പഞ്ച് വെറും അഞ്ചിന്റെ മഞ്ച് അല്ല! ഉശിരനായ കുഞ്ഞൻ ടാറ്റ ഇവിയുടെ റിവ്യൂ വിശേഷങ്ങൾ

ടാറ്റ മോട്ടോർസ് അടുത്തിടെയായി വളരെ അഗ്രസ്സീവും ഫ്യൂച്ചറിസ്റ്റിക്കുമായ ഒരു പ്ലാനുമായിട്ടാണ് മുമ്പോട്ട് പോവുന്നത്. തങ്ങളുടെ ഇലക്ട്രിക് കാർ ലൈനപ്പ് വിപുലീകരിക്കുന്നത് ബ്രാൻഡ് കൂടുതൽ ശ്രദ്ധ കേന്ദ്രീകരിക്കുന്നതായി തോന്നുന്നു. നെക്‌സോൺ ഇവി ലൈനപ്പ് അടുത്തിടെ അപ്‌ഡേറ്റ് ചെയ്‌തതിന് ശേഷം, ഇവി ഡിപ്പാർട്ട്‌മെന്റിൽ കമ്പനിയുടെ ഇതുവരെയുള്ള ഏറ്റവും ചെറിയ എസ്‌യുവി മോഡലായ പഞ്ചിലേക്ക് തിരിഞ്ഞു.

തത്ഫലമായുണ്ടായ ടാറ്റ പഞ്ച് ഇവി, മുംബൈ ആസ്ഥാനമായുള്ള ബ്രാൻഡിന്റെ പുതിയ ഓൾ ഇലക്ട്രിക് പ്ലാറ്റ്‌ഫോമിനെ അവതരിപ്പിച്ചുകൊണ്ട് എതിരാളികൾ ഭയന്നിരുന്ന പുതിയ ഇലക്ട്രിക് അപ്പർകട്ട് മോഡലായി വിപണിയിൽ പ്രവേശിച്ചിരിക്കുകയാണ്. പുതിയ പഞ്ച് ഇവിയെ കൂടുതൽ അടുത്ത് അറിയാൻ ടാറ്റ മോട്ടോർസ് ഞങ്ങളെ ബെംഗളൂരുവിലേക്ക് ക്ഷണിച്ചിരുന്നു. പഞ്ച് ഇവിയുടെ ഡ്രൈവർ സീറ്റിൽ കയറിയതു മുതൽ വാഹനത്തിൽ നിന്ന് ഞങ്ങൾക്ക് ലഭിച്ച എക്സ്പീരിയൻസും കുഞ്ഞൻ ഇവിയുടെ റിവ്യൂ വിശേഷങ്ങളും നിങ്ങളുമായി ഞാൻ ചുവടെ പങ്കുവെയ്ക്കുന്നു.

ഇലക്ട്രിക്കിലേക്കുള്ള ചുവടുവെയ്പ്പിൽ വന്ന മാറ്റങ്ങൾ എന്തെല്ലാം? ഒറ്റനോട്ടത്തിൽ, പുതിയ ടാറ്റ പഞ്ച് ഇവി അതിന്റെ ICE സഹോദരന് സമാനമാണ്. പുതിയ പഞ്ച് ഇവിയുടെ ഡിസൈൻ നോക്കുകയാണ് എങ്കിൽ, മുൻവശത്തെ ബമ്പർ മാറ്റിയിരിക്കുന്നതായി കാണാം. 360 -ഡിഗ്രി ക്യാമറ സംവിധാനത്തിനും പുതിയ ഇലക്ട്രിക് പവർട്രെയിനിനെ തണുപ്പിക്കുന്നതിനുള്ള ചെറിയ ഇൻടേക്കുകൾക്കുമുള്ള വിടവുകൾ മാത്രമാണ് ഇവിടെ വരുന്നത്. ചാർജിംഗ് പോർട്ടിനുള്ള ഹാച്ച് ടാറ്റ ബാഡ്ജിന് പിന്നിലാണ് നൽകിയിരിക്കുന്നത്.

