Click it and Unblock the Notifications
240 കിലോമീറ്റര് മൈലേജുള്ള കാര്
ഈ സാഹചര്യത്തിലാണ് ബങ്കളുരുവിലെ ഒരു കൂട്ടം എന്ജിനീയറിംഗ് വിദ്യാര്ത്ഥികള് ഈ അപ്രഖ്യാപിത പെട്രോള് അടിയന്തിരാവസ്ഥയ്ക്കെതിരെ ക്രിയാത്മകമായി പ്രതികരിച്ചിരിക്കുന്നത്. ലിറ്ററിന് 240 കിമി മൈലേജ് ലഭിക്കുന്ന വാഹനം വികസിപ്പിച്ചെടുത്താണ് വിദ്യാര്ത്ഥികളുടെ പ്രതികരണം. കനം കുറഞ്ഞ അലൂമിനിയം കൊണ്ടാമ് ചേസിസ് നിര്മിച്ചിരിക്കുന്നത്. ഫൈബര് ഗ്ലാസ്, പ്ലാസ്റ്റിക് എന്നിവ ഉപയോഗിച്ചാണ് ബോഡിവര്ക്ക് നടത്തിയിരിക്കുന്നത്.
വിശ്വേശ്വരയ്യ ഇന്സ്റ്റിറ്റ്യൂട്ട് ഓഫ് ടെക്നോളജിയിലെ പിള്ളാരാണ് സാങ്കേതികത വികസിപ്പിച്ചെടുത്തത്. മലേഷ്യയില് നടക്കാനിരിക്കുന്ന ഷെല് ഇക്കോ മാരത്തണില് പങ്കെടുക്കുക എന്ന ഉദ്ദേശ്യമാണ് ഈ സംഗിള് സീറ്റര് വാഹനത്തിനു പിന്നില്.
ജൂലൈ 4 മുതല് 7 വരെയാണ് പരിപാടി നടക്കുന്നത്. ഏഷ്യയില് നിന്നുള്ള 150 ടീമുകള് പങ്കെടുക്കും. വിശ്വേശ്വരയ്യയുടെ കുട്ടികള് ഒട്ടും മോശമാക്കില്ല എന്നുതന്നെ ഉറപ്പിക്കാം.
ഷെല് ഈക്കോ മാരത്തണില് കൂടുതല് മൈലേജിനാണ് പ്രാധാന്യം. ഇക്കാരണത്താല് മറ്റ് ഘടകങ്ങളില് വേണ്ടത്ര ശ്രദ്ധ പതിപ്പിച്ചിട്ടില്ല എന്നുപറയേണ്ടി വരും. ഒരു ബജാജ് എന്ജിന് മാറ്റങ്ങള് വരുത്തിയെടുത്താണ് ഈ വാഹനത്തില് ഉപയോഗിച്ചിരിക്കുന്നത്. ദ്രോണ എന്നാണ് വാഹനത്തിന്റെ പേര്. 2.5 ലക്ഷം രൂപയാണ് നിര്മാണച്ചെലവ്.
60 കിമി വരെ വേഗം പിടിക്കാന് ഈ വാഹനത്തിന് ശേഷിയുണ്ട്.
Continue with Google