ടായി ഇത് ഇവിയിലേക്ക് നേരെ പകര്‍ത്തുകയല്ല ചെയ്തത്. പകരം ഓള്‍ഡ് സ്‌കൂള്‍ ഡിസൈന്‍ സൂചനകള്‍ക്കൊപ്പം ഭാവിയോട് ചേര്‍ന്ന് നില്‍ക്കുന്ന ഡിസൈനും ചേര്‍ത്തുനിര്‍ത്തിയാണ് രൂപകല്‍പ്പന. 45 കണ്‍സെപ്റ്റ് കാര്‍ പോലെയാണ് അയോണിക് 5 ഇപ്പോഴും കാണപ്പെടുന്നത്. മുന്‍വശത്ത് ക്ലാംഷെല്‍ ബോണറ്റ് ഇവിയുടെ ഫുള്‍ വീതിയില്‍ നല്‍കിയിരിക്കുന്നതിനാല്‍ പാനല്‍ ഗ്യാപ്പുകള്‍ കുറയ്ക്കുകയും ഫ്രണ്ട് ഭാഗം നല്ല വൃത്തിയുള്ളതാക്കുകയും ചെയ്യുന്നു.

വ്യത്യസ്തമായ പാരാമെട്രിക് പിക്സല്‍ എല്‍ഇഡി ഹെഡ്ലൈറ്റുകള്‍ ആരെയും കൊതിപ്പിക്കും. മുന്‍ ബമ്പറിന്റെ താഴെ ഇലക്ട്രിക് പവര്‍ട്രെയിന്‍ തണുപ്പിക്കാന്‍ ആവശ്യമായ വായു കടത്തിവിടാന്‍ ആക്റ്റീവ് എയറോഡൈനാമിക് ഫ്‌ലാപ്പുകള്‍ കാണാം. വശങ്ങളിലേക്ക് നോക്കിയാലും ഹ്യുണ്ടായി അയോണിക് 5 ന്റെ സ്‌റ്റൈലിംഗ് ഹൈലൈറ്റുകള്‍ തുടരുന്നു. 20 ഇഞ്ച് പാരാമെട്രിക് പിക്സല്‍ ഡിസൈന്‍ അലോയ് വീലുകള്‍ ഇവിയുടെ ഭംഗി വര്‍ധിപ്പിക്കുന്നുണ്ട്. ഫ്‌ലഷ് ഡോര്‍ ഹാന്‍ഡിലുകളാണ് ഇതില്‍ സജ്ജീകരിച്ചിരിക്കുന്നത്. മുന്‍വശത്തെ ഡോറുകളില്‍ നിന്ന് ആരംഭിക്കുന്ന രണ്ട് പ്രധാന ഡിസൈന്‍ ലൈനുകളും സൈഡില്‍ ഉണ്ട്.

ഒന്ന് ടെയില്‍ ലൈറ്റുകളിലേക്ക് പോകുമ്പോള്‍ മറ്റൊന്ന് ഡോറിന് കുറുകെ റിയര്‍ വീല്‍ ആര്‍ച്ചിലേക്ക് എത്തുന്നു. പിന്‍ഭാഗത്ത്, ഇന്റഗ്രേറ്റഡ് സ്പോയിലര്‍ ഇവിയുടെ എയ്റോ പ്രൊഫൈലിനെ സഹായിക്കുന്നു. കൂടാതെ മൂന്നാമത്തെ ബ്രേക്ക് ലൈറ്റും ഇവിടെയാണ് നല്‍കിയിരിക്കുന്നത്. ചതുരാകൃതിയിലുള്ള പാരാമെട്രിക് ടെയില്‍ലൈറ്റുകള്‍ അയോണിക് 5-ന് കൂള്‍ ലുക്ക് പകരുന്നു. ടെയില്‍ ലൈറ്റുകള്‍ക്കിടയിലാണ് അയോണിക് 5 നെയിംപ്ലേറ്റ് നല്‍കിയിരിക്കുന്നത്. അതിന് മുകളിലായി ഹ്യുണ്ടായി ബാഡ്ജ് കാണാം.