ടാറ്റയുടെ പുതുക്കിയ ഇലക്ട്രിക് മോഡൽ നിരയുടെ പുതിയ സിഗ്നേച്ചർ ഡിസൈൻ സൂചകമായി ഇലക്ട്രിക് എസ്‌യുവിയുടെ മുൻവശത്ത് പൂർണ്ണ വീതി കവർ ചെയ്യുന്ന എൽഇഡി ഡിആർഎല്ലുകൾ പഞ്ച് ഇവിയ്ക്കും ലഭിക്കുന്നുണ്ട്. യഥാർത്ഥ ഹെഡ്‌ലാമ്പുകൾ, ഫോഗ് ലാമ്പുകൾ, കോർണറിംഗ് ലൈറ്റുകൾ എന്നിവ ഫ്രണ്ട് ബമ്പറിന്റെ അരികുകളിൽ ഒരുമിച്ച് സ്ഥാപിച്ചിരിക്കുന്നു.

പുറമേയുള്ള മറ്റ് മാറ്റങ്ങൾ വളരെ സൂക്ഷ്മമാണ്. ഡോറുകളിൽ ഇവി ബാഡ്ജിംഗ്, 16 ഇഞ്ച് ഡ്യുവൽ ടോൺ അലോയി വീലുകൾ എന്നിവ നോർമൽ പഞ്ചിൽ വരുന്നതിനേക്കാൾ വളരെ മികച്ചതായി കാണപ്പെടുന്നു. പഞ്ച് ഇവിയിൽ അതിന്റെ ബാഡ്‌ജിംഗിൽ വരുന്ന മാറ്റങ്ങൾ അല്ലാതെ റിയർ പ്രൊഫൈൽ അതേപടി തുടരുന്നു.

അകത്തേക്ക് കടക്കുമ്പോൾ, മാറ്റങ്ങൾ പെട്ടെന്ന് ശ്രദ്ധയിൽ പെടുന്നവയാണ്. ഇപ്പോൾ രണ്ട് 10.25 ഇഞ്ച് ഡിസ്‌പ്ലേകൾ ഇതിനുണ്ട് - ഒന്ന് ടൂ സ്‌പോക്ക് സ്റ്റിയറിംഗ് വീലിന് പിന്നിലെ ഇൻസ്‌ട്രുമെന്റേഷനും മറ്റൊന്ന് ഇൻഫോടെയിൻമെന്റിനുള്ള ടച്ച് സ്‌ക്രീനുമായി പ്രവർത്തിക്കുന്നു. സാധാരണ കണക്റ്റിവിറ്റിയും ഫോൺ മിററിംഗ് ഓപ്ഷനുകളും ഇവ നൽകുന്നു.

പഞ്ച് ഇവിയുടെ ഇന്റീരിയറുകൾ ഒരു ഡ്യുവൽ ടോൺ ലുക്ക് അവതരിപ്പിക്കുന്നു, ഞങ്ങളുടെ ടെസ്റ്റ് കാറിൽ ബ്ലാക്ക് & വൈറ്റ് തീമായിരുന്നു. ഇത് യഥാർത്ഥത്തിൽ അല്പം കൂടുതൽ പ്രീമിയമായി തോന്നിപ്പിക്കുന്നു. കൂടുതൽ ഹാർഡ് പ്ലാസ്റ്റിക്കാണ് ക്യാബിനിൽ വരുന്നത്, അതോടൊപ്പം സ്റ്റിയറിംഗ് വീലിന് ടിൽറ്റ് അഡ്ജസ്റ്റ്മെന്റ് മാത്രമേ വരുന്നുള്ളൂ.

