മഹീന്ദ്ര കെയു‌വി100 റിവ്യൂ : ഒരു പൂർണ വിവരണം

By Praseetha

Updated: Tuesday, January 19, 2016, 15:23 [IST]

മഹീന്ദ്ര കെയു‌വി100 ഇന്ത്യൻ വിപണിയിൽ വിജയകരമായി ലോഞ്ച് ചെയ്തിരിക്കുന്ന വിവരം ഏവർക്കും അറിയാം. നമ്പർ വണ്‍ എസ്‌യുവി മേക്കറായ മഹീന്ദ്രയില്‍ നിന്നുള്ള ഒമ്പതാമത്തെ വാഹനമാണിത്. യുവതലമുറയെ മുന്നിൽകണ്ട് ഇറക്കിയ ഈ എസ്‌യു‌വിയിൽ കമ്പനി വലിയ പ്രതീക്ഷയാണ് അർപ്പിച്ചിരിക്കുന്നത്. കെയു‌വി100 സംബന്ധിച്ച് നിങ്ങളറിയേണ്ട എല്ലാ വിവരങ്ങളും വളരെ വ്യക്തമായി ചുവടെ ചേർക്കുന്നു.

കൂടുതൽ വിവരങ്ങൾക്ക് സ്ളൈഡുകളിലേക്ക് നീങ്ങാം

മോഡലുകൾ

ഫൈവ് അല്ലെങ്കിൽ സിക്സ് സീറ്റർ ആയിട്ടായിരിക്കും കെയു‌വി100 ലഭിക്കുക. 12 വ്യത്യസ്ത വേരിയന്റുകളിൽ ഇവ വിപണിയിൽ ലഭ്യമായിരിക്കും.

ഡിസൈൻ

മസിലൻ ശരീരഭംഗിയോട് കൂടിയ ഈ എസ്‌യുവിക്ക് കാഴ്ചയിൽ ഒരു അഗ്രസീവ് ലുക്കാണ് ഉള്ളത്. അതുകൊണ്ട് തന്നെ റോ‍ഡിൽ ഏവരുടേയും ശ്രദ്ധയാകർഷിക്കുമെന്നതിൽ സംശയമില്ല.

ഡിസൈൻ

യുവതലമുറയെ ഹരം കൊള്ളിക്കുന്ന തരത്തിലുള്ള രൂപഭംഗി നൽകുന്നതിൽ മഹീന്ദ്ര പ്രത്യേകം ശ്രദ്ധപുലർത്തിയിട്ടുണ്ട്. ഫീച്ചറുകൾ,ലക്ഷ്വറി, സേഫ്റ്റി എന്നീ ഘടകങ്ങൾ വേണ്ടത്പോലെ ഉപയോഗപ്പെടുത്തി കൊണ്ടുള്ള ഒരു ചെറിയ പാക്കേജ് തന്നെയാണ് കെയു‌വി100.

എൻജിൻ

1.2ലിറ്റർ പെട്രോൾ അല്ലെങ്കിൽ 1.2ലിറ്റർ ഡീസൽ എൻജിനുകളായിരിക്കും ഇതിലുണ്ടാവുക. ത്രീ സിലിണ്ടർ എൻജിനുകളാണ് ഇവ രണ്ടും.

എൻജിൻ

82കുതിരശക്തിയും 114എൻഎം ടോര്‍ക്കുമാണ് 1.2ലിറ്റർ പെട്രോൾ എൻജിനാണുള്ളത്. ഡീസൽ എൻജിൻ 77കുതിരശക്തിയും 190എൻഎം ടോർക്കും നൽകുന്ന ടർബോചാർജ്ഡ് എൻജിനാണ്.

ഗിയർബോക്സ്

രണ്ട് എൻജിനുകളിലും 5സ്പീഡ് മാനുവൽ ഗിയർബോക്സാണ് ഘടിപ്പിച്ചിരിക്കുന്നത്.

മൈലേജ്

ലിറ്ററിന് 18.15കിലോമീറ്റർ മൈലേജാണ് പെട്രോൾ എൻജിൻ നൽകുന്നത്. ഡീസൽ എൻജിൻ ലിറ്ററിന് 25.32കിലോമീറ്റർ മൈലേജാണ് നൽകുക.

ഫീച്ചറുകൾ

കെയു‌വി100ന് മുൻവശത്തും പിറകിലുമായി ആം റെസ്റ്റുകൾ ഉണ്ട് അതോടൊപ്പം കപ്പ് ഹോൾഡറുകളും നൽകിയിട്ടുണ്ട്. ഇതിന് നാല് പവർ വിന്റോകളാണ് കൊടുത്തിരിക്കുന്നത്.

ഫീച്ചറുകൾ

ഡ്രൈവർ സീറ്റാകട്ടെ ഹൈറ്റ് അഡ്ജസ്റ്റ് ചെയ്യാവുന്ന രീതിയിലാണ് ഉള്ളത്. ഇതുവഴി സൗകര്യപൂർവം ഇരുന്ന് ഡ്രൈവ് ചെയ്യാനുള്ള സൗകര്യമൊരിക്കിയിരിക്കുന്നു.

ഫീച്ചറുകൾ

ഇലുമിനേറ്റഡ് ഇഗ്നിഷ്യൻ, മൾട്ടി ഫങ്ഷണൽ സ്റ്റയറിംഗ് വീൽ, കൂൾഡ് ഗ്ളോവ് ബോക്സ്, ടു ഡ്രൈവ് മോഡുകൾ, മൈക്രോ ഹൈബ്രിഡ് ടെക്നോളജി എന്നിവയും ഉൾപ്പെടുത്തിയിട്ടുണ്ട്.

ഫീച്ചറുകൾ

എന്റർടെയിൻമെന്റ് ഫീച്ചറുകളിൽ ബ്ളൂടൂത്ത്, ഓക്സ്, യുഎസ്ബി കണക്ഷനടക്കമുള്ള 6 സ്പീക്കർ സിസ്റ്റം ഉൾപ്പെടുത്തിയിരിക്കുന്നു.

ഫീച്ചറുകൾ

ഫോളോ മീ ഹോം ഹെഡ് ലാമ്പുകൾ, സ്പീഡ് സെൻസറിംഗ് ഡോർ ലോക്ക്, 243 ലിറ്റർ ബൂട്ട് സ്പേസ് (പിൻ സീറ്റ് മടക്കി വെക്കുകയാണെങ്കിൽ 473 ലിറ്റർ വരെ എക്സ്പാന്റ് ചെയ്യാവുന്നതാണ്), ഓട്ടോമാറ്റിക് ഹാസാർഡ് ലൈറ്റ് എന്നിവ മറ്റ് ഫീച്ചറുകളിൽ പെടുന്നു.

സേഫ്റ്റി

2017ൽ വരാനിരിക്കുന്ന സേഫ്റ്റി സ്റ്റാൻന്റേഡ് ഫീച്ചറാണ് ഉള്‍ക്കൊള്ളിച്ചിരിക്കുന്നത്. എബിഎസ്, ഇബിഡി എന്നീ ഫീച്ചറുകളും ഉണ്ട്. ടോപ്പ് സപെക് വേരിയന്റിൽ ഡ്യുവൽ ബാഗുകളും എൻജിൻ ഇമ്മോബിലൈസറും ഉണ്ടായിരിക്കും.