മികച്ച എക്‌സ്റ്റീരിയര്‍ രൂപകല്‍പ്പനയുടെ മികവില്‍ ഇവിയുടെ യഥാര്‍ത്ഥ വലിപ്പം നമുക്ക് പിടികിട്ടില്ല. എന്നാല്‍ അകത്തേക്ക് കടന്നാല്‍ സ്ഥിതി മാറും. അയോണിക് 5-ന്റെ ക്യാബിന്‍ വളരെ വലുതാണ്. ഡാര്‍ക്ക് പെബിള്‍ ഗ്രേ തീമിലുള്ള ഡാഷിനൊപ്പം വളരെ മിനിമലിസ്റ്റിക് ക്യാബിനാണ് അയോണിക് 5-ല്‍ ഹ്യുണ്ടായി സജ്ജീകരിച്ചിരിക്കുന്നത്. ഇന്‍സ്ട്രുമെന്റേഷനും ഇന്‍ഫോടെയ്ന്‍മെന്റ് സജ്ജീകരണത്തിനുമായി രണ്ട് 12.3 ഇഞ്ച് ഡിസ്പ്ലേകള്‍ കാണാം. ഇന്‍ഫോടെയ്ന്‍മെന്റ് ഡിസ്പ്ലേ, ബോസില്‍ നിന്നുള്ള പ്രീമിയം 8-സ്പീക്കര്‍ സൗണ്ട് സിസ്റ്റവുമായി ജോടിയാക്കിയ, ആന്‍ഡ്രോയ്ഡ് ഓട്ടോയും ആപ്പിള്‍ കാര്‍പ്ലേയും പിന്തുണക്കുന്ന റെസ്പോണ്‍സീവ് ടച്ച്സ്‌ക്രീന്‍ യൂണിറ്റാണ്.

ഇവിക്കുള്ള ഓണ്‍ബോര്‍ഡ് നാവിഗേഷനും ഓവര്‍-ദി-എയര്‍ അപ്ഡേറ്റുകളും ഇന്‍ഫോടെയ്ന്‍മെന്റ് പിന്തുണയ്ക്കുന്നു. 60-ലധികം കണക്റ്റഡ് കാര്‍ ഫീച്ചറുകളുള്ള ഹ്യുണ്ടായിയുടെ ബ്ലൂലിങ്ക് സജ്ജീകരണവും ഇന്‍ഫോടെയ്ന്‍മെന്റ് സിസ്റ്റത്തില്‍ നിങ്ങള്‍ക്ക് കാണാം. റിമോട്ട് ഡോര്‍ ലോക്ക്/ അണ്‍ലോക്ക്, റിമോട്ട് ക്ലൈമറ്റ് കണ്‍ട്രോള്‍ തുടങ്ങിയ ഫീച്ചറുകള്‍ നിയന്ത്രിക്കാന്‍ ഗൂഗിള്‍ അസിസ്റ്റന്റിനോടോ ആമസോണിന്റെ അലക്‌സായോടോ കമാന്‍ഡ് ചെയ്യാന്‍ ഉടമകളെ അനുവദിക്കുന്ന ഹോം 2 കാര്‍ ഇതില്‍ ഉള്‍പ്പെടുന്നു.

അയോണിക് 5-ന്റെ നാല് സീറ്റുകളും മെമ്മറി ഫംഗ്ഷനും റിക്ലൈനിംഗും ഓഫര്‍ ചെയ്യുന്നു. ഹീറ്റഡ് ആന്‍ഡ് വെന്റിലേറ്റഡ് ആണ് ഫ്രണ്ട് സീറ്റുകള്‍. നിങ്ങള്‍ ശരിക്കും നന്നായി വിശ്രമിക്കാന്‍ ആഗ്രഹിച്ചാല്‍ അധിക പിന്തുണയ്ക്കായി സ്പോര്‍ട് ലെഗ് റെസ്റ്റും നല്‍കിയിട്ടുണ്ട്. ലോഞ്ച് പോലെ കാണപ്പെടുന്ന അയോണിക് 5 ന്റെ സ്ലൈഡിംഗ് സെന്റര്‍ കണ്‍സോള്‍ ഇന്റീരിയര്‍ കൂടുതല്‍ മെച്ചപ്പെടുത്തുന്നു. ഇത് ഒരു വാക്ക്ത്രൂ ക്യാബിനും വലിയ പനോരമിക് ഗ്ലാസ് റൂഫും അനുവദിക്കുന്നു. ഓട്ടോ ഡീഫോഗറോട് കൂടിയ ഡ്യുവല്‍ സോണ്‍ ക്ലൈമറ്റ് കണ്‍ട്രോള്‍, റെയിന്‍ സെന്‍സിംഗ് വൈപ്പറുകള്‍, വയര്‍ലെസ് ഫോണ്‍ ചാര്‍ജര്‍ എന്നിവ അയോണിക് 5-ന്റെ മറ്റ് സവിശേഷതകളില്‍ ഉള്‍പ്പെടുന്നു.