കുറച്ച് പ്രവർത്തനങ്ങൾക്കായി രണ്ട് സ്വിച്ചുകളുള്ള പുതിയ ടാറ്റ കപ്പാസിറ്റീവ് യൂണിറ്റുകളാണ് എസി കൺട്രോളുകൾ. ചാർജിംഗ് പോർട്ട് ഹാച്ച് തുറക്കുന്നതിനുള്ള കൺട്രോളുകളും നമുക്ക് ഇവിടെ കാണാം, ടച്ച് പാനലിന് താഴെ ചാർജിംഗ് പോർട്ടുകൾ (12V സഹിതം USB A & C) സ്ഥാപിച്ചിരിക്കുന്നു.

ഫ്രണ്ട് സീറ്റുകൾ വളരെ സുഖകരമാണ്, ഇപ്പോൾ വെന്റിലേഷനും ഇവ ഫീച്ചർ ചെയ്യുന്നു, ഇത് വേനൽക്കാലത്ത് വളരെ സഹായകമാവും. സെൻട്രൽ കൺസോളിലെ ഫ്രണ്ട് സീറ്റുകൾക്കിടയിൽ ജ്വല്ലഡ് ഗിയർ സെലക്ടർ വരുന്നു, ഇത് അല്പം പ്രീമിയം ഫീൽ ചേർക്കുന്നു. ഇലക്ട്രോണിക് പാർക്കിംഗ് ബ്രേക്ക് കപ്പ് ഹോൾഡറുകൾക്ക് അടുത്തായി സജ്ജീകരിച്ചിരിക്കുന്നു, ഡ്രൈവ് മോഡ് ബട്ടണുകളും അതിനടുത്താണ്.

പുതിയ ടാറ്റ പഞ്ച് ഇവിയുടെ പിൻഭാഗത്തേക്ക് പ്രവേശിക്കുമ്പോൾ, വൻതോതിലുള്ള മാറ്റങ്ങളൊന്നും ഫീൽചെയ്യുന്നില്ല. ബെഞ്ച് സീറ്റ് ഇപ്പോഴും രണ്ട് ഹെഡ്‌റെസ്റ്റുകളോടെയാണ് കമ്പനി വാഗ്ദാനം ചെയ്യുന്നത്, ആംറെസ്റ്റിൽ ഇപ്പോഴും കപ്പ് ഹോൾഡറുകൾ വരുന്നില്ല എന്നതും നോട്ട് ചെയ്യാം. ആറ് അടിയും അതിനുമുകളിലും ഉയരമുള്ളവർക്ക്, ഹെഡ്‌റൂം ഇപ്പോഴും ഒരു പ്രശ്‌നം തന്നെയാണ്, ഇവർക്ക് ലെഗ്‌റൂമും ഒരു പ്രശ്‌നമാണ്.

ഇലക്ട്രിക് സ്കേറ്റ്ബോർഡ് പ്ലാറ്റ്‌ഫോമിലേക്ക് മാറിയതിനാൽ, പഞ്ച് ഇവി അല്പം കൂടുതൽ ബൂട്ട് സ്പേസ് വാഗ്ദാനം ചെയ്യുന്നു. ഇത് ഒരു ചെറിയ ഡഫിൾ ബാഗിന് അനുയോജ്യമായ 14 ലിറ്റർ ഫ്രങ്കും വാഹനം വാഗ്ദാനം ചെയ്യുന്നുണ്ട്. ബൂട്ട് സ്പേസ് ഇപ്പോൾ 366 ലിറ്ററാണ്.

മാറ്റങ്ങൾ എടുത്തു പറയേണ്ടത് പുതിയ acti.ev ഇലക്ട്രിക് പ്ലാറ്റ്‌ഫോമാണ്. ഈ സ്കേറ്റ്ബോർഡ് പ്ലാറ്റ്ഫോം ഇനിവരുന്ന ടാറ്റയുടെ എല്ലാ സീറോ എമിഷൻ കാറുകൾക്കും അടിവരയിടും. ടാറ്റ പഞ്ച് ഇവിക്ക് 3,857 mm നീളവും 1,742 mm വീതിയും 1,633 mm ഉയരവുമുണ്ട്, കൂടാതെ 2,445 mm വീൽബേസും വാഗ്ദാനം ചെയ്യുന്നുണ്ട്. ഇലക്ട്രിക് പഞ്ച് അതിന്റെ ICE സഹോദരനേക്കാൾ 30 mm നീളവും 18 mm ഉയരവുമുള്ളതാണ്.