6 എയര്‍ബാഗുകള്‍ (ഡ്രൈവര്‍ & പാസഞ്ചര്‍, സൈഡ് & കര്‍ട്ടന്‍), ഓള്‍-വീല്‍ ഡിസ്‌ക് ബ്രേക്കുകള്‍, മള്‍ട്ടി കൊളീഷന്‍ അവോയ്ഡന്‍സ് ബ്രേക്കിംഗ്, വെര്‍ച്വല്‍ എഞ്ചിന്‍ സൗണ്ട് സിസ്റ്റം, ഇലക്ട്രോണിക് പാര്‍ക്കിംഗ് ബ്രേക്ക് എന്നിവ ഉള്‍പ്പെടെ നിരവധി മികച്ച സുരക്ഷാ സവിശേഷതകളാലും നിറഞ്ഞിരിക്കുകയാണ് ഹ്യുണ്ടായി അയോണിക് 5. ലെയ്ന്‍ കീപ്പിംഗ് അസിസ്റ്റ്, ബ്ലൈന്‍ഡ് സ്‌പോട്ട് കൊളിഷന്‍ വാണിംഗ്, റഡാര്‍ ഗൈഡഡ് ക്രൂയിസ് കണ്‍ട്രോള്‍, ഹൈ ബീം അസിസ്റ്റ് എന്നിവ ഉള്‍പ്പെടെയുള്ള 21 ലെവല്‍ 2 അഡ്വാന്‍സ്ഡ് ഡ്രൈവര്‍ അസിസ്റ്റന്‍സ് സിസ്റ്റങ്ങള്‍ (ADAS) അയോണിക് 5-ല്‍ ഉള്‍പ്പെടുന്നു.

സ്‌പെസിഫിക്കേഷനുകള്‍

72.6kwh ബാറ്ററി പായ്ക്കാണ് ഇന്ത്യ സ്‌പെക്ക് ഹ്യുണ്ടായി Ioniq 5-ന് കരുത്തേകുന്നത്. ഇത് ഒറ്റ ചാര്‍ജില്‍ 631 കിലോമീറ്റര്‍ സഞ്ചരിക്കുമെന്നാണ് ARAI സാക്ഷ്യപ്പെടുത്തുന്നത്. പിന്‍ ചക്രങ്ങളെ പവര്‍ ചെയ്യുന്ന ഒരു ഇലക്ട്രിക് മോട്ടോറുമായി ബാറ്ററി പായ്ക്ക് ബന്ധിപ്പിച്ചിരിക്കുന്നു. മോട്ടോര്‍ 214.5 bhp പവറും 350 Nm പീക്ക് ടോര്‍ക്കും പുറപ്പെടുവിക്കുന്നു. വെറും 7.6 സെക്കന്‍ഡിനുള്ളില്‍ പൂജ്യത്തില്‍ നിന്ന് മണിക്കൂറില്‍ 100 കിലോമീറ്റര്‍ വേഗത കൈവരിക്കാന്‍ ഇവിക്ക് സാധിക്കും. മണിക്കൂറില്‍ 185 കിലോമീറ്ററാണ് പരമാവധി വേഗത. ഇതിന്റെ ചാര്‍ജിംഗ് വേഗത ഞെട്ടിക്കുന്നതാണ്.