പുതിയ acti.ev പ്ലാറ്റ്‌ഫോം പഞ്ച് ഇവിയ്‌ക്കുള്ള ഓഫറിലെ ലിക്വിഡ്-കൂൾഡ് ബാറ്ററി പാക്ക് ഓപ്ഷനുകളെ അടിസ്ഥാനമാക്കിയുള്ളതാണ്. 80.46 bhp പവർ 114 Nm torque പുറപ്പെടുവിക്കുന്ന ഇലക്ട്രിക് മോട്ടോറുമായി ബന്ധിപ്പിച്ചിരിക്കുന്ന 315 കിലോമീറ്റർ MIDC റേഞ്ച് വാഗ്ദാനം ചെയ്യുന്ന 25 kWh ബാറ്ററി പായ്ക്കാണ് അടിസ്ഥാന മോഡൽ പഞ്ച് ഇവി ഉപയോഗിക്കുന്നത്.

ഉയർന്ന സ്‌പെക്ക് പഞ്ച് ഇവി ലോംഗ് റേഞ്ചിന് 421 കിലോമീറ്റർ റേഞ്ച് തരുന്ന ഒരു 35 kWh ബാറ്ററി പായ്ക്ക് ലഭിക്കുന്നു. ഇത് 120.7 bhp പവറും 190 Nm പീക്ക് torque ഉം ഉത്പാദിപ്പിക്കുന്ന കൂടുതൽ ശക്തമായ ഇലക്ട്രിക് മോട്ടോറുമായി ജോടിയാക്കിയിരിക്കുന്നു. ടാറ്റ പഞ്ച് ഇവിയുടെ ലോംഗ് റേഞ്ച് പതിപ്പ് 0-100 കിലോമീറ്റർ വേഗത വെറും 9.5 സെക്കൻഡിനുള്ളിൽ കൈവരിക്കും, കൂടാതെ മണിക്കൂറിൽ 140 കിലോമീറ്ററാണ് ടോപ്പ് സ്പീഡ്.

പഞ്ച് ഇവിയുടെ എല്ലാ പതിപ്പുകളും 3.3 kWh ഓൺബോർഡ് ചാർജറുമായി വരുന്നു. ഈ സജ്ജീകരണം ബാറ്ററി പാക്ക് ചാർജ് ചെയ്യുന്നു, അടിസ്ഥാന പതിപ്പിന് 9.4 മണിക്കൂറിനുള്ളിലും, ലോംഗ് റേഞ്ച് പതിപ്പിന് പൂർണ്ണമായി ചാർജ് ചെയ്യാൻ 13.5 മണിക്കൂറും സമയം എടുക്കും. വേഗതയേറിയ 7.2 kWh ചാർജർ ഇത് 3.6 മണിക്കൂറും (25kWh) ലോംഗ് റേഞ്ച് വേരിയന്റിന് 5.0 മണിക്കൂറുമായി കുറയ്ക്കുന്നു.

പഞ്ച് ഇവിയുടെ രണ്ട് പതിപ്പുകളും DC ഫാസ്റ്റ് ചാർജിംഗിനെ സപ്പോർട്ട് ചെയ്യുന്നു, പരമാവധി 50 kW ആണ് ചാർജിംഗ് സ്പീഡ്. ഈ വേഗതയേറിയ 50 kW DC ചാർജറുകളിൽ ഒന്നിലേക്ക് പ്ലഗിൻ ചെയ്‌താൽ, പഞ്ച് ഇവിയുടെ രണ്ട് പതിപ്പുകളും വെറും 56 മിനിറ്റിനുള്ളിൽ 10 മുതൽ 80 ശതമാനം വരെ ചാർജ് ചെയ്യാൻ കഴിയും.