നിങ്ങളുടെ കൈവശം 350kW DC ഫാസ്റ്റ് ചാര്‍ജര്‍ ഉണ്ടെങ്കില്‍ അയോണിക് 5-ന്റെ ബാറ്ററി പാക്ക് 10-80 ശതമാനം വരെ 18 മിനിറ്റിനുള്ളില്‍ ചാര്‍ജ് ചെയ്യും. വ്യാപകമായി ലഭ്യമാകുന്ന 50kW DC ചാര്‍ജറില്‍ 10 മുതല്‍ 80 ശതമാനം വരെ ചാര്‍ജ് ചെയ്യാന്‍ 57 മിനിറ്റ് എടുക്കും. മിക്ക ആളുകളും ഭക്ഷണം കഴിക്കാനെടുക്കുന്ന സമയം കൊണ്ട് ഇവി ചാര്‍ജ് ചെയ്യാം. 11kW എസി ചാര്‍ജര്‍ ഉപയോഗിച്ച് വീട്ടില്‍ ഫുള്‍ ചാര്‍ജ് ചെയ്യാന്‍ 6 മണിക്കൂറും 55 മിനിറ്റും എടുക്കും. ഹ്യുണ്ടായി അയോണിക് 5 ന്റെ ബാറ്ററി പായ്ക്കിന് മറ്റൊരു പ്രത്യേകതയുമുണ്ട്. ഇത് വലിയ ഒരു പവര്‍ബാങ്കിന്റെ ജോലി നിര്‍വഹിക്കും.

ഹ്യുണ്ടായിയുടെ e-GMP പ്ലാറ്റ്ഫോം, വെഹിക്കിള്‍ 2 ലോഡ് (V2L) സവിശേഷതയകണ് ഇതിന് അനുവദിക്കുന്നത്. ഇവിയുടെ V2L സജ്ജീകരണം ഉപയോഗിച്ച് ഉടമകള്‍ക്ക് വീട്ടുപകരണങ്ങളോ എന്തിനേറെ മറ്റൊരു ഇവിയോ ചാര്‍ജ് ചെയ്യാം. അയോണിക് 5-ന്റെ ഡിസൈന്‍ യഥാര്‍ത്ഥത്തില്‍ ഇവി ക്രോസ്ഓവറിന്റെ വലിപ്പം മറയ്ക്കുന്നുവെന്ന് മുകളില്‍ സൂചിപ്പിച്ചുവല്ലോ. ഹ്യുണ്ടായി അയോണിക് 5-ന് 4,635 എംഎം നീളവും 1,890 എംഎം വീതിയും 1,625 എംഎം ഉയരവുമുണ്ട്. അയോണിക് 5 ഇവിയുടെ വീല്‍ബേസ് 3,000 എംഎം ആണ്. ഇവി 160 എംഎം ഗ്രൗണ്ട് ക്ലിയറന്‍സും വാഗ്ദാനം ചെയ്യുന്നു. 527 ലിറ്റര്‍ ശേഷിയുള്ളതാണ് അയോണിക് 5-ന്റെ ബൂട്ട്. ബോണറ്റിന് താഴെയുള്ള ചെറിയ ഫ്രണ്ട് ബൂട്ട് 52 ലിറ്റര്‍ സ്റ്റോറേജ് സ്പേസ് കൂടി നല്‍കുന്നു.

ഡ്രൈവിംഗ് ഇംപ്രഷനുകള്‍

ഇക്കോ, നോര്‍മല്‍, സ്പോര്‍ട് എന്നിങ്ങനെ ഏത് ഡ്രൈവ് മോഡില്‍ ആണെങ്കിലും ത്രോട്ടില്‍ അമര്‍ത്തുമ്പോള്‍ ഹ്യുണ്ടായി അയോണിക് 5 തല്‍ക്ഷണം പ്രതികരിക്കുന്നു. 7.6 സെക്കന്‍ഡ് നിശ്ചലാവസ്ഥയില്‍ നിന്ന് മണിക്കൂറില്‍ 100 കി.മീ വരെ വേഗത കൈവരിക്കുമെന്ന ഹ്യുണ്ടായിയുടെ അവകാശവാദം വിശ്വസനീയമാണ്. റോള്‍-ഓണ്‍ ആക്സിലറേഷന്‍ മൂന്ന് മോഡുകളിലും മികച്ചതാണ്. എന്നിരുന്നാലും, അയോണിക് 5-ന്റെ സ്പോര്‍ട്സ് മോഡ് ഹ്യുണ്ടായി കുറച്ചുകൂടി ആകര്‍ഷണീയമാക്കിയിരുന്നെങ്കില്‍ എന്ന് ഞങ്ങള്‍ ആഗ്രഹിക്കുന്നു.

ഇവിയുടെ 1.9-ടണിന് മേലുള്ള ഭാരം കാരണം സസ്‌പെന്‍ഷന്‍ സജ്ജീകരണം അല്‍പ്പം കടുപ്പമുള്ളതാണ്. സ്റ്റിയറിംഗ് വീല്‍ ടില്‍റ്റും ടെലിസ്‌കോപ്പിക് അഡ്ജസ്റ്റബിലിറ്റിയും വാഗ്ദാനം ചെയ്യുന്നു. നിങ്ങള്‍ ആകസിലറേറ്റ് ചെയ്യുമ്പോള്‍ ഭാരം വളരെ വിലമതിക്കപ്പെടുന്നുണ്ടെങ്കിലും, വേഗത കുറയുമ്പോള്‍ ഇത് അല്‍പ്പം ശല്യമാകുന്നുണ്ട്. ഇവിയുടെ ഡിസ്‌ക് ബ്രേക്ക് സജ്ജീകരണം മികച്ച ബ്രേക്കിംഗ് നല്‍കുന്നു. ബ്രേക്കുകള്‍ നല്ല ബൈറ്റ് വാഗ്ദാനം ചെയ്യുന്നു, അത് വളരെ പുരോഗമനപരവുമാണ്. അയോണിക് 5 ഇവി 4 ലെവല്‍ റീജന്‍ ബ്രേക്കിംഗ് (03) വാഗ്ദാനം ചെയ്യുന്നു. റീജന്‍ ബ്രേക്കിംഗ് പെര്‍ഫോമന്‍സിനെ സഹായിക്കുന്നു.

ബേസ് 0 ഡ്രോപ്പിംഗ് റീജന്‍ പൂര്‍ണ്ണമായി നല്‍കുന്നു. അതേസമയം ലെവല്‍ 3 വണ്‍ പെഡല്‍ ഡ്രൈവിംഗ് അനുവദിക്കുന്നു, ഇത് തിരക്കേറിയ സിറ്റി ട്രാഫിക്കില്‍ വളരെ പ്രശംസനീയമാണ്. യാത്രാമധ്യേ, ക്യാബിന്‍ നന്നായി ഇന്‍സുലേറ്റ് ചെയ്യപ്പെടുകയും പുറം ലോകത്ത് നിന്ന് നിങ്ങളെ സംരക്ഷിക്കുകയും ചെയ്യുന്നു. എന്നിരുന്നാലും, ഉയര്‍ന്ന വേഗതയില്‍, ടയര്‍ ശബ്ദം ക്യാബിനിലേക്ക് കയറുന്നതായി കാണാം.

ARAI ടെസ്റ്റുകള്‍ പ്രകാരം അയോണിക് 5 ഇവി ഏകദേശം 631 കിലോമീറ്റര്‍ റേഞ്ച് നല്‍കുമെന്ന് ഹ്യുണ്ടായി അവകാശപ്പെടുന്നു. പരിമിതമായ സമയത്തിനുള്ളില്‍ ഇവിയുടെ റേഞ്ച് പരിശോധിക്കാന്‍ ഞങ്ങള്‍ക്ക് സാധിച്ചിട്ടില്ല. എങ്കിലും യഥാര്‍ത്ഥ ഡ്രൈവിംഗ് സാഹചര്യത്തില്‍ ഒറ്റ ചാര്‍ജില്‍ ഇവി 470 മുതല്‍ 500 കിലോമീറ്റര്‍ വരെ സഞ്ചരിക്കുമെന്ന് ഞങ്ങള്‍ വിശ്വസിക്കുന്നു.

ഡ്രൈവ്‌സ്പാര്‍ക്ക് ചിന്തകള്‍

നിലവില്‍ ഇന്ത്യയില്‍ വില്‍ക്കുന്ന ഏറ്റവും മികച്ച പ്രീമിയം ഇവിയായിരിക്കാം ഹ്യുണ്ടായി അയോണിക് 5. ഹെവി സ്റ്റിയറിംഗും റിയര്‍ വൈപ്പറിന്റെയും യുഎസ്ബി പോര്‍ട്ടുകളുടെയും അഭാവവുമല്ലാതെ കാര്യമായ പോരായ്മകളൊന്നും പറയാനില്ല. 45.95 ലക്ഷം രൂപ (എക്സ്-ഷോറൂം) വിലയില്‍ നിങ്ങളുടെ പൈസ വസൂലാകുന്ന മറ്റൊരു പ്രീമിയം ഇവി ഇല്ലെന്ന് തന്നെ പറയാം.