ആറ് എയർബാഗുകൾ, ABS + EBD, ഓൾ വീൽ ഡിസ്‌ക് ബ്രേക്കുകൾ, ഹിൽ ഡിസന്റ് കൺട്രോൾ, ഹിൽ ഹോൾഡ് കൺട്രോൾ, 360 -ഡിഗ്രി ക്യാമറ, ബ്ലൈൻഡ് സ്പോട്ട് വ്യൂ മോണിറ്റർ എന്നിവയുൾപ്പെടെ നിരവധി സുരക്ഷാ കിറ്റുകളോടെയാണ് പുതിയ ടാറ്റ പഞ്ച് ഇവി വരുന്നത്.

ടാറ്റ പഞ്ച് ഇവി ഡ്രൈവിംഗ് ഇംപ്രഷൻസ്: ഇനി പഞ്ച് ഇവി നമുക്ക് ഒന്നു ഓടിച്ചു നോക്കാം, ഇവി സ്‌പോർട്‌സ് മോഡിൽ എത്തിക്കഴിഞ്ഞാൽ അത് വളരെ സുഗമമാണ്. ടാറ്റ പഞ്ച് ഇവി ആരംഭിക്കുമ്പോഴെല്ലാം നാം സിറ്റി മോഡിലാണ്, എങ്കിലും ഇക്കോയും സ്‌പോർട്ടും തമ്മിൽ വലിയ വ്യത്യാസമുണ്ട്.

ഇക്കോ മോഡിൽ, നാം ആക്സിലറേറ്ററിൽ ടാപ്പ് ചെയ്യുമ്പോൾ ലഭിക്കുന്ന പ്രതികരണം എന്നത് അല്പം അലസമാണ്. സിറ്റി മോഡ് മുൻപത്തേക്കാൾ അല്പം കൂടുതൽ ലീനിയർ ആണ്, എന്നാൽ ഇവികളിൽ പ്രശസ്തമായ സ്റ്റിയറിംഗിൽ നിന്ന് സീറ്റിലേക്ക് നമ്മേ തള്ളിവിടുന്ന പ്രതികരണം നിങ്ങൾ ആഗ്രഹിക്കുന്നുവെങ്കിൽ സ്പോർട്സ് മോഡ് ഉപയോഗിക്കേണ്ടതാണ്.

പഞ്ച് ഇവിയിലെ സസ്പെൻഷൻ സജ്ജീകരണം അതിന്റെ ICE സഹോദരനിൽ കാണുന്ന സജ്ജീകരണത്തേക്കാൾ അല്പം കടുപ്പമുള്ളതാണ്. എന്നിരുന്നാലും, റൈഡിനും ഹാൻഡ്‌ലിംഗിനുമിടയിൽ ഒരു സൂക്ഷ്മമായ ബാലൻസ് ഇതിൽ ഉണ്ട്, അത് ഞങ്ങൾ വളരെ മികച്ചതായി കണ്ടെത്തി. പഞ്ച് ഇവി റോഡിലെ കുണ്ടും കുഴികളും അനായാസം തരണം ചെയ്യുന്നു, അതോടൊപ്പം വേഗത കൂടാൻ തുടങ്ങുമ്പോൾ വാഹനം വളരെ സ്ഥിരതയുള്ളതാണ്.

സ്റ്റിയറിംഗ് അല്പം ഭാരമുള്ളതാണ്, നിങ്ങൾ ഏത് മോഡിൽ ആയിരുന്നാലും അത് അനുഭവപ്പെടുന്ന വിധത്തിൽ വളരെ സ്റ്റേബിളായിട്ടാണ് ഇത് സെറ്റ് ചെയ്തിരിക്കുന്നത്. എന്നിരുന്നാലും, ഇത് ഷാർപ്പും കൃത്യവുമാണ്, ഇത് ഹാൻഡ്‌ലിംഗ് സവിശേഷതകളുമായി സംയോജിപ്പിച്ചാൽ ഡ്രൈവർക്ക് കർവ്വുകളിലും മറ്റും കുറച്ച് ആസ്വദിക്കാനാകും എന്ന കാര്യത്തിൽ തർക്കമില്ല.

ബ്രേക്കിംഗ് നാച്ചുറലും പ്രോഗ്രസ്സീവ് ഫീലുമായി ഒരു കോൺസ്റ്റന്റാണ്, അത് വാഹനത്തിന്റെ പവറിനെ പിടിച്ചു നിർത്താൻ പര്യാപ്തമാണ്. സ്റ്റിയറിംഗ് വീലിന് പിന്നിലെ പാഡിൽ ഷിഫ്റ്ററുകൾ ഉപയോഗിച്ച് നാല് റീജൻ മോഡുകൾ (ഓഫ്, ലെവൽ 1, 2, 3) തിരഞ്ഞെടുക്കാം, കൂടാതെ തെരഞ്ഞെടുത്ത മാക്സിമം അഡ്ജസ്റ്റ്മെന്റ് ബാറ്ററി പാക്ക് ചാർജ് ചെയ്യുന്നതോടൊപ്പം വാഹനത്തിന്റെ വേഗം ഗണ്യമായി കുറയ്ക്കും.

നിർഭാഗ്യവശാൽ, ഈ ഫസ്റ്റ് ഡ്രൈവ് സ്റ്റൈൽ അവലോകനത്തിന്റെ സമയ പരിമിതികൾ കാരണം ടാറ്റ പഞ്ച് ഇവിയുടെ റിയൽ വേൾഡ് റേഞ്ച് പരീക്ഷിക്കാൻ ഞങ്ങൾക്ക് കഴിഞ്ഞില്ല. എന്നിരുന്നാലും, ടാറ്റയുടെ മറ്റ് ഇവികൾ മുൻകാലങ്ങളിൽ എങ്ങനെ പ്രവർത്തിച്ചു എന്നതിനെ അടിസ്ഥാനമാക്കി ടാറ്റ പഞ്ച് ഇവിയുടെ ലോംഗ് റേഞ്ച് പതിപ്പ് (ഞങ്ങൾ ഓടിച്ചത്) കുറഞ്ഞത് 300 കിലോമീറ്റർ റേഞ്ച് നൽകുമെന്ന് ഞങ്ങൾ കണക്കാക്കുന്നു.

ഞങ്ങളുടെ അഭിപ്രായം: ടാറ്റ പഞ്ച് ഇവി ഒരു പുതിയ പ്ലാറ്റ്‌ഫോമിലാണ് നിർമ്മിച്ചിരിക്കുന്നത്, ഇത് ബ്രാൻഡിന്റെ മറ്റൊരു നേട്ടത്തെ സൂചിപ്പിക്കുന്നു, ഇത് ടാറ്റ മോട്ടോർ‌സ് ഇത്ര വേഗത്തിൽ നവീകരണം തുടരുന്നത് എങ്ങനെയെന്ന് ആശ്ചര്യപ്പെടുന്ന എതിരാളികൾക്ക് കൂടുതൽ സമ്മർദ്ദം നൽകും.

10.99 ലക്ഷം രൂപ പ്രാരംഭ എക്സ്-ഷോറൂം വിലയിൽ, ഗ്രീൻ & ക്ലീൻ ഫ്യൂച്ചറിലേക്ക് ഉറ്റുനോക്കുന്ന വളർന്നുവരുന്ന കാർ ഉപഭോക്താക്കളുടെ വിഭാഗത്തിലേക്ക് ഇവി സെഗ്മെന്റിൽ ഒരു മികച്ച ചോയിസാണ് ടാറ്റ പഞ്ച് ഇവി. മികച്ച റേഞ്ചും കംഫർട്ടു വാഹനം വാഗ്ദാനം ചെയ്യുന്നു, എന്നിരുന്നാലും, ഉയരമുള്ള ആളുകൾ പിൻസീറ്റ് ഒഴിവാക്കണമെന്ന് ഞങ്ങൾ പ്രത്യേകം ശുപാർശ ചെയ്യുന്നു.